DOCT. I, CH. VI. — ANTIDOTES DES PLAIES. RESTRTNCTIFS DU SANG
La quantité et le temps doiuent estre opportuns, comme il estoit dit au mesme liure douziesme de la Thérapeutique. Et de ce furent suspects aux Médecins, les trochiscs que Monsieur TEuesque de Rieges conseilla à Monsieur l’Euesque de Marseille, lequel enduroit vne strangurie douloureuse, car il en mourut assoupy et endormy. Car ils auoient telle propriété, qu’vn seul prins appaisoit incontinent la douleur.
Des stupefactifs la forme est telle, par tout le Continent : PR. de rhyoscyame blanc, vne drachme : opion, demy drachme : semence de citrouille et de laictuë, de chacun quatre drachmes : graine de pourpier, deux drachmes. Qu’on en forme des trochiscs, auec de l’eau de regalice.
Ce médicament mesme est trouué au troisiesme Canon des vlceres des rognons, sous cette forme : PR. semence d'hyoscyame blanc, la sixiesme partie d' vne drachme : opion, vn Karath (qui sont vingt-quatre grains d’orge, aux synonymes de Mondin) : semence de citrouille, semence de laictuë, semence de pourpier, de chacun vne drachme.
SIXIESME CHAPITRE
Des antidots locals des play es : et premièrement des medicamens qui arrestent le sang.
jT est necessaire que le sang soit arresté, quand il verse excessiuement, autrement l’homme periroit, veu que le sang et les esprits sont le trésor et fondement de Nature : comme tiennent tous les Physiciens \ Or le sang est retenu en plusieurs maniérés, comme dessus a esté dit ès playes des veines. Nous traiterons et dirons maintenant d’entre lesquelles maniérés, celle qui est faite par medicamens.
Le médicament restrinctif du sang, est celuy qui a à resserrer le membre, et retenir le sang qui coule. Ce qu’il fait, ou parce qu’il est froid, en reprimant l’acuité du sang, ou parce qu’il vnit et assemble les orifices des veines : ou parce qu’il agglutine, et bouche les porositez des membres ; ou parce qu’il desseiche et brûle, et induit escharre au membre.
Les exemples des premiers sont au cinquiesme des Medicamens, l’eau froide, la joubarbe, le pourpier, tribul verd®, l’herbe aux puces, oreille de
