HISTOIRE DE LA CHIRURGIE

escriuit plusieurs Liures en Chirurgie : ainsi qu’il appert du quatrième de la Thérapeutique et plusieurs autres passages de Galen. Mais ie croy que pour la bonne ordonnance des Liures de Galen les Liures d’Hippocras et de plusieurs autres ont esté mis en arrière.

Galen l’a ensuiuy, et ce que Hippocras a semé, comme bon laboureur, il l’a cultiué et augmenté. Donc il a escrit plusieurs Liures, auxquels il a meslé beaucoup de la Chirurgie, et spécialement le Liure des tumeurs contre nature, sommairement escrit : et les six premiers Liures de la Thérapeutique \ composez des playes et vlceres, et les deux derniers des aposternes et de plusieurs autres maladies, esquelles eschet operation manuelle. Plus, sept Liures qu’il a ordonné « Catageni » ^ (c’est de la composition des médicaments selon les genres), jaçoit que nous n’en ayons qu’vn sommaire. Or il fut souuerain en science démonstrative du temps de l’Empereur Antonin ®, après lesus-Christ enuiron cent cinquante ans. Il vesquit quatre-vingt ans, ainsi qu’il est recité au Liure de la vie et des mœurs des Philosophes. Entre Hippocras et Galen il y a eu fort longtemps, comme dit Avicenne au quatrième des Fractures : c’est trois cens vingt-cinq ans, ainsi qu’on glose là-dessus, mais à la vérité il y a eu cinq cens quatre-vingt et six ans

Apres Galen nous trouuons Paul, qui (comme atteste Rhasis en tout le Continent, et Halyabbas au premier de la Lisposition royale) a fait beaucoup de choses en Chirurgie : toutefois ie n’ay trouué que le sixième Liure de sa Chirurgie.

Suiuamment on trouue Rhasis, Albucasis et Alcaran, lequel (soit qu’ils ayent esté vn mesme, ou diuers) s’y est tres-bien porté, sur tout és Liures à Almansor ® et des Diuisions, et en la Chirurgie ditte Albiicasis : et comme dit Halyabbas, en iceux il a mis ses particularitez : et en tout le Continent (qui est nommé Helham en Arabie) il a répliqué mesmes choses, et a assemblé tout le dire des anciens ses prédécesseurs : mais parce qu’il n’a pas choisi, et est long et sans détermination, il a esté moins prisé.

1. Cela est bien vray des troisiesnie, quatriesme, cinquiesme et sixiesme, esquels il enseigne la curation des playes, ulcères et fractures; mais non pas des deux premiers. (J.)