CHAPITRE SINGULIER
de la Thérapeutique : Le sec approche plus du sain, et V humide du non sain \
La troisième secte fut de Guillaume de Salicet et de Lanfranc, qui voulant tenir le milieu entre ceux-cy, procuroient ou pensoient toutes playes auec vnguents et emplastres doux, se fondans sur cela du quatorzième de la Thérapeutique, que la curation a vn seul moyen, que soit traitée seurement et sans douleur.
La quatrième secte est de tous les gendarmes ou cheualiers Theutoniques et autres suiuans la guerre : lesquels auec coniurations et breuuages, huile, laine, et feuilles de choux, pensent toutes playes, se fondans sur cela, que Dieu a mis sa verlu aux paroles, aux herbes et aux pierres.
La cinquième secte est des femmes et de plusieurs idiots!, qui remettent les malades de toutes maladies aux Saints tant seulement, se fondans sur cela : Le Seigneur me l’a donnée ainsi qu’il luy a plû; le Seigneur me Postera quand il luy plaira; le nom du Seigneur soit bénit, Amen,
Et pource que telles sectes seront refutées au progrez de ce liure, qu’elles soient obmises pour le présent. Mais ie m’esbays d’vne chose, qu’ils se suiuent comme les grues. Car l’vn ne dit que ce que l’autre a dit. Je ne sçay si c’est par crainte ou par amour qu’ils ne daignent ouyr sinon choses accoustumées, et prouuées par authorité. Ils ont mal leu Aristote au second de la Métaphysique, où il monstre que ces deux choses empeschent le plus la voye et cognoissance de la vérité. Qu’on laisse telles amitiez et craintes, car Socrate ou Platon est nostre amy, mais la vérité est encor plus amie. C’est chose sainte et digne d’honorer en premier lieu la vérité. Qu’ils ensuiuent la doctrine dogmatique de Galen approuuée au Liure des Sectes et par toute la Thérapeutique, laquelle est entièrement composée d’experience et de raison, en laquelle on recherche les choses et on mesprise les mots. Et luy-mesme a enseigné le moyen de la rechercher, au Liure de la Constitution de l'art dogmatique, chapitre septiesme, lequel sous certain épilogue, il met au troisiesme Liure des Facilitez naturelles, dixiesme. chapitre, en cette maniéré : Celuy qui doit cognoistre quelque chose mieux que les autres, faut que soudain (sçauoir est du commencement et de* nature, et de première doctrine) il soit grandement différant des autres. Et quand il sera deuenu garçon, ou en âge de puberté, soit espris de certaine fureur
1 . Mâlgaigne dit : Il y a une grave erreur dans ce rapprochement de Brunus et de Théodoric, ce dernier. ayant copié Brunus; et il faut ajouter que c’est Brunus qui a cité l’aphorisme Laxa bona, à l’appui de la doctrine de Roger; mais ceci mis à part, l’appréciation de Guy de Chauliac est pleine de justesse. (Malg., Inlrod. d’A. Paré, p. XXXIX).
2. « Mulierum, et multorum idiotarum. » Idiotae, le populaire (Daremberg).
