DOCT. II, CH. IV. — DES ÉPAULES ET DES BRAS
intérieure, en descendant se manifeste au ply du coulde, et est nommée Basilique : et de ce lieu descend à la main, et se manifeste entre le doigt moyen et l’auriculaire : et est ditte, Saluatelle. De ces deux veines quand elles sont au ply du coulde, se faict vn rameau commun, qui appert au milieu des deux, lequel est appellé Médiane, ou corporelle. Au bras y a quatre ou cinq grosses veines, et autant d’arteres, desquelles l’incision est dangereuse, à cause de leur grand flux de sang. Il y a plusieurs autres rameaux, desquels pour leur petitesse le Chirurgien n’a à s’en soucier.
Des nerfs^ il est dit, que de la nuque par les vertebres du col descend à chasque bras quatre notables nerfs, l’vn en derrière, l’autre en deuant, l’autre en haut, et l’autre en bas : lesquels diuisez par tout, apportent sentiment et mouuement, h tous les bras, ou de soy, en passant par le profond du corps, ou meslez auec les muscles, chordes et ligamens.
Desdits nerfs, chair, et membranes, se font quatre muscles principaux et grands : sçaiioir est en l’adiutoire ceux qui meuuent le petit bras ; et quatre en cestuy-cy, qui meuuent la petite main, et cinq en la main, qui meuuent les ddigts ; desquels les chordes nerueuses sont manifestes, ainsi que dessus a esté dict ; et sont desnuez de chair à trois doigts prés de la ioincture, dont s’ils estoyent blessez, apporteroient grand danger.
Il y a aussi plusieurs ligamens au bras qui descendent des os, et passent par les ioinctures, et auec les chordes eslargies les tiennent liées, desquels l’incision est dommageable.
Finalement il faut dire des os^ suiuant la diuision ditte de la grand main. Eu la première partie, qui est nommée vlne ou adiutoire^^ est vn seul os, moüelleux, et rond des deux bouts. La rondeur supérieure, qui est vnique, entre dans la bouètte, ou fosse de l’espaule et constitue la iointure humerale. La rondeur inferieure est double, au milieu de laquelle y a vn degré, comme si c’esloit vne poulie double, par où passent les cordes, auec lesquelles on puise de l’eau. Et de la part interne il a quelque petite eminence : et par derrière il a certaine cauité, en laquelle est receuë la teste, ou addition en forme de bec, du focille majeur, quand on redresse le bras : tellement que ces rondeurs entrent és concauitez des focilles, et s’y contournent au temps de l’extension, et du plie ment du bras.
Et font la iointure Cubitale, où commence le petit hras^ qui est la seconde partie ditte, auquel sont deux os nommez focilles : sçauoir est, le maieur, qui est en bas, plus long que l’autre, à cause de l’addi-
1. Canappe dit : « laquelle est dite brachium, ou adiutorium »; l’édit, latine dit : « vlna siue adiutoriuoi. »
PREMIER TRAITÉ. — ANATOMIE
tion en farine de bec, qui a esté ditte : et tend vers le petit doigt, faisant en dehors vne eminence bossue, en mode de cheuille. Le mineur est en haut, et dés le ply du coulde, iusques à la main, il tend vers le poulce, comme s’il y vouloit adiouster ou s’adiouster auec luy. Et en chasque teste ou bout d’iceux, y a des fosses qui reçoiuent les rondeurs; deuers le coulde, ils reçoiuent les rondeurs faites à degrez de radiutoire, auec l’addition en forme de bec dudict coulde : et vers la main, les rondeurs des os de la main. Ils sont tous deux plus gros, et conioincts en la ioincture : et enuiron le milieu, plus gresles et plus csloignez, afin qu’ils contiennent nerfs, et muscles.
Et ou ces deux focilles terminent, et sont contigus aux os de la main., là se fait la iointure, et elle y commence : en laquelle y a trois rangs d’os, desquels les inferieurs se ioignent de leiirs rondeurs aux fosses des supérieurs. Au premier rang y a trois os, car l’addition du focille est quasi par dessus, tenant le lieu d’vn os Au second rang y en a quatre, et au supérieur y a vne petite bouëtte, en laquelle s’affermit le premier os du poulce. Les os de ces deux rangs sont cours. Au troisiesme rang y a quatre os, plus longs que les autres. La première partie des deux rangs est nommée Rascete, ou Carpe.; l’autre partie est dicte Peigne, ou Métacarpe. Puis viennent les doigts : le chacun ayant trois os, et ils sont cinq.
Doncques il y a aux doigts quinze os : et onze en la main, et deux au bras, et vn en l’adiutoire, et par ainsi en tout le grand bras, ou grande main, il y a vingt et neuf os. Dequoy appert le nombre des parties desdits membres.
Reste à voir des maladies qui leur peuuent aduenir en grand nombre : comme apostemes, playes, dislocations, fractures, paralysies. Et par l’anatomie de ces parties vous pouuez voir, que les incisions y doiuent estre faites de long, et suiuant les riddes : car ainsi vont les muscles, Pouuez aussi voir, qu’entre leurs iointures, la plus difficile à desnoûer et à réduire est la cubitale : la plus aisée, l’humerale; et moyenne, la manuelle, Pouuez aussi voir les parties, ou endroits, vers lesquels plus proprement se fait la desnoüeure, Pouuez aussi considérer, qu’en la paralysie de ces membres, les remedes doiuent estre appliquez enuiron les vertebres du col, parce que de là deriuent leurs nerfs,
1, « Quia addilio focilis quasi est desuper tenens locuni vnius ossis. »
