Cien, suif

DOCT. II, CH. VII. — DES IIAVCIIES ET DE LEURS PARTIES 6b

lations, et pierres. Vous voyez que le moyen de leur curation est de toutes parts difficile.

Ayant veu ces choses, tu peux tout ietter, excepté l’estomach (si on doit faire l’anatomie des membres supérieurs), et lés rognons, pour voir l’anatomie des parties inferieures. Et adonc regarde le nombre, et la grandeur des vertebres, et tu y en trouueras cinq plus grosses que les autres, par lesquelles descendent cinq paires de nerfs, de la nuque à tout le ventre, et aux parties des cuisses et des grands pieds.

SEPTIESME CHAPITRE

De V Anatomie des hanches, et de leurs parties.

Har les hanches nous entendons icy, les parties basses du ventre, depuis le sumen iusqiies aux cuisses, et parties honteuses. Leurs parties sont triples : les vnes contenantes, les autres contenues, et les autres yssantes en dehors. Les contenantes sont Mirac, Sifac, la coëffe, et les os. Les contenues sont, la vescie, les parties spermatiques, l’amarry aux femmes, Longaon ou intestin droict, les nerfs, veines, et artères, qui descendent en bas. Celles qui passent outre en dehors sont les didymes, ou gemeaux, les testicules, et la verge, les haynes, le périnée, les fesses, et les muscles qui descendent à la cuisse : desquelles il faut dire par ordre.

parties contenantes, quant au Mirac, Sifac, et la coëffe, il en a esté assez dit au ventre supérieur. Quant aux os, il les faut ainsi despescher.

Aux hanches on trouue deux sortes d’os, premièrement il y a de la part du dos trois ou quatre vertebres de l’os sacré, et deux ou trois cartilagineux de l’os de la queuë. Le premier de l’os sacré est fort gros, et ceux qui sont après, vont en diminuant vers le siégé, et la fin du dos. Leurs trous par où sortent les nerfs, sont par deuant et non pas à costé, comme aux autres os du dos.

De la part des costez il y a deux grands os, à chasque costé vn. Ils sont joiiicts âuec ceste grande vertebre de l’os sacré, par derrière, et par deuant au penil, faisants l’os barré ^ : tellement que ces os sont larges,

1. « Et anterius in pectine faciéndo os pectinis. » Le ms. de Montp. : « et par devant au penil ou au pectine » ; Canappe : « et du deuant au penil, en faisant l’os pectinal.

NiCAISE. — Guy de Ctauliac. ^

PREMIER TRAITÉ. — ANATOMIE

deaers les Isles, dequoy ils sont appelez Isles, ou os des Isles. Au milieu d’eux par dehors, sont les cauitez appellées bouëttes, esquelles sont reçeuës les testes des os des cuisses, et là mesme incontinent apres tirans vers le siégé, il y a en chacun vn grand trou, duquel dit Galen au seiziesrne de l’Vsage^ neufiesme chapitre ; entre la teste de la cuisse, et les os du penil, il a esté necessaire de faire vn grand pertuis, et un sentier par lequel descendissent les nerfs, et muscles, veines et arteres, qui d’en haut sont portéz en has. Ils sont aussi de la part du penil estroits en sorte de branche, se joignants audit penil. Et iaçoit que reniement ne soit qu’un os, toutesfois il a trois appellations : et pourtant quelques-vns disent, que sont trois os : sçauoir est l’os des Isles par le haut, l’os du penil ^ par le deuant, et l’os de la cuisse par le milieu.

Des parties contenues^ la première qui se rencontre est la vescie, qui est vn certain réceptacle, comme vn bassin, ou vn sac, de la superfluité vrinale qui transcolle des rognons à elle. Sa substance est membraneuse, lorte, composée de deux pannicules. Sa forme est ronde. La grandeur, ou capacité, comme d’vne pinte. Sa situation est immédiatement soubs le penil. En la vescie sont implantez deux conduits ou canauls longs, descendants des rognons, qu’on nomme Pores vritides ou vreteres, entrans par ses costes diagonellement, apportons l’vrine des rognons. Il y a aussi en elle vn col charnu, auec des muscles qui ferment et ouurent, lequel sortant d’icelle, trauerse le perinée en se refleschissant, iusques à la verge aux hommes : aux femmes sans reflexion, iusques à deux doigts dans la vulue. Par iceluy est reiettée l’vrine en dehors.

Dequoy appert l’action, la substance, la situation, et le reste qu’on recherche aux autres membres. Il appert aussi, qu’elle est prompte à oppilations, à raison de son col, et à pierres, à cause de l’vrine sablonneuse qu’elle reçoit, et retient. D’elle on a apprins la maniéré de syringuer. Elle indique aussi, que l’incision à cause de la pierre, doit estre faicte au col, et hors la cousture du perinée : comme sera dit cy apres en la curation.

Les vaisseaux spermatiques, sont certaines veines qui naissent auprès des rognons, de la veine caue, et de l’aorte descendante. Ils portent du sang aux testicules, tant du masle que de la femelle, esquels ils deuient sperme, par vne derniere digestion ^

Sperme est la semence, et le germe de nature humaine. Aux masles ils passent en dehors, parce que leurs testicules sont dehors : aux femmes ils demeurent en dedans, parce que les testicules des femmes sont dedans, comme il sera dict.

1. « Os pectinis sive puppis », édit, de 1337. Ms de Montp. : « les du pectine ou du penil ».

2. « In quibns per vlteriorem digestionem efficitur sperma. »