LEVESQUE

Le cueur ne me peult esjouir Des nouvelles que mort m'apporte Dieu vouldra de tout compte oïr :

C'est ce que plus me desconforte :

Le monde aussi : peu me conforte Qui tous à la fin deshérite.

Il retient tout : nui rien n'emporte Tout ce passe fors le mérite.

Avancé vous gent escuier Qui savés de danser les tours.

Lance pourtiés : et escu hier :

Et huy vous finerés vos jours.

Il n'est rien qui ne preigne cours.

Dansez : et panser de suir Vous ne pouvez avoir secours, 11 n'est : qui mort puisse fuir.

^ L'ESCVIER.

Puisque mort me tient en ses las Au moins que je puisse un mot dire A dieu déduis : a dieu solas :

A dieu dames plus ne puis rire.

Pensez de l'ame : qui désire Repos, ne vous chaille plus tant Du corps : que tous les jours empire Tous fault morir on ne scet quant.

Danse Macabre

LE MORT

bbé : venez tost : vous fuyez :

N'ayez ja la chière esbaye.

11 convient que la mort suyvez ; Combien que moult l'avez baye Commandez a Dieu Tabaye :

Que gros et gras vous a nourry.

Tost pourrirez a peu de aye Le plus gras est premier pourry.