LE CONNESTABLE

J'avoye encor intencion D'assaillir château, forteresse :

Et mener à subjection En acquérant honneur, richesse :

Mais je voy que toute proesse Mort met a bas : c'est grant despit Tout lui est ung : doulceur rudesse.

Contre la mort n'a nul respit :

LE MORT

ue vous tirés la teste arrière Archevesque : tiré vous près Avés vous peur qu'on ne vous tière Ne doubtez : vous venrés après.

N'est pas toujours la mort enprès Tout homme : et le suit coste à coste Rendre convient debtes. et prestz.

Une fois fault compter à l'oste.

L'ARCHEYESQVE.

Las : je ne say ou regarder Tant suis par mort à grant Destroit Ou fuir ay-je pour moy aider :

Certes qui bien la congnoistroit Hors de raison jamais nistroit Plus ne gerray en chambre painte.

Morir me convient c'est le droit.

Quant faire fault c'est grant contrainte:

LE MORT

Vous qui entre les grans barons Avés eu renom chevalier :

Obliez trompettes, clarons.

Et me ouivés sans sommeillier :

Les dames soliés reveillier :

En faisant danser longue pièce.

A autre danse fault veillier Ce que l'un fait l'autre dépièce.

LE CHEVAUER.

Or ay-je esté autorisé En pleuseurs fais : et bien famé Des grans. et des petits prisé Avec ce des dames amé.

Ne oncques ne fus diffamé A la court de seigneur notable :

Mais a ce coup suis tout pasmé Dessoubz le ciel n'a rien estable.

LE MORT

îantost n'aurez vaillant ce pic Des biens du monde, et de nature.

Evesque : de vous il est pic Non ostant votre prélature.

Vostre fait gît en aventure.

De vos subgés fault rendre compte :

A chascun Dieu fera droicture.

N'est pas asseur qui trop hault monte.