LA BOURGEOISE

Mes getz et colletz de létisse Ne me exemptent point de mort Mais mes grans joyes et délices.

Me viennent icy a remort.

Ma conscience fort me mord Des folies faicles en jeunesse Qui me sont a rebours très fort Joye en la fin torne en tristesse.

LA MORTE

Femme vefue venez auant Et uous auancez de venir Vous veez les autres deuant Il conuient une fois finir.

C'est belle chose de tenir L'estat ou on est appelée Et soy toujours bien maintenir :

Vertuz est tout par tout louée.

LA FEMME VEFUE.

Depuis que mon mari môrut J'ay eu des affaires granment Si non : de Dieu gart seulement :

Sans que ame m'aye secourut J'ay des enfans bien largement Qui sont jeunes et non pourueus Dont j'ay pité : mais nullement Dieu ne lesse aucuns despourueus.

LA MORTE

lions oultre gente marchande Et ne vous ehaille de peser La marchandie qu'on demande C'est simplesse d'y plus muser.

A l'ame deussez aduiser.

Le temps s'en va heure après heure Et n'est tel que d'en bien user.

Le mérite et bienfait demeure.