LA MARCHANDE

Qui gardera mon ouurouer

Tendis que je suis à mal aise :

Mes gens ne feront que jouer.

Les biens leur viennent a leur aise.

Adieu ma balance et ma chaise

Ou j'ay eu les yeulx diligens

Pour plus cher vendre dont me poise.

Auarice déçoit les gens.

LA MORTE

Après ma dame la balliue Des quaquetz tenus en l'église Juger auez par raison viue Maintes gens a vostre guise Je vous signifie main mise Pour pouuoir d'autre en voz lieu, Car aujourdhuy serez desmise.

Point ne se fault jouer à Dieu.

LA BALLIUE.

Que femme se plaint de léger

La costume n'est pas nouuelle :

Que s'entremecte de juger

Des fais d'auctruy et non pas d'elle

Chascune se réputé telle

Que ce quelle fait est bien fait.

Qu'oncques mal ne fut dit par elle.

Il n'est rien au monde parfait.

LA MORTE

our vous monstrer vostre folie Et qu'on doit sur la mort veiller:

Ça la main espousée jolie

Allons nous en deshabiller.

Pour vous ne fault plus traueiller Car vous viendrez coucher ailleux On ne se doit trop resueiller.

Les fais de Dieu sont merueilleux.

VESPOUSÊE.

En la journée qu'auoye désir D'auoir quelque joye en ma vie:

Je n'ay que deul et desplaisir Et si faut que tantost deuie.

Hée mort : pour quoy as tu enuie De moy : qui me prent si a coup.

Si grant faulte n'ay deseruie.

Mais il fault louer Dieu de tout.

LA MORTE

Femme nourrie en mignotise Qui dormez jusques au disner On va chauffer vostre chemise Il est temps de vous desjeuner.

Vous ne deussez jamais jeûner Car vous estez trop maigre et vuide A demain vous viens adjourner :

On meurt plus tost que on ne cuyde: