LA BERGIÈRE

Je prens congé du franc gontier

Que je regrette a merveilles

Plus n'aura chappeau déglantier

Car vecy piteuses nouuelles.

Adieu bergiers et pastourelles

Et les beaux champs que Dieu fit croistre

Adieu fleurs et roses vermeilles

Il fault tous obéir au maistre.

LA MORTE

Après, pouure vielle aux potences Qui ne vous pouez soustenir : Cy bas n'auez pas voz plaisances Aussi vous en convient venir.

L'autre siècle est a aduenir Ou pour vostre mal et misère Pouuez a grant bien paruenir :

Dieu recompense tout en gloire.