LA FEMME AUX POTENCES

De viellesse ne voy mais goutte Par quoy ne crains guères la mort Dix ans y a que j'ay la goutte Et maladie me grefue fort.

Mes amis ont le mien à tort Et n'ay vaillant deux blancs contans Dieu seul est tout mon reconfort :

Après la pluye vient le beau temps.

LA MORTE

a pouure femme de village Suiuez mon train sans retarder Plus ne uendrez eufne formage Allez vostre panier vuider.

Se vous auez bien sceu garder Pouureté. pacience et perte Vous en pourrez moult amender :

Chascun trouuera sa déserte.

LA FEMME DE Vlf.LAGE.

Je prends la mort vaille que vaille

Bien en gré et en pacience

Francs archiers ont pris ma poullaille

Et eu toute ma substance.

De pouures gens nulluy n'en pense

Entre voisins n'a charité

Chascun veult auoir grant cheuance :

Nul n'a cure de pouureté.

LA MORTE

Et vous, ma dame la gourrée Vendu auez maintz beaux surplis Donc de l'argent estes fourrée Et en sont voz coffres remplis.

Après tous souhaitz accomplis Conuient tout lesserii., et bailler, Selon la robe on fait le plis :

A tel potage tel cuiller.