LA VIELLE

A tout mon cas bien recongnoistre Je n'ay pas vescu sans reprouche Me suis affublé de mon maistre Comme fait coquin de sa pouche.

J'ay souuent mis ses vins en broche Et l'ay fait despendre a ma guise Mais maintenant la mort m'aproche :

Tant va le pot a l'eau qu'il brise.

LA MORTE

pprochez vous revenderesse Femme de petite value Sans plus cy faire demeurée Mal viuant en charnalité Vostre corps nuit et jour ne cesse Mené auez vie dissolue

De gaigner pour estre honnourée.

Honneur est de pouure durée Et se pert en ung moment, d'eure Au monde na chose assurée :

Tel rit au main au soir pleure.

LA REUENDERESSE.

J'auoye hier gaigné deux escus Pour forfaire subtilement Mais ne scay que sont deuenus :

Argent acquis mauuaisement Ne fait ja bien communément.

Hélas je meurs, c'est d'aultre metz Que prestre aye hastiuement :

Il me vault mieulx tard que jamais.

En tous temps yver et esté.

Aiés le cueur espouuenté Car vous serés de p<rès tenue Pour mal faire on est tormenté Péché nuist quant on continue.