LA ROYNE MORTE
e estoye royne couronnée Plus que autre doublée et crainte Qui suis ici aux vers donnée Après que de mort fuz actainte Sur la terre je suis contrainte D'estre couchée a la renuerse :
Pour quoy est dure ma complainte :
Bien charie droit qui ne verse.
Prenez y qui me regardez Exemple pour vostre prouffit Et de mal faire vous gardez Je n'en dis plus, il me souffîf Si non. car celui qui vous fit Quant il vouldra vous deffera.
Deffais estiez quant vous refit Qui bien fera bien trouvera.
L'ACTEUR
vous seigneurs, et aussi dames, Qui contemplez ceste paincture :
Plaise vous prier pour les ames, De ceulx qui sont en sépulture.
De mort n'eschappe créature Allez, venez, après mourrés.
Ceste vie q'un bien peu ne dure :
Faictes bien vous le trouuerés.
Jadis furent comme vous estes, Qui ainsi dansent en façon telle Allans. parlans. comme vous faictes De gens mors il n'est plus nouuelle.
Ne il n'en chault d'une cenelle Aux hoirs, ne amis des trépassés :
Mais qu'ilz ayent argent et vaiselle Ayez d'eulx pité. c'est assés.
Puisque ainsi est qu'il nous fault tous finir Et après fin compte a Dieu du tout rendre Las. désormais vueillons nous maintenir Si saintement, sans tache et sans mesprendre Que a l'eure orrible ou mort nous vouldi-a prendre, Nostre pouure ame a présent vicieuse Soit des vertus tant riche et précieuse. Que voler puisse en la clère cité Ou est plaisir, joye et félicité Salut, vertus, aussi paix pardurable, Yie sans mort, heauté. santé, jeunesse, Los pieu, pouuoir et force insupérable Qui tousjours dure et qui jamais ne cesse.
Las nous voyons tous les jours mort venir Qui est la fin que nous debuons actendre, Et ne sauons que peuuent deuenir Les espéritz, quant les corps sont en cendre, 1-es bons vont sus. les mauluais fault descendre En une chartre obscure et ténébreuse, Ou est vermine immortelle, angoisseuse, Misère, ennuis, faulte et nécessité Faim. soif, pleur, cry et toute aduersité Horreur, peur, fraieur inénarrable Mort sans mourir, désespoir et tristesse, Feu sans lumière et froit intollérable.
Qui tousjours dure et qui jamais ne cesse.
Hélas pour tant vueillons bien retenir, Tous ces poins cy et a bien faire entendre Si que après mort, nous puissions pervenir Ou hault royaume ou nous deuons tous tendre ; Qui tant riche est que cueur ne peut comprandre On y vit en paix, qu'est chose glorieuse Et oyt on son de voix si mélodieuse La ont les corps impassibilité Agilité, clarté, subtibilité j Et les ames sapience admirable, Puissance, honneur, seureté et liesse ; Concorde, amour en gloire inséparable Qui tousjours dure et qui jamais ne cesse.
0 mouuais riche enflé de iniquité Rude aux pouures. las que ta prouffité Ton riche habit, ta plantureuse table Puis que tu es pouure, pour ta richesse, Et as soif ores, et faim insaciable ; Qui tousjours dure et qui jamais ne cesse.
Je congnois que Dieu ma formé.
Et fait en sa digne semblance ; Je congnois que Dieu ma donné, Ame sans vie, et congnoissance, Je congnois que juste balance.
Selon mes fais jugé seray, Je congnois moult, mais je ne scay Congnoistre dont vient la folie.
Que je scay bien que je mourray, Et si n'amende point ma vie.
Je congnois en quel pouureté Yins sur la terre, et nasqui d'enfence, Je congnois que Dieu ma presté Tant de biens, en grant habondance, Je congnois qu'auoir ne cheuance, Avecques moy n'emporleray ; Je congnois que tant plus auray.
Plus dolent mourray en partie, Je congnois tout cecy pour vray.
Et si n'amende point ma vie.
Je congnois que"j'ay ja passé, Grant part de mes jours sans doubtance^ Je congnois que j'ay amassé Péché, et fait peu pénitence, Je congnois que par ignorence, •Excuser je ne me pourray ; Je congnois que trop tard veudray Quant l'ame sera départie, Pour dire je m'amenderay :
Et si n'amende point ma vie.
Prince, je suis en grant esmay, De moy qui les autres châtie.
Et moy mesmes le pire fay.
Et si n'amende pas ma vie.
ur ce cheual hideux et palle, La mort suis : fièrement assise Il n'esî beauté que je ne haale, Soit vermeille, ou blanche, ou bise, Mon cheual court comme la bise, Et en courant mort, rua, et frappe, Et je tue tout car c'est ma guise, Tous viuans trébuchent en ma trappe.
Enfer sçait bien quel tuerie Je fais de gens, car pas à pas, Me suit : et de ma boucherie, Aual l'an ftiis maint gros repas.
Quant je besoigne, il ne dort pas ; Par moy atlenî que proie aura, D'aucuns qui ne s'en doubtent pas, Sen garder qui garde vouldra.
Je passe par mons, et par vaux, Sans tenir ne voie ne sente, Je prens par villes, et chastcaulx, Mon tribu, mon cens et ma rente.
Sans donner délay. n'attente, Ne jour, ny heure, ne demie.
Deuant moy fault qu'on se présente A tous viuans je tolz la vie.
Encor ne sçay raison pour quoy, De ceulx qui meurent de mon dart, Et sont sajîs nombre : crois moy Car il en a la plus grant part.
Paradis n'en a mie le quart, Ne la dime. on lui feroit tort.
Grant, s'il n'auoit tout au plus tart L'homme pcscheur quant il est mort.
Je considère ma pouure humanité. Je considère des dames les deffaulx
Et comme en pleur premiernasqui sur terre, Qui sont liurés sans fin de mort à mort. Je considère moult ma fragilité Et mon péché qui tropt le cuer me serre. Je considère que mort me viendra querre Je ne sçay l'heure pour me lollir la vie. Je considère que Vennemy m'espie.
Je considère que les vers mangeront Mon dolent corps, c'est chose espouuentahle, Je considère, las, pécheurs que feront Quant se viendra le jugement doutable,
La char, le monde, me guerroient si trcffort q ^^^^^ ^j^^^^^ ^^^^^^ délectable
Je considère que c'est tout par enuie Pour moy liurer sans fin de mort à mort.
Je considère les tribulacions
De ce vil siècle dont la vie n'est pas necte.
Je considère cent mille passions.
Ou pouure humaine créature, est subjecte,
Je considère la sentence parfaicte
Du vrai juge, faicte sur bons et maulx,
Je considère tant plus viz, que pis vaulx,
Dont conscience bien souuent me remort.
Ayez mercy de moy celle journée Qui tant sera merueilleuse et doublée, Et ma poure ame conduisez a droit port. Car a vous seule de cuer je lay vouée Pour la defifendre sans fin de mort a mort.
Prince du ciel vostre humble créature Vous cry mercy, pour faire son accord Et de la peine qui a tousjours, mais dure La deffendez sans fin de mort a mort.
Cy finist la Danse Macabre des Femmes.
S'ensuivent les dis des trois mors^ et trois vifzj et doit on premièrement lire le proesme de f ermite.
