L'ERMITE
uure tes yeux créature chétive, Viens veoir les fais de la mort excessive. De qui j'ai eu en ce lieu vision, Pensée n'est si très contemplatiue, Que d'avoir eu une heure hastiue, Ung tel regard n'eust admiration.
De trois corps mors m'est l'apparition Venue icy, auecques leurs suaires, Pareillement leurs terribles viaires, Deffigurés et leurs corps descouuerts.
Les trous des yeux et du nez ouuers, Les os tous secz. jambes, bras, pieds et mains Tous demangiés et partuisés de vers.
C'est le tribut que mort doit aux humains.
Terrible mort sur tous autres terribles, On te voit bien par tes euurcs horribles Dire et clamer puis que par sa morsure Et par assauls, soudains imperceptibles, Par coups mortelz divers, irrémissibles.
Telle tu fais humaine créature.
De tes euures ai veu la pourtraicture ; Tant diuerse. tant cruelle et hideuse Deffîgurée. horrible, merveilleuse, Deuant mes yeux en ce poure hermitage.
Qui m'ont troublé tellement le corage Que plus ne peut de tel euure cognoistre, Bien doit penser à la mort qui est sage, Car en la fin il nous conuient telz estre.
Or ne scet on si trois autreflPois Ont esté ducs, barons, contes ou roys.
Papes, abbés, cardinaulx ou chanoines, Ne qui esloit le plus noble des trois, S'ilz ont esté bossus, borgnes, ou drois; S'ilz ont esté preuosts, ou capitaines, Fors qu'ilz ont eu tous trois faces humaines.
Qui ont esté en la terre ammurées La ou les vers les ont défigurées, Si qu'il n'y a plus rien que l'osseraent Qui est a tous grant esbahissement.
Et est bien fol a qui point n'en souuient Grans et petis uniuersellement, .
Une fois telz estre nous conuient.
De l'autre part sont venus vis à vis Sur trois chenaux, trois biaux hommes vis. Mais en voyant ceste chose admirable Il a semblé qu'ilz ont esté rauîs Trop long seroit à conter le deuis Des trois viuens piteux et lamentable.
Celui n'eut d'eux qui ne fust doubtable De veoir les mors et non pas sans raison Car quiconque voit feu en la maison De son voisin, prochain mettre et getter De la sienne par cause doit doubter.
Dont les viuans que les mors aperçurent Merueille n'est si de fort s'espouuanter A celle heure ; cause raisonnable eurent.
Les mors aux vis les vis aux mors parlèrent Et aux viuens les trois morts réuellèrent De mort les grans et terribles assaulx. Et tellement les viuens espoentèrent Que a bien petit que tous ne trébuchèrent A la terre de dessus leurs cheuaulx.
L'ung laissa chiens et l'autre ses oyseaulx En requérant à Dieu grâce et mercy.
Que requérir nous lui deuons aussi En lui priant par la saincte puissance Qu'il nous donne faire vray penitance. . Si qu'au monde que nous somes mortelz Nous façons tant qu'ayons la jouissance Après la mort des règnes immortelz.
