PREUVES

a tous que : dou descort et de la guerre que nous, Balduyns archivesques de Trievres, Jehan rois de Bahengne, Ferris dus de Loherenne, et Edduairs cuens de Bar, avons eut, nostre homes et noz aidans, contre la citeit, les citains de Mes et contre lour justissaubles et lour aidans, boins escors et bonne paix et loiaulzen est faite entre nous d'une pairt et d'autre por tout jorz maix, en teil meniere : que tuit li prixons qui ont esteit pris por l'oquisson de la guerre que nous tenons d'une pairt et d'autre, lour fois et lour ostaiges sont et doient estre tuit quites et tuit délivres en bonne foit et sanz mal anging d'une pairt et d'autre, sauf lor despens paiant souffizanment. Item, li sciteins de Mes, li clergie, et lor subgis yront et poront alleir a lor terres, a lour viles, et a lour heritaiges, et a lor waigeires, et a lour biens p[er]tout ou qu'il les aient; et en esploiteront et lèveront lor debtes ensi com il faissoient et poient faire davant la guerre, sauf ce que se nous, li davant dis signours, noz homes et noz aidans, avons pris dou lour et de lour aidans ou temps de la guerre en lour heritaiges, lour rentes et lour waigeires, ou aillours ou que ce soit, en bestes, en bleif, en revenues, en chateis, et en rentes d'argent ou en autres choses; et an samblant meniere tout ceu que nous, li Maistres Eschevins davant dis, li Treze, li Communiteit dessus dit, noz justissaubles et noz aidans, avons pris et leveil des chaiteis et des biens les davant dis signours, lour homes et lour aidans, en queil chose ceu ait esteit, et tuit li damaiges qui ont esteit fais ou

temps de la guerre, et toutes les seurteis que ons avoit donneit de ce que leveis est dedens la guerre, sont tuitquites d'une pain et d'autre, ne n'enpoions jamaix, nous les p[er]ties davant dite, riens demandeir sauf ce que ce li davant dis citeins, li clergiet, lour justissaubles et lour aidans pueent et poront demandeir et leveir lour debtes de bleif et d'argent que on lor doit, tout en la forme et en la meniere qu'il les puissent avoir leveit et demandeir davant la dite gueiTe, fors que les choses dezour dites; et en samblant meniere nous, li davant dis signours, noz hommes et noz aidans, porons leveir et demandeir toutes les debtes d'argent et de bleif que li citains, li clergiet, lor justissaubles et lor aidans nous doient, fors que les choses dezour dites. Item, toutes les retenues des heritaiges et toutes les escruwes que nous, les davant dites p[er]ties, nostre home, nostre justissaubles et noz aidans, avons fait d'une pairt et d'autre li uns sor l'autre, sus clergiet, sus noz homes, sus noz justissaubles et sus noz aidans et sus noz terres, en quel meniere que ce soit, ou temps de la guerre, sont et doient estre de nulle vallour ; et revanront li davant dis heritaiges, les droitures, les rentes, en queil que meniere qu'elles soient ansis, [a nous] les davant dites p[er]ties, et a clergiet, et a noz homes et a noz justissaubles et a noz aidans, p[er] coy li davant dis heritaiges, les droitures et les rentes soient mizes et restaublies en lour premier estât, sauf les chaiteis leveis ou temps de la guerre en la meniere dessus dite. Item, nous les p[er]ties davant dites avons

PREUVES. wn

escordeit que li citains de Mes ne pueent ne ne doient aquasteir fielz ne arrier fielz sanz la volenteit dou signer a oui li fielz ou li arrier fielz muelt ; et c'il achatent heritaige, cours ou maixon que muevet des wairdes des signours ou de gens de poiesteit dezous lessignors, il an feront au signor teil servisse et en paieront teil droiture com li heritaiges dovoit davant l'aquast. Item, se li citains de Mes avoient plait de fielz ou il seroit antreis, sicom dou treffons, il an paieroit et feroit droit en bonne foi, senz mal enging, en l'osteit dou signor de cui li fielz muelt, et an feroit teil servisse com li fielz doit et requiert ; et se li davant dis citeins ont aquesteit nulz fielz jusques a jor d'uy, les queilz il n'aient mies repris des signours dont li fielz muelt, il les an doient repanre, et li signours les an doient recevoir. Item, escourdeis est antre nous que li citeins de Mes ne pueent deffandre ne wairentir nulz homes de noz signours davant dis, qui sont levans et couchans dezous nous ou dezous aucuns de nous, contre noz davant dis signours ne contre noz homes. Item, il est acordeis entre nous que se aucuns des homes de nos davant dis signours ou de noz subgis meffessoient sus cialz de Mes, cilz de Mez en doient requerre lou signour et s'en pueent panre a eaulz et az meffaissans et a toz lor aidans et a lor biens, tant que raison soit faite a cialz de Mes. Item, de tous autres descors qui porroient estre de si an avant entre nous les p[er]ties dessus dites, noz homes, noz justissaubles et noz aidans, ons en doit ouvreir et faire d'une pairt et d'autre

p[er] estault celonc coustumed'estault. Item, escordeis est que chascunsdes signours promet por luy et por les siens tant soullement a tenir les choses dessus dites com a lui et az siens touchet. Item, les p[er]ties dessusdites nous sommes escordeis et avons promis et prometons en bonne foy que nous osterons et dechasserons toz les robours et toz. cialz qui feront ampechemant en condus et en chamins qui sont en noz terres, p[er]coy pellerins et marchans et toutes autres bonnes gens y puissent alleir et venir seurement et conduire lor biens, droit faissant. Et ceste paix et cestescort avons nous, li devant dis Signours, por nous et por noz homes et por noz aidans, et nous, li davant dis Maistres Eschevins, et li Trezes Jureis de Mes, por nous et por toute la Communiteit de Mes, por noz justissaubles et por noz aidans, avons promis et juriet sus saintes Evangiles et sus toute la créance et la foy que nous tenons de Deu , et promelons en bonne foy sen mal anging, sus l'obligeation de toz noz biens, que nous tenrons et guerderons cest escort et ceste paix et toutes les choses dessus dites, fermement et loialment, senz venir an Tancontre ne faire venir p[er] nous ou p[er] autruy en queil meniere que ce soit, a nulz jors maix. En tesmoignaige de la queil chose, et pour ce que toutes les choses dessusdites soient fermes et estaubles a toz jors maix, nous, Balduyns archivesques de Trievres, Jehans rois de Bahengne, Ferris dus de Lolierenne et marchis, et Edduars cuens de Bar, devant nommeis, avons mis noz grans seelz an ces présentes