DU 24 JUIN U
Beatissime Pater, Domine noster reverendissime !
Post humilem nostri recommendationem violatis nuper rébus, fortuneeque nostrae non parum adjumenti accessisse putavimus, quandoquidem œquam exspectationi nostrae benevolentiam ex
parte Sanctitatis Vestrae , et metimur, et colligimus. Heec litteris primum^ post honorabilis nancii patris Valentini oratione patefacta, spemque, fiduciamque ingerit, ne suspecto casu belli, cum bello simul cadant animi, neve ob fortunœ lapsum labatum pariter et diligentia surgendi. Muita debuimus apostolicse fidei, cujus favores plurimos legimus : item patrocinia^ et curam, denique gratiarum copiam, at nunc quanto ampliora debebimus, si ejus opitulamine sublevati^ coilapsis rébus nostris statum reddere poterimus. Sed ad ea , quae praefatus pater Valentinus attulit, quae quidem tria fuere principalius, de concordia et unione inter nos observanda, cohortatio admonitioque, item de casu belli nostri alta Beatitudinis Vestrae compassio, cum larga et humana subsidii et favoris promissione ad integrandam rupturam fortunae nostrcT : praeterea de facto domini régis Bosniae, protectioni nostrse commendati^ ceteraque in identidem grata vobis, et placidissima yerba.
Apta sane, Beatissime Pater ' conditioni horum temporum baec ipsa iegatiù, exspectataeque illius benevolentiae bene memor, utpote in qua renovantur redivivi favores, iidesque, ac devotio excitatur. Itaque, dum imprimis de concordia, et unione suadetur, facile optateque consensimus, nempe^ quam et nos ipsi unam, ac solam, nervum nostrae reipublicœ, ac nutricem reputamus. Caeterum, de clade suscepta^ ubi Beatitudo Vestra compatitur, gratias paterno illi pio affectui agimus^ habemusque : patimur certe angores, plus fidei, quampatriae; quo evenit, ut oblatum illud Sanctitatis Vestrae subsidium magis optare liceat, quam petere, quo, et si non peteretur, tantopere jam indigere videmur. Verum ubi Beatitudo Vestra, consequenter in speciali addit, et monet, ut post banc susceptam cladem,intra fines regniarmorummanus contineamus, hoc quorsum, quove jure satius intelligi debeat? non satis compertum habemus. Otium enim nobis hic persuaderi videmus, et, utinam ! christiana quiète dignum, ac verendum restât, ne hoc ipsum otium negotii inopia, non requiescendi studium nobis constituât, prcesertim, si opportune subsidio his temporibus destituamur.
Otio, paceque frui, Beatissime Pater ! nobis semper in voto fuit, verum tamen, illo otio, quod patriae nostrae verum otium parère posset. Nam , et hactenus maxime pro tuendis finibus bellandi nobis cura fuit, ut videlicet comimus, insultantium hostium, largius propulsarentur insidiae. Vnde, nunc manus armorum, citra fines continere, quid aliud erit, quam vicinos hostes, intra eosdem fines viciniores excipere? Equidem vires hostium expertaenobis ab suscepto incommodo magis sunt, quae forte necdum satis notae fuere, erantque cognitione dignissimae. Animo, sollicitudine, ope et opéra opus est, quae, ut feracior fiât, plura in id ipsum cogitare, eversa, quam stante fortuna, oportet. Caetera Sanctitatis Vestrae judicio committimus, de quibus plura Venerabibs Dominus Nicolaus Decanus Orator noster, ex nostra mente bene edoctus, explicare poterit, instabitque apud Sanctitatem Vestram, ne omittat curam suam de nobis, neve ianguere patiatur sollicitudinem nostram, adversum hostes fidei, quam nobis, praesertim, hoc interrègne durante, plus nécessitas affert, quam volun-
478 JEAN DE HUNYAD.
tas. PrOtremo, in facto Régis Bosniae, différent! am illam, quae inter ipsum et Despotum Rasciee Tiget, per viam judicii sedare deliberavimus^ assistemusque tandem partie quae plus juris habitura est, prout super his, oratoribus ipsarum partium, qui apud nos in hac congregatione fuerant , certa avisamenta dari fecimus. Super quibus et aliis supratactis omnibus, prœfato PaUi Valentino inter nos, et per nos de his informato largius, mentem, intentionem et deliberationem nostram Beatitudiui Yestree commisimus explicandam.,Quara Altissimus conservet féliciter regimini Ecclesiae suse sanctae. Datum in congregatione nostra Pestiensi, xxiv. mensis Junii , Anno Domini mccccxlix.
Devoti
GUBERNATOR, PR^ÎLATI, BAROXES, ET PROCERES REGNI HUNGAR1.€.
Ex Johannis de Zrenda Epistolis Bunyadi., apud Schwandtner, Sc/iptores rerum Hungoricarum, Epistola xliii.
