CHAPITRE X

POUR quelque affaire, ung jour, fut à Paris, Mais il advint, dont il ne fist pas ris, Qu'il se trouva avec des gens de plume, Qui bien soubdain luy ousterent sa plume : Ce nonobstant qu'il fust bien emplumé, Par eulx il fut bien toust deseniplumé; Car à beaulx detz les gallands le pipèrent, Et son argent subtilement grippèrent, Tant qu'il n'avoit ne maille ne denier. Le luy rendre chascun va denier.

En emprunter son credo estoit tendre, Tant que Paris par tout se peut estendre. Le vaillant corps s'advise d'ung cault tour. Pour essayer à avoir son retour.

Le landemaln, pour le vous faire court, S'en vint devant Messeigneurs de la Court, Feignant le sot dandin et le nyès :

Sans leur dire bon jour ne bona dies, Tout en criant, leur dist que de leur gent, Luy avaient faict tout perdre son argent;

A ne sçait quoy, et à ne sçait quel jeu,

Ce nonobstant son argent avaient eu.

La Court en eut pitié incontinent,

De le veoir là ainsy incontinent;

Car pour certain cuidoient qu'il n'eust esprit :

Dont reprindrent, par ung iresgrant dcspit,

Ceulx qu'il monsîra avoir eu son argent,

D'avoir trompé ungpovre négligent,

Les menassant de les faire tous pendre :

Parquoy bien ioust furent contrains luy rendre

Tout son argent, dont ne fut mal content.

Lors s'en alla, sans faire aultre contend.

Se desguiser en une aultre manière,

Car de pipper il sçait bien la manière,

Mieulx qu'ils ne font. Il se trouve en leur voye :

Incontinent detz allèrent par voye

A son proffit, tant qu'il eut leur argent,

Avecqu' le sien, par son subtil art gent.

Sans que l'ung d'culx enrienlepeustcongnoistre.

Leur maistre il fut, bien leur fist à congnoistre.

Comment il donna à desjeuner à des dames de Angers.