LE GENTIL SEIGNEUR DE BAYART
La povre dame de mère estoit en une tour du chasteau, qui tendrement
plorait; car combien qu'elle fut joyeuse dont son fds estoit en voye de parvenir, amour de mère l'admonestoit de larmoyer. Toutefois, après qu'on luy fust venu dire : « Madame, si vous voulez venir voir votre fils, il est tout à cheval prest à partir, » la bonne gentille femme sortit par le derrière de la tour et fist venir son fils vers elle, auquel elle dist ces parolles : « Pierre, mon amy, vous al'ez au service d'un gentil prince. D'autant que mère peult commander à son enfant, je vous commande trois choses tant que je puis; et si vous les faites, soyez assuré que vous vivrez triompliamment en ce monde : la première, c'est que, devant toutes choses, vous aymez, craignez et servez Dieu, sans aucunement l'offenser s'il vous est possible, car c'est celluy qui tous nous a créés, et qui nous fait vivre; c'est celluy qui nous saulvera : et sans luy et sa grâce ne saurions faire une seulle bonne œuvre en ce monde; tous les soirs et tous les matins, recommandez- vous à luy, et il vous aydera. La seconde, c'est que vous soyez doulx et courtois à tout gentilhomme, en ostant de vous tout orgueil, Sovez humble et serviable à toutes gens ; ne soyez maldisant ne menteur; maintenez-vous sobrement quant au boire et au manger. Fuyez envie, car c'est un vilain vice. Ne soyez flatteur ne rapporteur; car telles manières de gens ne vien- ' nent pas voulenliersà grande perfection. Soyez loyal en faicts et dicts; tenez votre parolle. Soyez secourable aux jjovres veufves et aux orphelins, et Dieu vous le guerdonnèra. La tierce, que des biens que Dieu vous donnera vous
• Voir l'Appendice à la fin du tome.
soyez charitable aux povres nécessiteux; car donner pour l'honneur de luy n'apovrit oncques hommes; et sachez de moy, mon enfant, que telle aumosne que vous puissiez foire grandement vous pronffitera au corps et à l'àme. Velà tout ce que je vous en charge. Je croîs bien que vosire père et moy ne vivrons plus guères, Dieu nous face la grâce, à tout le moins tant que serons en vye, que toujours puissions avoir bon rapport de vous. »
Alors le bon chevalier quelque jeune âge qu'il eust, lui respondit : « Madame ma mère, de vostre bon enseignement, tant humblement qu'il m'est possible, vous remercie; et espère si bien l'ensuivre que, moyennant la grâce de celluy en la garde duquel me recommandez, en aurez contentement. Et au demeurant, après m'estre très humblement recommandé à vostre bonne grâce; je vois prendre congé de vous. »
Alors la bonne dame tira hors de sa manche une petite bourcette, en laquelle avoit seulement six escus en or et ung en monnoye qu'elle donna à son fils; et appella ung des serviteurs de l'évesque de Grenoble, son frère, auquel elle bailla une petite malette en laquelle avoit quelque linge pour la nécessité de son fils, le priant que, quand il seroit présenté à monseigneur de Savoye, il voulust prier le serviteur de l'escuyer, soubs la garde duquel il seroit, qu'il en prist un
fieu seing jusqu'à ce qu'il i'ust en plus grand âge; et luy bailla deux escus pour uy donner Sur ce propos print l'évesque de Grenoble congé de la compaignie et aj'pelason nepveu, qui, pour se trouver sur son gentil roussin, pensoit estre en ung paradis. Si commencèrent à marcher le chemin droit à Chambéry, où pour lors estoit le duc Charles de Savoye. {Chap. lï.)
