LOUANGE DES DEBTEURS ET EMPRUNTEURS

Je me donne à sainct Eabolin, le bon sainct, en cas que toute ma vie je

n'aye estimé debtes cstre comme une connexion et coUigence des cieulx et terre; ung entretenement unique de l'humain lignaige fie dy sans lequel bien tosttous humains périroyent); estre par adventure celle grande'àme de l'univers, laquelle, selon les académiques, toutes choses vivifie. Qu'ains.! soyt, représentez-vous en esperit serain l'idée et forme de quelque monde (prenez', si bon vous senible, le trentiesme de ceulx que imaginoyt le philosophe Metrodorus) auquel ne soyt debteur ny créditeur aulcun. Ung monde sans debtes! la entre les astres ne sera cours régulier quelconcque; tous seront endésarroy. Jupiter, ne s'estimant debteur à Saturne, le déposera de sa sphère, et avecques sa chaisne homérique suspendra toutes les intelligences, dieux, cieulx, démons, génies, héroes, diables, terre, mer, tous éléments. Saturne se ralliera avec Mars, et mettront tout ce monde en perturbation, Mercure nevouldra soy asservir esaultres, plus ne sera leur Camille, comme en langue hétrnsque étoit nommé; car il ne leur est en rien debteur : Venus ne sera vénérée, car elle n'aura rien preste. La Lune restera sanglante et ténébreuse : à quel propos luy départiroyt le Soleil sa lumière? Il n'y seroyt en rien tenu. Le soleil ne kiyra sus leur terre, les astres n'y feront influence bonne; caria Terre désistoyt leur prester nourrissement par vapeurs et exhalations : desquelles, disoit Heraciitus.prouvoyent les stoïciens, Ciceron mainlenoyt estre les étoilles alimentées. Entre les élémens ne sera symbolisation, alternation, ne transmutation aulcune. Car l'ung ne se reputera obligé à l'autre : il ne lui avoit rien preste. De terre ne sera faicte eaue ; l'eaue en aer ne sera transmuée ; de l'aer ne sera faicl feu, le feu n'eschauffera la terre. La terre rien ne produira que monstres, titanes, géans; il n'y pluyra pluye. n'y luira lumière, n'y ventera vent, n'y sera esté ne automne. Lucifer se dèsliera, et, sortant du profund d'enfer avec les furies, les poines et diables cornuz, vouldra deniger des cieulx tous les dieux, tant des maieurs comme des mineurs peuples. De cestuy monde rien ne prestant, ne sera que une chiennerie, que une

* Voir l'Appendice à la fin du tome.

brique plus anomale que celle du recteur de Paris, que une diablerie plus confuse que celle des ieux de Doué K Entre les humains, l'un ne saulvera l'autre : il aura beau crier à l'ayde, au feu, à l'eaue, au meurtre, personne n'yra au secours. Pourquoy? 11 n'avoitrien preste, on ne luy debvoyt rien. Personne n'ha interest en sa confla?:ration, en son naufraige, en sa ruyne, en sa mort. Aussi bien ne prestoit il rien; aussi bien n'eusl il par après rien preste. Brief, de cestuy monde seront bannies foy, espérance, charité: car les hommes sont nays pour l'ayde et secours des hommes. En lieu d'elles succéderont défiance, mespris, rancune, avecques la cohorte de tous maulx, toutes malédictions et toutes misères. Vous penserez proprement que là eust Pandora versé sa bouteille. Les hommes seront loups es hommes; loups guaroux et lutins, comme feurent Lycaon, Bellerophon, Nabugotdonosor; briguans, assassineurs, empoisonneurs, malfaisans, malpensans, malveillans, haine portans; ung chascun contre tous, comme Ismael, comme Metabus, comme Timon, Athénien, qui pour ceste cause, feut surnommé Misanthropos. Si que chose plus facille en nature seroyt nourrir en l'aer les poissons, paistre les cerfz au fond de l'Océan, que supporter ceste truandaille de monde qui rien ne preste. Par ma foy, ie les hais bien. Et si, au patron de ce fascheux et chagrin monde rien ne prestant, vous figurez l'aultre petit monde, qui est l'homme, vous y trouverez un terrible tintamarre. La teste ne vouldra prester la veue de ses yeulx pour guider les piedz et les mains. Les piedz ne la daigneront porter; les mains cesseront travailler pour elle. Le cueur se faschera de tant se mouvoir pour les poulz des membres, et ne leur prestera plus. Le poulmon ne lui fera prest de ses souffletz. Le foye ne lui envoyera sang pour son entretien. La vessie ne vouldra estre débitrice aux roignons. L'urine sera supprimée. Le cerveau, considérant ce train desnaturé, se mettra en resverie, et ne baillera sentiment es nerfz ne mouvement es muscles. Somme, en ce monde desrayé, rien nedebvant, rien ne prestant, rien n'empruntant, vous voyrez une conspiration plus pernicieuse que n'a figuré Esope en son apologue. Et périra sans double; non périra seuUement, mais bien tost périra, feust ce Esculapius mesme. Et ira soubdain le corps en putréfaction; l'ame tout indignée prendra cours à tous les diables, après mon argent.

[Pantagruel, liv. III, chap. m.)