Jean de Cliàteaugiron

CARTULAIRE (1412-146ÔJ

ledit appel a esté converty en opposicion, et ont esté renvoyées lesdites parties pour procéder par devant vous sur ycelle et sur l'exploit fait à la requeste desdites suppliantes, à certain jour naguaires passé.

Toutesvoyes lesdites suppliantes, qui sont simples et ignorans, cuidans que, au temps dudit exploit l'ait comme dit est, lesdiz chevalier et sa femme feussent encores détenteurs et propriétaire do ladite Granche et terres, doubtent que, obstant ce que ledit évesque en estoit lors propriétaire, que il ne vueille dire et maintenir ledit exploit avoir esté mal fait et non estre tenu de procéder à l'encontre desdites suppliantes, par vertu de arrest et exploit fait par vertu de ladite sentence, lui qui est un tiers et qui oncques ne fu condempné envers elles, et que tout ce que elles ont fait en la poursuite dudit procès, qui, par l'appel fait par ledit évesque a duré près de deux ans en nostre dite court, ne leur soit inutille et de nulle valeur ; qu'il leur seroit moult dure chose et en leur très grant préjudice et ou retardement de leur bon droit. Mosmement considéré le grant circuyte que il leur fauldra prandre de envoyer ou pays de Bretaigne faire adjourner de nouvel nostre dit conseiller en accion personnelle et ypothèque, ou autrement, et les grans périlz qui sont sur les chemins en alant audit pays. Requérans humblement lesdites suppliantes que, attendu ce que dit est et la cause renvoyée et commise par nostre dite court de Parlement, sur l'opposition de nostre dit conseiller, qui est entière, et ne y a aucunement esté procédé depuis ledit renvoy, et que, en proposant par nostre dit conseiller sesdites causes d'opposition ou deffence contre la demande desdites suppliantes, soit en action personnelle ou ypothèque que autrement, il n'y a point d'intérest et en est assez informé son conseil de pardeça, nous leur vueillons sur ce pourveoir de nostre grâce.

Pourquoy nous, ces choses considérées, voulans de tout nostre povoir abrégier le procès d'entre noz subgiez, vous mandons, commandons et expressément enjoingnons, pour ce que ceste cause vous a esté autreffoys commis^ par nostre dite court, commectons derechief, se meslier est, que ledit évesque vous faites procéder et aler avant à dire et proposer ses défenses et causes d'opposition à l'encontre de la demande

desdits supplians, soit en accion personnelle ou ypothèque, ou autrement, tout ainsy que se de nouvel elles eussent fait adjourner nostre dit conseiller pour leur respondre sur les choses dessusdites, leurs circonstances et dépendances, procéder et aler avant en oultre comme de raison ; et aux parties, ycelles oyes, faites bon et brief acomplissement de justice.

Car ainsy nous plaist-il estre fait.

Et ausdits supplians l'avons ottroyé et ottroyons de grâce espécial par ces présentes, non obstant l'ignorance, simplesse ou... desdits supplians et lettres quelconques à ce contraire.

Donné à Paris, le xvni0 jour de juillet, l'an de grâce MCCCCXXII et de nostre règne le xliic.

Par le roy, à la relation du conseil, Marc

1182. — 1423, 20 juin— 1" juillet.— Actes du Parlement dans l'instance que Jacques Mescliin, époux de Béatrix de Montjean, belle-mère de Gilles de Laval-Retz, avait intentée à Jean de Craon-la-Suze, Gilles de Laval-la-Suze, Jean de Volvire et maître Nicolas Maignan (A. N., X,a 9197, fol. 216, 218 et 222, indiqué par M. l'abbé Ledru dans la Province du Maine, I, 274).

1183. — 1424, n. s., 31 mars, Aversa. — Lettres par lesquelles Louis III d'Anjou donne procuration à divers personnages pour épouser en son nom Isabelle de Bretagne ; Guy de Laval-Montjean1 est l'un de ses mandataires (Morice, II, 1169 et B. N., français 22332, 125J.

1184. — 1424, mai 15 et 16, Paris. — Extraits des registres du Parlement relatifs au procès de Guy Turpin contre Jean Damant (in extenso dans Anne de Laval, 86, d'après A N Xla 4793, 433).

1185. — 1424, 4 juin. — Notice de l'accord intervenu entre Jeanne, dame de Laval, et Jean lirandeau, abbé d'Evron, au

1. Dans la Maison de Craou (II, 108), trompé par l'omission dans dom Morice du mot Montjean, on avait attribué à Guy XIV la mention en question. C'est le manuscrit 22332 qui permet de se rectifier sur ce point et de dire que celui qui, en 1430, épousait Isabelle, n'avait pas été l'un des mandataires de Louis III en 1424

CARTi'LAirΠ(1412-146G)

sujet des droits féodaux du moulin de Bellepoule en Changé (abbé Guiller, //. de Changé, I, 607).

1186. — 1424, 9 juin, Paris. — Sentence par laquelle le Parlement déboute Guy Turpin, seigneur de Gavre, de son appel contre la sentence, rendu le 22 mai 1423 par les officiers du duc de Bourgogne, à cause du pillage fait par lui en 1416 de la maison de la Grange Batelière, près Paris, appartenant à Jean Malestroit et à Marguerite, sa femme (A. N., X,a 64, 62, indiqué par M. l'abbé Angot).

1187. — 1424, 24 août, Bennes. — Contrat de mariage entre Louis de Vendôme et Jeanne de Laval1 (B. N., français 4329, 34).

Sachent tous présens et à venir que par nostre cour de Bennes furent présens et personnellement establis très noble et puissant seigneur messire Louis de Bourbon, comte de Vandosme, sire d'Espernon et de Mondoubleau, du Teil, Préaux et Bemallar, et souverain maistre d'hostel de France, d'une part, et très nobles et puissantes dames Jehanne, dame de Laval, de Vitré et de Chastillon, et Anne, dame desdicts lieux de Laval, de Vitré et de Gavre, sa fdle, en son propre et privé nom et comme tutrice et ayant la garde, gouvernement et administration de très noble et puissant seigneur Guy de Laval, sire de Gavre, de Montfort et de la Boche Bernard, son aisné filz, et de ses aultres enfants mineurs d'ans, et très noble damoiselle Jehanne de Laval, aisnée fdle de feu messire Guy de Laval, en son vivant sire de Laval et de Vitré, et de ladicte dame Anne, d'aultre part. Soubzmettans lesdictes parties elles et chascune d'elles pour tant que luy touche leurs hoirs et tous et chascun leurs biens présens et à

1 . Malgré sa longueur toute exceptionnelle nous n'hésitons pas à imprimer ce contrat de mariage ; il contient divers renseignements précieux et notamment, pour le cas d'extinction de la descendance masculine de Guy XIII, de minutieuses dispositions prises dans le but d'assurer la constitution d'une nouvelle maison de Laval chargée d'en perpétuer le nom. La copie à laquelle ce texte est emprunté est extrêmement défectueuse ; tous les noms propres y sont méconnaissables. C'est ainsi que d'un bout à l'autre de la pièce le nom Rennes a été lu Reims.

venir à la jurisdiction, pouvoir, cohertion et destroit de nostre dite cour quand à tout ce qui s'ensuit tenir et accomplir.

Lesquelles parties ont congnu et confessé, connoissent et confessent que en traittant, parlant et acordant le mariage d'entre ledit comte, d'une part, et ladicte damoiselle Jehanne, d'aultre, et en faveur d'icelluy estre faict et accomply, et de entretenir et aprouver les aflinitez et aliance de piéça contractées par lignage et aultrement entre les seigneurs de Vandosme et de Laval, elles ont faict, traitté, appoincté et accordé, et encores font, traittent et accordent les poinclz, choses et articles qui cy après s'ensuit :

Et premièrement, ont promis et acordé, promectent et accordent, veullent et consentent lesdictes dames, ez noms que dessus, audict comte qu'il ayt par mariage ladicte damoiselle Jehanne et qu'elle soit son espouse, et le mariage consommé, faict et accomply entr'eulx au cas qu'il plaira à Dieu et à saincte esglise s'y assenlir, et à nostre sainct père le pape, dispenser sur l'empcschement de consangninité que ont dict estre entr'eulx, et ainsy l'ont ordonné, consenty et accordé lesdictes dames et mère à ladicte damoiselle Jehanne, leur aisnée fille, laquelle, en obéissant à leur dict commandement et au conseil et consentement de sesdicts mère et autres parens et amis, de sa franche volonté l'a voulu et consenty estre faict et accomply, ladicte dispence obtenue. Item, et à ce que ledict mariage sorte son effect, ladicte dame Jehanne, ayeulle de ladicte damoiselle Jehanne, a donné et donne aux dessus dictz comte et damoiselle Jehanne, à cause d'elle, les chastellenies, terres, appendances et appartenances de Brion, de Blou et d'Avrillé, en Anjou ; et ladicte dame Anne esdicts noms, les terres et chastellenies de Canzillon, Plélan et Sainct Aubin des Chasteaux au pays de Bretagne, le tout pour et en assiette de deux mille livres tournois de rente pour en jouir ledict comte, à cause de ladicte damoiselle, des fruictz et revenus d'icelies depuis la feste de Nostre Dame my aoust dernièrement passée et incluse à tousjours mais au temps à venir comme du propre héritage de ladicte damoiselle, ainsy et o telle condition que si ladicte damoiselle Jehanne va de vie à trespas, sans hoirs de sa chair, avant ladicte dame Jehanne, son ayeulle, vestue et saisie

CARTULAIItE (1412-1466)

desdictes terres de Brion, Blou et Avrillé, ou qu'elle n'en auroit disposé et ordonné, elles seront et retourneront à ladicte dame Jehanne, son ayeulle, ou les terres qu'elle auroit eues en eschange d'icelles, s'y eschangiées avoient esté, ou qu'elle n'en eust ordonné, comme dict est.

Et aussy a promis et accordé ladicte dame Anne audict comte de Vandosme et à ladicte damoiselle à cause d'elle que si lesdictes terres par elles données et transportées à ladicte damoiselle ne vallent deux mille livres de rente à assiette et coustume du pays où elles sont assises, déduittes et rabattues les charges anciennes, ladicte dame Anne s'oblig-e les parfaire et accomplir, fournir et faire valloir en Bretagne ou ailleurs, en bonne et suffisante assiette, selon l'usage, loy et coustume dudict pays, en une partie ou en deux à l'eslection de ladicte dame /Ynne et de ladicte damoiselle Jehanne ; et pour apprécier et évalluer lesdictes terres, ont esté eslcuz et commis parles parties dessusdictes, c'est à sçavoir : pour la partie dudict comte et de ladicte damoiselle Jehanne, messire Charles de Mauroy, chevallier, André Bichard, escuyer, capitaine de Montoire, et Laurens Pichouer, chastellain de Mondoubleau, ou deux d'iceux ; et pour la partie de ladicte dame Anne, Fouquet de La Boche, escuyer, Jehan de Breil et maistre Jehan Dolier, ou deux d'eulx, lesquels seront tenus tourner sur icelle terre et appeler avec eulx des savans et connoissans en telz termes aprécier et évaluer le revenu d'icelle, selon la costume des pays où elles sont assises, et ladicte visite et apréciation faicte dedans le jour de Pasques prochain venant, et icelles faire aporter par escrit pardevers lesdictes parties pour y conclure si faire le peuvent par elles mesmes : et en cas de discords lesdicts commis ou deux de chacun costé en pourront ordonner et sentencier, ainsy qu'ilz verront qu'il sera à faire durant le temps dessusdict, et sans que lesdictes parties soient receues à le contredire ne empescher en aucune manière ; durant lequel temps, s'il estoit trouvé que lesdictes terres ne vallusent deux mil livres de rente, ladicte dame Anne, es noms que dessus, sera et est tenue rendre et payer audict comte en deniers contens ce qu'il faudra des fruictz à parfaire lesdictes deux mil livres de

rente. Et parce que ladicte terre et aparlenances de Blou est de pieça empeschée et tenue en la main du Roy pour raison de certain plaid et procès meu et pendant entre ladicte dame Jehanne ayeulle et ses héritiers aultres que ladicte damoiselle1, seront tenus poursuivre ledict plaid et procès, et la délivrer et mettre hors de tous empeschement à leurs propres coustz et despens, aux dessusdicts comte et damoiselle Jehanne à cause d'elle et leur rendre et payer pendant ledict temps et empeschement par chacun an, en la ville d'Angers, en l'hostel de maistre Estienne Filastre, au jour de la My caresme, le premier terme commençant au jour de la my aoust prochainement venant, aultant vallant comme sera trouvé valloir ladicte terre et appartenances de Blou par l'assiette et prisée dessusdictes, déduictes et rabattues les charges anciennes deues à cause d'icelle ; ainsy que ladicte Jehanne ayeulle dessusdicte, pendant ledict empeschement jouira des f'ruictz qui cuillis seront au temps à venir en ladicte terre par lesdicts commissaires.

Et oultre, ont donné et donnent lesdictes dames, ez noms que dessus, à ladicte damoiselle tout ce qui pourroit estre esligé, levé et exigé des fruictz et revenus de ladicte terre de Blou du temps qu'elle a esté en main séquestre avec tous les f'ruicts desdictes chaeunes terres et apartenances soient restes de revenus, bestiaux et aultres biens meubles et ustancilles qui sont esdicts lieux, desduictes et rabattues les mises faictes par les receveurs et deux cens livres qui seront payées à un homme sur les restes desdictes terres sizes en Anjou, par l'ordonnance de ladicte dame Jehanne, pour deux années, à cause de cent livres qu'il a acoustumé avoir de pension chacun an sur icelles, sy payez ne sont, oultre que lesdicts restes vaudront plus que lesdictes deux cens livres réservez à ladicte dame Anne le sel qui esloit faict en ladicte terre de Camzillon paravant ladicte l'esté de my aoust dernier passée seulement, et aussy les restes des chastellenies de Plelan et de Sainct Aubin des Chasteaux, du temps de devant la my aoust dernière, sauf que sur icclluy sel on a donné et promis payer audicts comte et damoiselle la somme de trente muids