Voir numéro

CAUTULAIRE (1412-1466)

mesure de Guérande toutesfois que prendre et avoir les voudront.

Et en oultre les deux mil livres de rente dessusdietes et les terres baillées en assiette d'icelles, ladicte dame Anne esdicts noms a donné et octroyé ausdicts comte et damoiselle Jehanne, héritiers et ayans cause d'elle aultres deux mille livres de renie qu'elle veult qu'ilz ayent et prennent, c'est à sçavoir après le trespassement de la première décédée desdictes dames Jehanne et Anne, ayeulle et mère, la somme de mil livres tournois de rente, et les aultres mil livres tournoiz de rente, après le déceds de la dernière décédce desdictes dames, à estre assize et assignée es terres d'Acquigny, de Creveceur et du Bois Hellin en Normandie ou ailleurs en Haynault, ou ez terres et seigneuries de ladicte dame Anne hors de Bretagne bretonnant, par esgalle portion tant ez terres dellivrées que occupées, sy aucunes estoient pour lors empeschées, en bonne et suffisante assiette, selon les coustumes desdicts pays, sans que ladicte damoiselle puisse demander à ladicte dame Anne ou à ses héritiers aucuns arrérages de ce qui sera assis sur les terres ocupées.

Ainsy est en somme les choses dessusdietes fermes et acomplies et les cas advenans, quatre mil livres de rente transportées par lesdictes dames, comme dict est, par héritages à ladicte damoiselle pour tout son droict de succession tant d'ayeul, ayeulle, père et mère que de ses frères, que de leur ligne masle, dont ladicte damoiselle Jehanne s'est tenue et tient, au nom dessusdict, pour contente, sans jamais pouvoir venir à aultres partages, ne aultres choses pouvoir demander à leurs biens et choses au cas que ladicte lignée masle ne deffaudroit, et y a renoncé et renonce par ces présentes, réservé à elle par exprès et à ses hoirs son droict coustumier des successions de ses dicts frères et de ceulx qui d'eulxisseroient toutefois que la lignée masle d'entr'eulx deffaudroit, et aussy son droict coustumier en aultres successions collatéraux, sy aucune en eschet et advienne au temps à venir, par ainsy que sy à cause desdictes successions collatteraux eschet à ladicte damoiselle ou à ses hoirs aucun droict partie ou portion sur la baronnye de Laval et ez terres de Sainct Oiien, sesdicts héritiers masles et leurs

héritiers pourront audict cas asseoir allieurs hors Bretaigne bretonnant à ladicte damoiselle Jehanne, ses héritiers ou ayans cause.

Item, ladicte dame Anne, ez noms que dessus, a donné et donne, promet et s'oblige pour eulx dessusdicts comte et damoiselle la somme de dix mil escuz d'or du coing du Roy nostre sire, de soixanle quatre à soixante huict pour marc d'or, a estre payé audict comte aux termes qui s'ensuivent, nonobstant que le mariage soit encores à parfaire de luy et de ladicte damoiselle Jehanne, pour convertir en l'acquict de sa rançon et de la délivrance de son corps prisonnier des Anglois1, c'est à sçavoir : trois mil escuz d'or dedans mardyen huict jours prochain venant, rendus à Angers en l'hostel de Jehan Fournier ; deux mil escuz dans le vingt septiesme jour du mois de septembre prochain après ensuivant avec l'ayde que lèveront lesdictes dames en toutes leurs terres et à leurs enfans et ce qu'elles en pourront lever et exiger entre cy et ledict vingt septiesme jour, dont elles ont promis faire toute diligence qui leur sera possible, et ladicte dame Anne ladicte ayde parfaire, fournir et faire valloir la somme de cinq mil escuz audict comte et le luy payer dedans le quinziesme jour d'octobre, au cas que plustost ne luy auroit esté payé avec l'oultre plus dudict aydc, sy plus vault, et lequel, oultre plus sera et demeurera audict comte, et lequel ayde sera cuilly et levé en la présence des gens que ledict comte y voudra commettre : ainsy est en somme tout compris ledict ayde, lesdicts mil escuz d'or et plus sy plus se lève dudict ayde, comme dict est, dont est appoincté dez à présent, en demourera audict comte cinq mil escuz avec l'oultre plus qui pourra estre levé dudict ayde pour en faire son bon plaisir, sans que luy ny ses ayans cause soient tenus à ladicte damoiselle, ses héritiers ou ayans cause, en rendre ne restituer aucune chose, soit que l'un ou l'aultre desdicts comte et

1. Les dames de Laval s'engageaient ainsi à consacrer à la libération de comte de Vendôme toutes les sommes à provenir de l'aide que le mariage de leur tille aînée les autorisait à lever dans tous leurs fiefs. On le voit, si Louis de Bourbon Vendôme parvint à quitter l'Angleterre en 1422 ce ne fut pas sans y avoir contracté de lourds engagements.

CARTULAIRJi (1412-1466)

damoiselle Jelianne aliast de vie à trespassement au dedans de l'an de leurs espousailles ou après ; et au regard des aultres cinq mil escuz, ledict comte est consentant que au cas que ladicte damoiselle le survivra il soit au choix et eslection d "lie de prendre et avoir la moytié de tous et chacun les biens meubles dont ilz seront vestuz et saisiz au temps du deceds de hy, ou de prendre et avoir pour elle et ses héritiers cinq cens livres de rente sur toutes et chacune les terres dudict comte au choix des héritiers d'icelluy, au cas que dans deux ans prochains ensuivant lesdicts cinq mil escuz d'or ne seraient renduz et payez à ladicte damoiselle, ses héritiers ou ayans cause ; et au cas que ladicte damoiselle décéderoit avant ledict comte sera tenu rendre et payer aux héritiers d'elle ou ayans cause la somme de cinq mil escuz d'or dedans deux ans prochains après le trespassement d'elle.

Item et jaçoit ce que entre cy et ledict quinziesmes jour d'octobre le mariage d'entre ledict comte et ladicte damoiselle Jehanne ne fust ou ne soit consommé ou accomply, ladicte dame Anne, en la faveur que dessus et afin que ledict comte se puisse ayder de ladicte somme en son acquict, a promis, doibt et est tenu payer audict comte icelle somme de dix mil escuz avec les oultre plus dudict ayde aux termes et en la manière que dessus.

Item est dict est accordé par exprès entre lesdicts comte et dame Anne que sy ladicte dispence de nostre sainct Père est aportée dans les termes dessusdicts que ledict comte veult espouser ladicte damoiselle, ladicte dame Anne sera tenue parfaire et parfournir audict comte au jour desdictes espousailles toute ladicte somme de dix mil escuz moyennant que ledict comte a promis, doibt et s'est obligé au cas que le mariage ne sortirait aucun effect luy rendre et payer ladicte somme de dix mil escuz d'or, ou ce qu'il en aura receu dedans demy an après le jour de la Toussaintz prochain venant, au cas que ledict mariage ne soit acomply.

Item, et aussy en faveur dudict mariage, ledict comte veult et consent, sy après icelluy faict et accomply ladicte damoiselle le survict, qu'elle ayt et tienne deux mil livres de rente pour son douaire sur les terres et seigneuries qu'il tient à présent, lesquelle deux mil livres de rente il luy a assis et

assigné sur son chastel, terre et apartenance de Montoire et de prochain en prochain, et sy le cas est que le comté de la Marche luy advienne par dcffault d'hoir masles de hault et puissant seigneur le roy Jaques, comte de la Marche, son aisné frère ', qu'elle ayt en accroissement de douaire mil livres de rente sur ladicte comté, et pareillement aultres mil livres de rente sur la comté de Castres, sy elle luy eschet, qui sont en somme tout quatre mil livres de rente par douaire, lesdicts cas advenans, a estre assis et assigné sur lesdicts lieux selon la coustume desdicts pays où que ladicte damoiselle à son choix et eslection ayt et prenne sur toutes les terres et seigneuries dudict comté présens et à venir et dont il sera saisy au temps de son trespassement, son douaire coustumier ; et promettront, donneront et seront tenues lesdictes parties esdietz noms, chacun pour tant qu'il luy touche, garentir et deffendre l'une par elle ce qu'il a baillé, donné et promis bailleret asseoir à l'aultre, de tousempeschemens quelconques.

Et a voulu et veult ladicte dame Jehanne ayeulle rendre vestue enjouaillée bien convenablement ladicte damoiselle Jehanne au bon plaisir et volonté de ladicte ayeulle.

Item, et pource que lesdictes dames Jehanne et Anne de Laval, et aussy leurs parens et amis ont eues et < ont en considération la très noble et ancienne lignée des barons et sires de Laval, qui a duré, en succédans les uns aux aultres droictement en ligne masle, de sy grande antiquité qu'il n'est mémoire d'homme au contraire, et que feu messire Guy de Laval, que Dieu absolve, en son vivant seigneur desdietz lieux de Laval et de Vitré, et mary et dernier espoux de ladicte dame Jehanne, et père de ladicte dame Anne, voyant la veufveté en quoy il estoit demeurée par le déceds de feu Guy de Laval, en son vivant sieur de Gavre, son seul filz et enfant masle, qu'il n'avoit aucun espoir, pour son ancien aage, de recouvrer de sa chair filz ne hoir masle, fors par ladicte Anne, fille et principalle héritière, et que par le

1. Jacques II de Bourbon, comte de la Marche et de Castres, à la suite de son mariage, en 141.% avec Jeanne de Naples, sœur et héritière du roi Stanislas, portait lui aussi le titre de roi. Lors de son décès, le 24 septembre 1438, il eut pour héritière sa fille Eléonore, duchesse de Nemours, épouse de Bernard d'Armagnac, laquelle vivait encore le 11 septembre 1463.

moyen du mariage d'elle avoit pourveu do personne qui au vivant de luy sucitast, relevast et porlast les nom, cry, armes et timbre de son dict filz, le sieur de Gavre, et la baronnye, nom, cry et armes dudict sieur do Laval, si tost qu'il seroit trespassé de ceste vie en l'aultre, c'est à sçavoir messire Guy de Laval, sieur desdictz lieux de Vitré et de Gavre, mary et espoux de ladicte dame Anne de Laval au temps de son trespassement, lequel, paravant ledict mariage, estoit nommé et appelle Jehan de Montfort, filz aisné de feu messire Raoul sire de Montfort et de la Roche, auquel mariage desdictz messire Guy et Anne de Laval sont issus trois filz : Guyon, André et Louis de Laval, et deux filles, à sçavoir ladicte Jehanne de Laval aisnée fille et Catherine de Laval puisnée, tous à présent vivans, par lesquelz, tant qu'il plaira à Dieu leur donner vye et lignée masle, les noms et armes dessusdictz se peuvent continuer et maintenir, doubtans que Dieu ne veuille que ladicte lignée masle defaillist comme il est possible, et que le cas eschet comme aultrefois a faict et qu'à ladicte Jehanne de Laval, leur aisnée fille, par le déceds de sesdicts frères, que Dieu ne veuille ! escheussentet advinssent toutes les successions d'elles et de leurs enfans, voulans et désirans obvier en icelluy cas que les noms et armes dessusdictz ne deffaillent et expirent, a esté traitté et accordé entre ledict comte de Vandosme et lesdictes dames de Laval, et promis de bonne foy par ledict comte que, audict cas que ladicte Jehanne, fille aisnée, demeurast héritière principalle desdictes dames ayeulle et mère et de ses frères, et que la ligne masle de ses frères deflaudroit, le second filz né et procréé au mariage d'entre ledict comte et ladicte Jehanne, sy le cas advient, portera et continuera les nom et surnom de Laval, c'est à sçavoir, Guy, seigneur de Laval et de Vitré, et les plaines armes de Laval escartelées des armes de France1, tant en bannières, pavoys, escussons, timbres,

1. Ce passage est des plus précieux, car il renferme la plus ancienne allusion connue à l'adoption par les Montfort- Laval d'un blason différent de celui des Montmorency-Laval. En 1424, sans doute on commençait à constater une chose a laquelle on semble n'avoir pas songé en l'.05. Le droit pour l'aînée des branches cadettes des Montmorency-Laval de s'approprier les armes pleines de la famille dès le jour du décès d Anne de Laval.

heaulmes, seaux, signets, lettres, escrittures, contractz, procès, actes judiciaux, que aultrement, couvertures de chevaux, armoiries desdicles armes que aultres choses. Et sera tenu ledict second fdz porter en batailles, tournois et tous faictz d'armes et en tous aultres lieux et cas où noble doibt estre paré et user de ses armes en ses lettres et en quelconques aultres lettres qu'il fera ou consentira faire pour quelconques causes que ce soit, et fera mettre : Guy sire de Laval et de Vitrè.VX pareillement seront tenus les porter et faire porter les enfansqui issiront du dict second fdz, descendans perpétuellement d'eulx en ligne masle, c'est à dire qui reprendra l'aisnesse dudict second fdz, les plaines armes escartelées comme dict est et accoustumé et que les puisnez et descendans selon qu'il est accoustumé de faire en tel cas à l'usance de France. Et sy ledict second fdz n'avoit que filles, l'aisnée sera mariée à homme qui sera tenu porter les noms et armes dessusdictz, et tenus les descendans d'elle perpétuellement par ainsy qu'elle auroit les terres icy après nommées et ordonnées audict second fdz pour cause de ce, et sera tenu ledict second fdz ainsy jurer et promettre incontinent, et si tost qu'il sera aagé de quatorze ans, de ce faire quand le cas adviendra.

Eta juré et promis ledict comte, promect et jure de bonne foy par ces présentes ainsy le luy faire tenir, garder, observer et le luy faire jurer et promettre, comme dict est, sy tost qu'il sera aagé de quatorze ans.

Et pareillement l'a juré et promis, jure et promect ladicte Jehanne de Laval, aisnée fdle dessusdicte, ou au moins en faire vraye diligence à leur loyal pouvoir, sans fraude.

Item, seront tenus et promettent lesdictz comte et damoiselle le leur faire promettre et jurer devant le juge ordinaire d'Anjou et du Maine et devant le séneschal de Rennes, qui lors seront, présens deux tabellions et deux ou trois aagez des amis du lignage de Laval que l'on pourra trouver, à leursdicts enfans, et en especial à celluy qui reprendra l'ainesse, incontinent et si tost qu'ilz seront aagez de quatorze ans, ou au moins procurer sans fraude ne mal aucun et faire tout leur pouvoir envers leursdicts enfans que ainsy le feront, prometteront et jureront.

CAUTULAIRE (1412-1466)

Item est traitté et acordé entre lesdicts comte et damoiselle et lesdictes dame et mères que ledict second filz desdicts comte et damoiselle pourra porter, continuer, soustenir et maintenir les nom et armes de Laval escartellées comme dit est, si le cas avenoit, que Dieu ne veuille, que la ligne masle des enfans de Laval dessusdicts deffaillist et que ladicte Jeanne de Laval, aisnée fille, ou sa lignée vensissent à recueillir, comme dit est, la principalle succession et hoirye de Laval desdijts mères et frères et iceux nom et armes continuer et soustenir ; et en deffault de luy, sa lignée masle après luy et premièrement avant les aultres enfans dudict second, son aisné filz auront à toujour mais pour héritage, pour eux, leur lignée et postérité dessendans perpétuellement dudit second filz tantost et incontinent et après le décedz dudict comte et damoiselle Jeanne les baronnyes de Laval et de Victré avec toutes et chacunes les appartenances, et avec tous et chacuns les terres, seigneuryes, chasteaux, forteresses et héritages quezconques que tiendra au temps de son decedz et dont moura vestue et saisye ladite dame Jeanne de Laval, ayeulle dessusdicte esdicles baronnies avec la terre et seigneurye de Sainct Ouen, Tinténiac et de Bescherelz et de Romillé, et generallement tout quant qu'elle tiendra et dont elle sera dame propriétaire à sondit decedz en toute la compté, domaine et en la duché de Bretaigne avec les baronnies de Montfort et la forest de Brécelien et toutes leurs appartenances, ou, en lieu de ladite baronnye de Montfort et de ladicte forest, la baronnye de la Roche Bernard et ses appartenances, au choix dudict second filz ; et en cas où il seroit trouvé par droit ou couslume que ledit second filz ne peut avoir ne tenir toutes les baronnyes et terres et que autrement luy fust contedit et empesché par le filz aisné, lesdictes partyes, et chacuues d'icelles pour tant que luy touche,' ont voulu et consenty, veullent et consentent que ledit second filz ou les filles maryées, pour porter les nom des armes comme dit est. soient vrayes seigneurs et propriétaires desdites baronnyes et terres pour tant que droit et les coustumes des pays où sont lesdites choses assises pourront souffrir. Et d'habondant, pour la cause dessusdite, ladite dame, à la condition devant ditte, donne audit second filz ou

fille qui porteront ledit nom et armes dessusdits, dès maintenant pour lors, tous et chacuns les héritages quelconques tout ce qu'elle leur peut donner par droit et coustume de pays à tenir perpétuellement d'eux de leurs hoirs et ayans cause.

Item, et aussy en cas qu'iceux comte et damoiselle soient tenus marier leur seconde fille à homme qui seroit tenu porter les noms et armes dessusdits, et pareillement les enfans qui d'eux issiront in infinitum, et aussy, si le cas avenoit qu'ilz eussent fîlz et que du second filz n'y auroit enfans masles, par quoy ladite succession de Laval escheust à fille dudit second filz, et aussy le feront jurer et promettre à leur second filz soubz et à telles semblables manières, pointz et devises contenues en le présent traitté et non autrement, et lequel mary et fille auront pour eux et les héritiers de leur chair les baronnyes de Laval, de Vitré et de Monfort, et autres terres dessusdites comme elles sont spéciffiée et déclarée cy dessus, et est expressément traitté et acordé entre lesdites partyes, non obstant tout ce que dit est dudict second filz et des filles mariée à homme qui porte lesdicts nom et armes, que en cas qu'il plaira à l'aisné filz desdits comte et damoiselle porter pour luy et sa lignée perpétuellement lesdicts nom et armes escartellées comme dit est, il le pourra faire et recueillir et avoir les successions et terres dessus dites sans ce que le second lilz ne lesdites filles ou mary d'icelles puissent empescher ne par le moyen de ceste présente déclaration ou ordonnance y prétendre ne avoir aucun droit ; et en cas qu'audit filz esné desdits comte et damoiselle ne plairoit porter lesdits nom et armes de Laval escartelées comme dessus est dit, lesdites dames Jeanne et Anne veullent que ledit second filz ait, tienne, succède et se puisse jouir des terre i, baronnyes et appartenances dessusdites perpétuellement comme dessus est dit, ainsy par elles à luy données et laissée pour porter lesdits nom et armes comme dessus est dit.

Item que, à tout le faire tenir et acomplir sans enfraindre, lesdicts comte et damoiselle ont juré et promis, jurent et promettent par ses présentes au sainctz évangiles Nostre Seigneur, en nostre présence, par les manières dessus advisées ou par autres voyes et manières, se aucune obmission y avoit

par quoy n'i fust sufïizamment pourveu ou pareillement juré et promis, et pourvoir que lesdicts nom et armes de Laval soient portées à tous temps, moyens etcoustumes,et pareillement et promettent et jurent le faire tenir et acomplir par leurs enfans dessusdicts, sans jamais faire ne venir ne souffrir estre fait au contraire en manière quelconque et que celluy desdicts compte et damoiselle et les enfans de leurs mai iage dessendans, ou autres dessendans d'eux in infinitum, comme dessus est déclaré, qui s'efforceroient d'enfraindre lesdictes promesses et de laisser lesdicts nom et armes de Laval escartellées, comme dit est, et de porter celle dudict comte de Vendosme ou d'aultres qu'elles qu'elles puissent estre et le cas, lesdicts comte et damoiselle veult pour soy et pour ses héritiers que celuy qui fera le deffault encoure en cent mil livres de peine à apliquer aux plus prochains et qui premièrement viendroient à succéder esdictes terres de Laval et de Vitrés et autres, tant devers père que devers mère et, qui lesdicts nom et armes de Laval voudra et voudront porter et prendre en deffault des dessusdicts ou au plus prochain après luy en celle ligne en cas qu'il seroit refuzant de porter lesdicts nom et armes ; lesquelles peines lesdicts compte et damoiselle et chacun d'eux promettent, jurent et gagent rendre et payer, et en veullent estre contraintz et exécutez incontinent si tost que commises et encourues seront.

Item, et avec ce lesdicts compte et damoiselle et chacun d'eux audict cas qu'ilz ou l'un d'eux enfraindroient lesdictes promesses dès maintenant pour lors que ledit cas sera advenu, celluy d'eux qui enfraindra donne et transporte à toujours mais perpétuellement la tierce partye de toute sa terre qu'il a à présent et qu'il aura au temps advenir par succession ou autrement, en quelque lieu que se soit, ausdits plus prochains qui premièrement viendroient à succedder ausdites terres de Laval et qui lesdits nom et armes voudroient porter comme dit est.

Item, et en semblables peines escherront les enfans dudict second fdz dessendus dudit mariage, et par espécial celluy qui succedder devroit en ladite terre de Laval s'ilz s'efforçoient

porter aultre nom et armes que celles de Laval escartellez comme dit est.

Item, et audit cas que les dessendans, comme dit est, dudit mariage enfreindront lesdites promesses, lesdits comte et damoiselle dès maintenant pour lors que ledit cas sera advenu donnent et transportent à toujours mais perpétuellement ausdicls plus prochains et qui premièrement viendroient à succedder es terres et héritages de Laval ou plus prochains de la ligne de Laval et qui lesditz nom et armes au deffault dessusdit voudroient porter la tierce partye de leurs terres qu'ilz ont ou auroient en quelques lieux ne pays que se soit.

Item, et encoros en deffault des dessendans dessusditz dudict mariage futur de porter lesditz nom et armes, comme dessus est devisé, et aussy en deffault du prochain de la ligne de Laval et qui lesdits nom et armes ne voudroient porter, ladite dame Anne de Laval, du consentement desdits mariez futurs en tout ce qui leur peut toucher et appartenir en icelluy cas, a donné et donne ladite tierce partye de sa terre dessusdite au plus prochain d'elle d'autre costé et ligne que de la ligne de Laval, qui lesditz nom et armes voudra porter et reprendre comme dit est, sauf ausdits comte et damoiselle leurs viage et usuffruit en ladite tierce partye de la terre dessusdite, leur vie durant, en cas qu'ilz ne seroient en aucune coulpe que lesditz enfans dessendans de leurs mariage ne portassent lesditz nom et armes et qu'ilz en feroient leur vray et loyal pouvoir à les leur faire porter, continuer et maintenir.

Et n'est pas l'intention des partyes dessusdites fesans les présentes concedances, traittez et octroysque le filz aisné qui issira dudit mariage futur soit en aucune manière ne obligé ne tenu à porter lesditz nom et armes de Laval, s'il ne luy plaist, ne pour ce aucunement encourir lesdites peines, ançois peut et poura porter les armes et nom dudit compte de Vendosme ou autre en son vouloir et plaisir.

Item, et aussy a esté traitté et acordé que audit cas que la succession principalle de ladite dame Anne adviendroit à ladite damoiselle Jeanne de Laval, son aisnée fille, par deffault de la ligne masle desdites terres, que, ainçois qu'elle ne ledit comte son mary futur soient receuz à foy et hommage par les

ducs de Bretaigne, d'Anjou et comte du Mayne tant de la terre propre dudit compte que de ladite damoiselle Jeanne, ledit comte sera tenu et promet jurer en la main desditz sieurs ou solemnellement devant le senechal de Rennes et devant le juge ordinaire d'Anjou et du Mayne qui pour lors seront, se recepvoir le veullent, de faire porter lesdits nom et arme et acomplir les choses dessusdites, et l'offre fait, si receuz ne sont, pourront jouir de leurs héritages ainsy comme si ceste condition n'eust point esté apportée ; et aussy feront les successeurs dessendans dudit mariage en ligne masle perpétuelle, et, en deffault des enfans masles, les maris des filles et dessendans in infinitum porteront lesdits nom et armes do Laval escartelez comme dit est ; et aussy ceux du lignage qui en leur deffault prendroient par la manière que dit est, et tant qu'ilz en seront delayans ou reffuzans en faire, lesdits sieurs ne seront tenus de les recepvoir à foy et hommage, mais pouront tenir, jouir et exploitter desdites terres et en apliquer à eux les fruitz jusques à ce qu'ilz ayent fait ledit serment ou offres solennellement, ainsy que dit est, sans que ladite damoiselle ou aultre de la ligne de Laval les puisse quitter, remettre au contraire desdites choses.

Item, et oultre sy ledit second fdz dudit mariage, et, en deffault de second filz, les fdles dessendans dudit mariage, en les mariant comme dit est à homme qui porte les nom et armes dessusdits, leur postérité dessendans d'eux in infinitum deffauldroient, ou l'un d'eux, de porter lesdits nom et armes comme dit est, ou sy ledit comte de Vendosme ou son hoir masle ou sa fille dessendus dudit mariage faisoient ou pourchassoient au temps à venir, par le consentement de ladite dame Anne, de ladite Jeanne et sa fille, ainsy ou aultrement, aucune chose au préjudice des promesses ou convenances dessusdites ou d'aucunes d'icelles en quelque manière que se soit, en ce cas, dès maintenant pour lors ilz donnent et transportent au comte du Perches ou a celluyqui luy prochain viendra à succedder, la ligne de Laval faillie, à la seigneurye de Laval et à leur héritier, la tierce partie de leurs héritages et tout ce qu'ilz peuvent donner de droit et de coustume : et sy ledit comte du Perchez ou sesditz héritiers ou aucuns de la ligne de Laval ne voudroient prendre ou poursuivre lesdites

donnations pour aucun don, crainte, faveur ou aultre quelconque caplion ou trop notable négligence, en ce cas lesdits compte et damoisello et chacun d'eux donnent aux ducs de Normandye et de Bretagne et au comte de Dreux la tierce partye de leurs héritages qu'ilz tiendront d'eux aultant que le cas dessusdit adviendroit, et tout ce qu'ilz peuvent donner de droit et de coustume, ainsy que lesdits sieurs donataires ne aucun d'eux ne pouront quitter, remettre, retascher, renoncer par transaction, composition, vente, donassion, cession, transport ou aultrement, en quelque manière que se soit, directe ou indirecte.

Item, ont voulu et consenty et consentent lesdites partyes o les aucthoritez et consentement dessusditz que les présens traittez, acordz, promesses, donnaisons, transportz et obligations vallent et tiennent et ayent leur plain effect et vertu, nonobstant les coustumes du pays et toutes autres choses à ce contraires, à quoy ilz ont renoncé et renoncent par ces présentes, et sy elles ne vallent en tout, qu'elles vaillent et tiennent tant comme la raison et les coustumes des pays le veullent et peuvent souffrir.

Item, ont promis et juré non impétrer dispense de fait ne aultrement, au contraire de ce que dit est ne en jouir et user si impétrée estoit par quelconques personnes ne en quelle manière qu'elle fust.

Item, ont promis et promettent lesdites partyes par ces présentes les choses dessusdites et chacunes d'icelles à leur pouvoir faire, conserver, aucthoriser et approuver et veullent et se consentent qu'elles soient et puissent estre continuée et approuvée en leur présence et absence par le Roy nostre sire et par Mr le duc et les sieurs des pays où les terres desdictes partyes sont assizes, et à qui en peut appartenir, et d'avoir et impétrer sur ce lettres par lesquelles le Roy nostre dit seigneur, et lesdits sieurs confirment de leur certaine science, aucthorité principal et approuvent toutes et chacunes les choses dessusdites et tout le contenu de ces présentes, et supleront et dispenseront desdites coustumes desdits pays qui seroient contraires aux choses dessusdites ou aucunes d'icelles ou par lesquelles ilz ne pouroient avoir leur effect ne sortir icelluy, et en feront toutes leurs diligences, devoirs et

pouvoirs dedans un an prochain venant et lesdites lettres ainsy impetrées bailler et apporter à ladite dame Anne dans ledit temps, et si les choses dessusdites ou aucunes d'icelles ne pouvoient. en tout avoir leur effect, comme dessus est dit, et qu'elles ne se puissent soustenir qu'elles puissent valloir et avoir leur effect en la meilleure et seine partye et intention que faire se poura tant de droit que de coustume, et n'est pas l'intention desdites dames de Laval, l'aveulie et mère de ladite Jeanne, aisnée fille de Laval, que pour quelconques donnations, promesses, convenances cy dessus touchant et o les conditions dedans déclarées, faites, promises et acordées aux enfans desdits comte et damoiselle pour porter lesdits nom et armes de Laval ou aultres, en deffault, comme dit est, que de leurs terres, héritages et possessions, elles et chacunes d'elles ne puissent faire disposer et ordonner, donner, vendre et allienner et transporter ou aultrement en ordonner, ainsy que bon leur semblera, tout ainsy qu'elles eussent fait ou peu faire paravant les présenta traittez et acordz, ainçois seront et demeureront en leurs franchises et libertez ainsy qu'elles estoient de paravant.

Item, ont voulu outre et permis lesdites partyes toutes les choses dessusdites estre par eux passées en la cour de parlement du Roy nostre dit sieur, et ont voulu et consenty, veullent et consentent par ces présentes lettres aux choses dessusdites tenir et acomplir sans enfraindre condemnation par arrest et jugement de ladite cour de parlement ; et pour ce faire, lesdites partyes ont fait et constitué, font et constituent par ces présentes leurs procureurs généraux et certains messagers estpeciaux sans rapel, c'est assavoir : lesdits comte et damoiselle Jeanne, maistres Pierres du Serizay, Pierre Bonnet, Yvon Forgere, Maurice Humbert et Jaques Hamelin ; et lesdites dame Jeanne et Anne, esdits noms et pour tant que chacun touche, messire Guillaume Portejoye, Jaques de Lespine, Jean Viau, Jean Biressin, Guillaun e Ferrant, Pierre Gaz, Guillaume Guerin, Guillaume Chevalier et Jamet Bisloz, ausquelz et à chacun d'eux pour le tout ilz ont donné et donnent plain pouvoir, aucthorité et mandement estpecial de ce faire et consentir à tout ce qu'en tel cas apartient et sera aucthorisé.

Item, de ce mesme fait ont passé, juré et consenty lesdites partyes lettrez pareilles à ces présentes par la cour du Bournouvel et de cour d'église par la cour du révèrent père en Dieu l'evesque de Rennes et de son officiai, par lesquelles se sont obligées et promis à faire et acomplir les choses dessusdites, desquelles lettres se pouront jouir lesdites partyes avec ces présentes et autres quelconques sur ce faitz, et sans que par l'exécution des unes lettres l'exécution des autres soit empeschée ne retardée ; lesquelz traittez, acordz promesses, sermens, obligations, peines, donnaisons, conventions et aultres choses dessus déclarées, lesdites partyes esdicts noms, chacun d'elles en droit soy et pour tant que luy touche, ont promis et promettent par les foy et serment de leurs corps pour ce faire et par la manière que dit est dessus, et d'abondant donnez et baillez corporellement en nos mains, avoir agréable et tenir ferme et stable à toujours, sans rapel, les entretenir et acomplir, sans aller, dire ne venir encontre par raison d'erreur, d'ignorance, de minorité d'aage et decevances ne aultrement par quelconque voye à ce ou en qui jamais à nul jour que se soit ou puisse estre ; ainçois ont promis et promettent lesdites partyes chacune en droit soy et pour tant que luy touche rendre et payer tous coutz, mises, dommages, sallaires, journées, interestz et dépens que faitz, encourus ou soustenus seroient pour cause des choses dessusdites ou d'aucunes d'ycelles non tenues et non acomplies : et obligèrent quant à ce lesdites partyes, ez noms que dessus, eux, leurs héritiers, meubles et immeubles présens et advenir, c'est assavoir ledit comte de Vendosme et ladite damoiselle Jeanne de Laval o aucthorité et assentement de ladite dame Anne sa mère, pour tant que à chacun d'eux touche et peut toucher, eux tous et chacuns leurs biens et de leurs héritiers et de chacun d'eux pour le tout, et lesdites dame Jeanne et Anne de Laval, chacune pour tant que luy touche, tous les biens d'icelles et de leurs héritiers présens et advenir, où qu'ilz soient, qu'ilz soubzmettent pour le judicier, vendre et exploitter par nostre dite cour et par tous autres justiciers soubz qui jurisdiction ilz seront et pouront estre trouvez : et renoncent en ce fait lesdites partyes chacune en droit soy et pour tant que luy touche, par les foy et serment de leurs corps,

à toutes exeptions de déceptions, dol, de mal, de fraude, d'erreur, d'ignorances et deccevances, àtousbaratz, cautelles et cavillations, à toutes grâces, franchises et respitz, libertés*, dispensations et absolutions, relèvemens et grâces quelconques de pape et de prince et de prélat, donnez et à donner, à ce contraires et préjudiciables, à toutes aydes de droit escript et non escript, uz, stilz, usages, coustumes de lieux et de pays à octroy en faict et condition, sans cause, ou pour non juste et indue cause ou bénéfice de division et relèvemens d'entériner restitution, et à ce qu'ilz puissent dire ou proposer ou temps à venir une chose sçue et dicte et autres escripts, et chose escripte et l'autre sçue et ditte ; et mesmement lesdites dame et damoiselle Jeanne de Laval et chacunes d'elles, au bénéfice du sénat consulz velleyan, à l'espitre de dom Adrian, sur ce disant estre suffisamment acertenez, et à tous autres droilz, faitz et introduitz en faveur des femmes, et générallement renoncent lesdictes partyes à toutes autres choses quelconques tant de fait comme de droit d'uz ou de coustume qui ayderoient, valoir leur pouroicnt, ou aucune d'elle, pour dire et valloir contre les lettres et choses dedans contenues, et au droit disant généralle renonciation non valoir, et de tous et chacune les choses dessusdites, et ainsy et en la forme et manière qu'elles sont cy dessus escriptes, contenues, spéciffiées, devisées, exprimées et déclarée, tenir, parfaire et acomplir sans aucunement les enfraindre ne venir encontre en manière quelconque ou temps advenir, avons jugé et condemné lesdites partyes ez noms que dessus, chacune pointant que luy touche, de leur consentement et à leur requeste, par le jugement de nostre dite cour de Rennes, et par la foy de leurs corps sur ce de chacun d'eux corporellement baillé en nos mains.

Ce fust faict et donné soubz les seaux establis et dont

l'on use aux contratz de nostre dite cour et

nous, soubz les seaux propres desdits compte et dame Jeanne et Anne, en présences de messire Simon d'Espinay, Raoul du Bouchet et Jean de la Chapelle, chevaliers, lesquelz, à la requeste desdites partyes, ont promis à ces présentes aposer leurs seaux pour plus grande seureté et confirmation des choses dessusdites, le vingt et ungniesme jour du moys

LA MAISON DIÎ tAVAL

d'aoust, Fan de grâce mil quatre cens vingt quatre, signé : Jean Fosse.

Ainsi

1188. — 1424, 17 septembre, les Ponts de Ce. — Lettres par lesquelles Charles VII autorise la dame de Laval à faire passer aux Ponts de Ce sans payer les droits de traite deux cents pipes de vin (B. N., Pièces originales, 1668, 45).

Charles, par la grâce de Dieu roi de France, à nos amez et féaulx les généraulx conseillés sur le fait et gouvernement de toutes finances tant en Languedoil comme en Languedoc salut et dilcction.

Savoir vous faisons que, pour considération des grands et agréables services et plaisirs que nostre chière et amé cousine, la dame de Laval, nous a faiz en plusieurs manières et à ce que ses chasteaulx, hostels et forteresses, dont les aucuns sont en frontières de nos ennemis, soient garnies de vins convenablement, et à moindres frais le puisse faire, et pour l'estorement d'iceulx et pour certaines autres causes et considérations à ce nous mouvans, à nostre dicte cousine avons octroyé et octroyons de graice espéciale, par ces présentes que elle puisse faire et face avaler et tirer par la rivière de Loire et passer au Pont de Sée, ou par terre à charroy, deux cens pipes ou queues de vin pour ceste année et iceulx vins en la dite quantité et au dessoubs faire mener en ses dits hostels, chasteaulx et forteresses à Laval et autre part, où bon lui semblera, es païs à nous obéissans ou bienveillans, sans ce que elle soit tenue de paier le droit de trailte de vins de vins cinq sous tournois pour pipes, ou que de par nous ordonné au dit Pont de Sée, et lequel droit nous lui avons donné et donnons de nostre dicte grâce par cesdites présentes.

Si vous mandons que de nos présentes grâces, don et octroy vous faites, souffrez et laissez nostre dicte cousine joïr et user plainement et paisiblement, en la faisant tenir quitte du dict droit de la dite traicte de la dite quantité de deux cens queues ou pipes de vin et au de ssoubs par les fermiers ou receveurs d'icelle, qui à présent sont, ou seront en ladite année, et sans la faire ou souffrir contraindre au contraire.

Et par rapportant ces présentes, avecques certiffication de nostre dite cousine Suffisamment faite, lesdits fermiers et

receveurs seront et demeureront quiètes et deschargés du droit de ladicte traicte jusques à ladicte quantité de deux cens pipes de vin, ou de tant que en dessoubs en aura esté passe et mené, nonobstant quelconques ordonnances, mandemens et deffenses à ce contraires.

Donné au Pont de Sée, le xvn" jour de septembre 1 an de grâce MCCCCXXIV et de nostre règne le second.

Par le Roy, le comte de Vendosme, l'évêque de Seez et le

grand maistre d'hostel présents.

Massieihb.

1189.— 1425.21 juillet, Laval. — Accord passé en présence d'Anne de Laval entre le curé de la Trinité de Laval et le chapitre de Notre-Dame (Boullier, Recherches, 336).

1190. — 1425, 7 octobre, Saumur. — Lettres de Juan V relatives à l'accord établi entre Charles VU et lui ; le sire de Gavre assistait au conseil (Lettres de Jean V, n° 1641).

1191, 1425, 28 octobre. Montmuran. — Lettres par lesquelles Jean V fait don, aux dames de Laval et de Vitre, de la traite de deux cents pipes de vin (Lettres de Jean V, 1644).

H92. 1426, 19 avril, Vitré. — Lettres par lesquelles Jeanne de Laval accorde rémission à Perrin Lequeu (A. N., A A 60).

A tous ceulx qui ces présentes lettres verront et orront Jehanne, dame de Laval, de Vitré et de Chasteillon, salut.

Comme Perrin Lequeu, natif de Saint Àulbin des Landes, ait esté accusé par nostre court de Vitré, à l'iiutance de nostre procureur dudit lieu, de furtivement avoir prins un beuf ou lieu et dommaine deMouligné, appartenant à Georges de Helencourt, et aussi avoir prins furtivement cinq pains faiciz chex un nommé Gilet Chopin et u[ne] faul- appartenant à Guillaume Houdri, sans le sceu et assentcment des dessus diz, et icelluy beuf avoir vendu la somme de quarante solz, et à celle occasion ait esté et encores soit détenu en noz prisons dudit lieu de Vitré, et d'iceulx cas ait esté par icelle nostre dicte court actaint et convaincu ; et depuis, pour doubte que on voulsist contre icellui Perrin procéder à cor-

porelle et criminelle pugnition, aucuns de ses amis soient venuz devers nous, et nous aient humblement supplié que, en considération que ledit Perrin est homme simple et ignorant, et que oncques mais, comme ilz dient, ne fut accusé ne trouvé coulpable d'aucuns autres crimes ne reprouches, il nous pleust en charité et aumosne avoir de lui pitié et compassion, et sur ce lui vouloir impartir nostre grâce et rémission.

Savoir faisons que nous, pour considéracion des choses dessus dites, et aussi qu'il a esté longuement détenu en nos dittes prisons, et pour autres causes ad ce nous mouvans, voulans en ceste partie préférer miséricorde à rigueur de justice, de nostre plain droit et ainsi que nous et noz prédécesseurs seigneurs dudit lieu de Vitré en semblables cas et autres le avons accoustumé et povons faire de tel et si long temps qu'il n'est mémoire du contraire, à icellui Perrin Lequeu, avons remis, quicté et pardonné, et encores, par ces présentes, remectons, quictons et pardonnons tous les cas et crimes dessus diz avecques toutes les amendes, offenses et paines corporelles, criminelles et civilles que pour occasion d'iceulx il peust avoir encourues envers nous et justice, satisfaction faicte aux parties premièrement et avant, si faicte n'est, civilement tant seulement.

Et desdits cas imposons par ces présentes silence perpétuellement à nostre dit procureur de Vitré et à touz noz autres officiers quelconques, en leur mandant de ceste nostre présente grâce et rémission laisser et paisiblement souffrir joir ledit Perrin, car ainsi le voulons et nous plaist, et le lui avons octroyé et octroyons de grâce espécial par ces présentes, ausquelles, en tesnoing de ce, avons fait apposer nostre grant seel en cire vert pendant à laz de soie.

Donné à Vitré, le dixneufiesme jour d'avril, veille de Pasques, l'an MCCCCXXVP.

Par madame en son conseil, ouquel le trésorier de la Magdelaine de Vitré, les séneschal, alloé et procureur dudit lieu, Jehan Charron, Jehan Houdri et autres estoient.

Roussin.

1. Il est, impossible d'expliquer l'erreur du scribe qui qualifie ici le 19 avril de veille de Pâques, alors que, en 1426, le 19 avril était le jour même de la fête.

caiitdlaihe (1412-1466)

1193 1426 28 mai. — Procès-verbal dressé par Etienne Filastre, iuge ordinaire de l'Anjou et du Maine, et constatant la comparution de Guy de Laval, sire de Gavre, et ,d André de Laval qui lurent d'exécuter les clauses du contrat de Guy X.111 relatives au nom, cri et armes de Laval. Présents : le comte de Vendôme, le sire du Hommet, Thibaut et Guy de Laval, chevaliers, leurs parents, Jean Le Chapelais, Pierre d Anjou, Jean de la Jaille, chevaliers (Note, A. N., MM 746, 417).

1194 — 1426, 7 septembre, Paris. — Instance en Parlement entre Jeanne de Laval-Châtillon et Hardouin de Madle, au sujet de la possession de Blou et du sixième des biens laissés par Olivier de Prez, seigneur de Bauçay (A. JN., A 9191, 45 ; indiqué par M. l'abbé Angot).

U95 1426, 29 octobre. — Lettres de Charles VII créant un atelier pour battre monnaies d'or et d'argent à Laval1 (Note, A. N., MM 746, 354).

1196 1426 7 novembre, l'Hermine. — Lettres par lesquelles Jean V annoblissait Guillaume Thomas ; le sire de Gavre assistait au Conseil (Lettres de Jean V, n° 1/14).

1197 __ 1426, v. s., 27 janvier. - Charte par laquelle Jean V de Bretagne affranchit de toutes redevances deux métairies appartenant à Saint-Nicolas de Vitré (Pans-Jallobert, xxi, et Lettres de Jean V, 1728).

1198 1426, v. s., 16 mars. - Lettres par lesquelles Jean V donne commission à Jean de Saint Gilles de recevoir la montre de Guy, sire de Gavre, de Montfort et de la Boche (Lettres de Jean V., 1733).

1199. 1426, v. s., 18 mars, Ploërmel. — Lettres par lesquelles, à la requête du sire de Gavre, Jean V annoblit Guillaume et Baoul Le Caux (Lettres de Jean V, 1734).

1200. — 1426, v. s., 22 mars. — Montre de cent quarante six hommes de Guy de Gavre (Morice, II, 1197).

1201 — 1427, 21 juillet. — Lettres par lesquelles Gilles de Lavd-Betz et Catherine de Thouars s'engagent à payer à