COMPTE DE PIERRE FAVRE, PEINTRE VERRIER
21 décembre 1 5 58
S ensuit le comppte de la besongne laquelle rnoy, Pierre Favre, ay faicte par le commandemant de mes très redouctés seigneurs tant en verrieres painctes que aussy en verrieres blanches que aussy de la painture faicte à huille.
Et premirement deux grands pagniaux posé au grand poille du conseil. La sont painctes a double les armoyries de la ville ensemble leours bordures et massonneries, le tout en colleurs ensemble les armoyrie de l’empire, lesquel deux pagniaux se monte quatorze escuz.
Item pour deux aultre pagniaux ou sont aussy painctes les armoyries de la ville ensembles leurs compartiment le tout en colleurs, venant au susdict poille vallent six escuz les deux.
Item plus pour avoir mis la moytié d’eung escuson de Messieurs ensemble un chappellet, troys lozanges que pour les avoir mortirer dedens et dehors se monte seze s., laquelle besongne ay faicte aux deux pagniaux venant sus les seigneurs secrétaire de Messieurs venant au susdict poille.
Item plus pour avoir rabillié les deux pagniaux venant aux deux huilles derrier le siégé de messieurs les scindiques, que monte huit s.
Item plus pour dix neuf grand pieses de verre blanc venants aux deux chassier devers le vent montent 4 fl.
Item plus pour avoir resimenté et nettoyé les aultres chassiers dedent et dehors, le tout venant aux grand poylle de Messieurs, monte six s.
Item plus pour avoir mys vingt quatre pieses de verre en deux chassiers venant au petit poille près la cuzine que aussy pour il avoir mis huit pieses de mon verre montent trente s.
Item plus pour avoir mys sept grandes pieses de verre aux chassiers venant a poille sus le devant de la mayson de la ville, que de les avoir nettoyer, monte deux fl.
Item plus pour avoir painct à mes propres depans la painture faicte à huille a lentour du
placquars lequel est enchâssé en la murailles sur le devant de la mayson de la ville, monte deux escuz et demye.
Laquelle besongne ay faicte en l’am présent 1558 et achevée le 2i<= jours de décembre,
ainsy est. n-
J l ierre lavre.
(Comptes, mandats et quittances, vol. 7.)
PIÈCES JUSTIFICATIVES
