La maniere de bien traduire d'vne langve en avtre. D'advantage de la punctuation de la langue francoyse, plvs des accents d'ycelle

Ly et puis iuge : ne iuge toutesfoys déliant que d'auoir veu mon Orateur Francoys qui (possible est) te satisfera, quant aux doubtes, ou tu pourras encourir lisant ce liure.

ESTIENjNE dolet,

A MON SEIGITEVR DE LANGEI, Humble salut et recongnoissance de sa libéralité enuers li

u*y e n'ignore pas ( seigneur par gloire im- * mortel) que plusieurs ne s'esbaissent grandement de veoir sortir de moy ce présent Oeuure : attendu que par le passé i'ay faict et fais encores maintenant profession totalle de la langue Latine. Mais à cecy ie donne deux raisons : l'vne, que mon affection est telle enuers l'honneur de mon pais que ie veux trouuer tout moyen de l'illustrer. Et ne le puis myeulx faire que de célébrer sa langue, comme ont faict Grecs et Rommains la leur. L'autre raison est , que non sans exemple de plusieurs ie m'addonne à ceste exercitation. Quant aux antiques tant Grecs que Latins, ilz n'ont prins aultre instrument de leur

6 EIMSTRE

éloquence que la langue maternelle. De la Grecque seront pour tesmoings Demoslhene, Aristote, Platon, Isocrate, Thucydide, Hérodote, Homère. Et des Latins ie produis Ciceron , Caesar , Salluste , Yirgile , Ouide, lesquelz n'ont délaissé leur langue pour estre reuommez en vne autre. Et ont mesprisé toute autre sinon qu'aucuns des Latins ont apris la Grecque afin de scauoir les arts et disciplines traictées par les autheurs d'icelle. Quant aux modernes, semblable chose que moy a faict Léonard Aretin , Sannazare , Pétrarque , Bembe (ceulx cy Italiens) , et en France Rudée, Rouille, et maistre Lacques Syluius. Doncques non sans l'exemple de plusieurs excellents personnages i'entreprends ce labeur. Lequel, Seigneur plein de bon iugement , tu recepuras non comme parfaict en la démonstration de nostre langue, mais seullement comme vng commencement d'ycelle. Car ie scav que quand on voulut réduire la langue Grecque et Latine en art, cela ne fut absolu par vn homme, mais par plusieurs. Ce qui se faira pareillement en la langue Francoyse , et peu à peu par le moyen et trauail des gens doctes elle pourra estre reduicte en telle parfection que les langues dessusdictes. A ceste cause,