PRIVILEGE DV ROY

LOVIS PAR LA GRACE DÉ DIEV RoY DE France ET de Navarre. A nos amez & féaux Conseillers, les gens tenans nos Cours de Parlement, Maistres de Requestes ordinaires de nostre Hostel, Baillifs, Seneschaux, Preuosts, leurs Lieutenans, & tous autres de nos lusticiers, & Officiers qu'il appartiendra. Salut. Nostre bien amé Augustin Courbé Libraire à Paris, nous a fait remonstrer qu'il desireroit imprimer Vne Tragédie intitulée, Mariane, composée par le Sieur de Tristan VHermite, S'il auoit sur ce nos Lettres nécessaires, lesquelles il nous a tres-humblement supplié de luy accorder : A ces cavses. Nous auons permis et permettons à l'exposant d'imprimer, ou faire imprimer, vendre, & débiter en tous les lieux de nostre obeyssance ladite Tragédie, en telles marges, en tels caractères, & autant de fois qu'il voudra durant l'espace de neuf ans entiers & accomplis : à compter du iour qu'elle sera acheuée d'imprimer pour la première fois, & faisons tres-expressesdeffences à toutes personnes de quelque qualité & condition qu'elles soient, de l'imprimer, faire imprimer, vendre, ny distribuer en aucun endroit de ce Royaume durant ledit temps, sous prétexte d'augmentation, correction, changement de tiltre, ou autrement, en quelque sorte & manière que ce soit, à peine de quinze cens Hures d'amende, payables sans déport par chacun des contreuenans, et appliquables vn tiers à nous, vn tiers à l'Hostel- Dieu de Paris, & l'autre tiers à l'exposant ; de confiscation des exemplaires contrefaits, & de tous despens, dommages & interests : A condition qu'il en sera mis deux Exemplaires en nostre Bibliothèque publique, & vn en celle de nostre très-cher & féal le Sieur Seguier, Chancelier de France, auant que de l'exposer en vente, à peine de nullité des présentes : du contenu desquelles nous vous mandons que vous faciez iouïr plainement & paisiblement l'exposant, & ceux qui auront droit d'iceluy, sans qu'il leur soit fait aucun trouble, ny empeschement. Voulons

aussi qu'en mettant au commencement, ou à la fin du Liure vu bref extraict des présentes, elles soient tenues pour deuëment signifiées, & que foy y soit adioustée, & aux coppies d'icelles, collationnées par vn de nos amez et féaux Conseillers, & Secrétaires, comme à l'Original. Mandons aussi au premier nostre Huissier ou Sergens sur ce requis de faire pour l'exécution des présentes, tous exploits nécessaires, sans demander autre permission : Car tel est nostre plaisir, nonobstant oppositions ou appellations quelconques, & sans preiudice d'icelles, Clameur de Haro, Chartre Normande, & autres Lettres à ce contraires. Donné à Paris le quatorziesme iour de luin l'an de grâce mi six cens trente-six. Et de nostre règne le vingt-septiesme.

Par le Roy en son Conseil.

Signé, CONRART.

AcheuéiV imprimer le ij. iour deFeurier iS^j.

Les Exemplaires ont esté fournis, ainsi qu'il est porté par le Priuilege.