Marie de Médicis a la grande-duchesse mère

Paris, 22 juin 1614. (4729.) Ma tante, Qjjand le Roy monsieur mon filz et moy avons appris la piteuse nouvelle de la mort de mon. cousin le prince Dom Francesco vostre fiU

confirmée par la lettre que m'en avez escripte, nous l'attendions de jour en jour pour le veoir et chérir comme personne que nous aimions pour sa vertu, son affection envers nous, et la proximité dont il nous attouchoit, non moings que pour l'amitié et bonne volonté que nous vous portons, et a toute vostre maison, laquelle ayant faia perte signalée en sa personne, le Roy mon dict sieur et filz et moy y particippons pour les susdictes considérations et i'interest que nous avons au bien et advantage d'ycelle, comme a vostre particulier contentement. C'est pourquoy J'ay bien voulu m'en condouloir avec vous par ceste cy, et vous asscurer que si ceste perte vous a été sensible, le desplaisir nous en est commun, ainsi que J'ay déclaré au secrétaire Ammirati qui vous rendra la présente avec les nouvelles offres de la continuation de nostre bonne volonté. Priant Dieu, etc.

Escript a Paris le 22® jour de Juin 1614.

Vostre bien bonne et affectionnée nyesse,

Marie Régente, Brulart.