Marie de Médicis a la grande-duchesse mère

Paris, 22 juin 16 14. (4729.)

Ma tante,

J*ay veu par la lettre que m*a rendue le Bartolini, vostre Résident, la part que vous avez prise aux mouvemens survenuz en ce Royaume, et les offres que vous me faictes et au Roy monsieur mon filz de ce qui dépend de la puissance de mon cousin le Grand Duc, et de la vostre particulière pour nous en prévaloir a nostre contentement, dont Je vous ay bien voulu remercier et vous déclarer par le retour du secrétaire Ammirati le gré que Je vous en scay. Il vous dira Testât des affaires de cest Royaume, et comme J'espère que les choses sont pour y reprendre en bref, Dieu aydant, un entier repoz qui donnera moyen au Roy mon dict sieur et tilz d'estre plus utile a noz bons voisins et alliez, entre lesquelz estimant et chérissant mon dict cousin vostre filz et tout ce qui vous appartient, nous vous en rendrons tousjours preuve par les effectz que J'ay donné charge au dict Ammirati vous en otfrir avec les asseurances particulières de la continuation de nostre amitié et bonne volooté, dont Je me remectz au dict secrétaire, que Je vous recommande pour sa bonne conduite et l'affection qu'il nous a faict paroistre en toutes occasions ; priant Dieu, etc.

Escript a Paris le 22c jour de Juin 1614.

Vostre bien bonne et affectionnée nyesse,

Marie Régente, Brulart.