DÉPART DE SAINT LOUIS ET DE LA FLOTTE POUR LA CROISADE DE

L'an mil deux cens quarante huit , S. Lois et li autre tuit Qui devant ce croisis se furent Du reaume de France murent.

Li rois et l'ost qui le conforte Entrent en mer àAiguemortc le peuple qui là habite Est la reine Marguerite !

Mainte noble dame i séjourne, La comtesse d'Artois retourne Pour ce qu'adont a celé empainte Iert du comte Robert ençainte, Qui par Flamens atainez Fu puis devant Courtrai finez Si comme c'est roman tesmoigne.

La navie le port s'esloigne Par la grant mer avec les nues S'en vont les voiles estendûes Tant qu'ils sont, ce dit la leçon, En Chypre au port de Nimeçon '.

1 Le port de Limitso.

Là a le vent leur flot chacié Trois jours devant la S. Macié, Là n'ont doute con les crie En la cité de Nicocie, Vontens en l'eure pour river Séjourner après l'ariver Et metent jus les armes cleres Et si ne demoura plus gueres Qu'en icelle isle moururent Plusieurs pèlerins qui là furent Et des gens menoient grant queues Comme Monfort, Vandome et Dreûes Que ge sans faire rapel lo, Bourbon, les Barres et Mello Refurent là par mort penez Et de Biauvez li ordenez.

(Guillaume Guiart.)