DE TUNIS

Lowys par la grâce de Deu roys de France, à tous ceus qui ceste lettres verunt saluz. Nous vous fesuns àsaver ke entre nous et nostre très cher cousin mun seinur Edward, aizué fiz du noble roy de Engleterre, sunt fêtes de commun acord sur sa voye dou pèlerinage de outre mer iceles cuvenances. Nous devums prester à dcvandit Edward seisaunte et dis mile livres de tournoys cuntées en ceste summe vint et cinc mile livres de tournoys, lesqueles Gastons, visconte de Byarne, deveit aver de nous pur lui et pur son passage et pur sa genz ke il deveit mener en pèlerinage de outre mer aveke nous lequel le devandit Edward ad receu celi Gastons e sa genz en sa cumpaine et de ices seisante dis mile livres deit estre baillez pur chevaus, pur irandes, pur nefs et pur passage de celi Edward ce ke mestre luy sera et serra payé par nos genz ou par ceus que nous i mêlerons à ceus de qui las choses desus dictes seront prises ou achatées pur icely Edward par la weuve de ces genz ke il avéra a ce aturne. E si remenant ia, il sera délivré à icely Edward là où nous seruns outre mer après ce ke il sera venuz à nous, et les devandit deniers icely Edward est tenu à rendre à nous, c'est à saver chescun an dix mile livres à deus termes desus escrites jekes a tant ke nous soyons entertgnement payez de tuz les seisante dis mile livres. E cumencera le premère paye, c'est à savoir de cinc mile livres en mi-mars l'an del Incarnacion Nostre Seinur mil deus cens e seisante treize, et l'autre paye des autres cinc mile livres à la nativité Seint Johan Baptiste prochein suivant, l'irri de an en an à ices termes jekes à tant ke nous seruns pas payez. E serunt payez ces deniers chescun an à Paris au Temple dedeinz la quinzeine après les termes dessus nomésdu paage de Burdeauspar la main du cunestable de celi Edward ou par celi ke tendra sun leu ou de lur mandement. E veut icely Edward ke de cel paage à chescun terme ne seit riens mis en autre usage jekes à tant que nous aiuns eu enterignement la paye de chescun terme, lequel paage le devandit Edward nous ad assené en la devandit manere. E

oblige cl témoigne en saletre ke il nous ad baillé ke ce est par vol un té nostre cher cusin, le roy de Engletere, son père, pur la summe de deniers devant dis. Et veut ke nous en seyums payez chescun an comme il est des us dit sanz failir. E de cest assignement et obligeaient icely Edward nous deit fere avoir les letres noster cher cusin le rey d'Engletere, son père devandit, aveke les sues letres. E si il avenoit avant ke ces deniers fusent payés ke cely Edward tenist plus de terre ke il ne tient au tems de ore en reatime de France, icely Edward veut ke ele seit aussi obligée pur la paye desusdicte. E oveke tut ce il nous oblige, pur la paye devandictesi défaute i avoit, ces biens roubles e non mubles les queus porunt estre truvés en nostre reaume. Après, il nous a promis ke il serra au plus tart dedeus l'Assumpcion Nostre Dame proche in avenir au port d'Equc-Morte apareillé de passer, se il ne avoit tele ensoine par quci nous la tenisums escuses. E ensi estoit ke il ne venist à nous par les ensoine devant dit, dunt Deus le défende, il veut et otreye ke de ces choses les queles sa gent avunt achatées des deniers dessus dit ke nous en reteiguons et pregnonsce ke il nous plera pur la priske il averunt esté achatées, et le remenant soit vendu par ces gens franchement, sanz encumbrement de nuly, et les deniers ke en reviendront serunt renduz à nous ou à nostre cumandement en aquitance du prest avandit. E ce ke demur ad à parfere du payement de la sorne devandicte sera prins sur le assènement avandit selon la resun des termes devandis. E ad promis encore icely Edward ke il travaliera en bonc fei de passer et de venir au plus tost ke il pora là où nous seroms. E autre si il ad promis en bonne fei ke nule greveances ne domages ne fera par lu y ne par les soens en nostre terre ne en la terre de nos frères ke il unt en nostre reaulme ou dehors, en alant en sun pèlerinage et en demorant et en retornant. Et tant cum il sera en sun pèlerinage oveke nous il nous obeyera en bone fei ainsi cum uns de nos baruns de nostre reaume pour fere le service Nostre Scinur. Et totes ces choses devandites icely Edward nous ad jurées par seintes évangelies à garder fermement et tenir liaument et à parfere en bone fei entérinement et especiaument pur cest article, c'est à savoir pur venir au port devandit et pur passer là où nous ferons ainsi qu'il est desus dict. Icely Edward deit bailler à Paris un de ses Gz en ostage dedeinz la procheine Chandeleur à nous ou à nostre commandement, lequel sun fiz sera tut quitte et délivrés de cest ostage sitost cum icely Edward vendra là où nous seruns. E nous la ferums quitte deliverer à icely Edward son père. E si il avenoit ke li devandit Edward murust avant ke il venist à nous, ou autre assoine li avenoit dun Deus le défende par quei nous le tenisoms assoine ainsi qu'il est desus dit, li enfanz sera tôt quitte délivres à luy ou à sa mère ou à sun comandement ou au rey de Engleterre sun père ou à la reyne sa mère ou à lur mandement si il avenoit issi ke la mère al enfant murust avant. Et à ceste deliverance sûmes nous tenuz et nostre hoir. E en témoigne de ces choses icely Edward nous a fet bailler ces letres pendans sciées de sun sel. E oveke tôt ice nostre cher

AUX i:ilOISAI)ES. 145

cusin Henri, fiz ainzné le ici de Alemaine; Gastouns, visciiutc de Byarno ; Thomas de Clarc, frère de cunte de Gloucestrc ; Roger de Le y bu ni ; Kobert Walerand, chevalers, ont jurées à seintes Evangelies à la requesle du devandit Edward ke il en bone fei travalirunt el mellrunt liaument cunseil et peine ke li devandit Edward garde, acomplisc les cuvenanccs devandides. E unt ajointe a lettres de eeli Edward lur seans oveke le scel icely Edward en témoigne de tûtes ces choses devaudites. E nous en témoigne des choses desusdictes avons à ces présentes letres fet mettre nostre scel.

Ce fut feet à Paris le mercredi après la feste Saint Barthelemcu lapostre, en Tan de Nostre Seiuur mil et deii cens et soisuutc et noef.

[Tiré du manuscrit intitulé Liber de Antiqiïis Lec;ibis, communiqué par M. de Rheims, bibliothécaire de la ville de Calais. )