Joué

LA POÉSIE JUSQU'AU XVl" SIÈCLE^

Soudainement s'en est voilé, Et ne m'a laissé quelque don.

Allé s'en est, et je demeure, Pauvre de sens et de sçavoir, Triste, failly, plus noir que meure ', Qui n'ay ne cens, rente, n'avoir ; Des miens le moindre, je dy voir.

De me desadvouer s'avance, Oublyans naturel devoir, Par faute d'un peu de chevance'.

Bien scay si j'eusse estudié Ou temps de ma jeunesse folle Et à bonnes meurs dédié.

J'eusse maison et couche molle !

Mais quoy ! je fuyoye l'escolle, Comme faict le mauvays enfant..

Eln escrivant ceste parolle, A peu que le cueur ne me fend.

Pauvre je suys de ma jeunesse.

De pauvre et de petite extrace' Mon père n'eut oncq * grand richesse, Ne son ayeul, nommé Erace.

Pauvreté tous nous suyt et trace.

Sur les tumbeaulx de mes ancestres, (Les âmes desquelz Dieu embrasse !) On n'y voyt couronnes ne sceptres.

Je cognoys que pauvres et riches Sages et folz, prebstres et laiz* Noble et vilain, larges et chiches,