EPITAPHE

en forme de ballade

que fait Villon pour luy et ses compagnons

s'attendant estre pendu avec eulx

Frères humains, qui après nous vivez,

N'ayez les cueurs contre nous endurciz,

Car, si pitié de nous pauvres avez,

Dieu en aura de vous plustost merciz.

Vous nous voyez cy attachez cinq, isix :

Quant de la chair, que trop avons nourrie.

Elle est piéça dévorée et pourrie,

Et nous, les os, devenons cendre et pouldre.

De nostre mal personne ne s'en rie.

Mais priez Dieu que tous nous vueille absouldre I

Se vous clamons, frères, pas n'en devez

Avoir desdaing, quoyque fusmes occis

Par justice. Toutes fois, vous sçavez

Que tous les hommes n'ont pas bon sens rassis,

Envers le Filz de la Vierge Marie,

Que sa grâce ne soit pour nous tarie,

Nous préservant de l'infernale fouldre.

Nous sommes mors, ame ne nous harie ;

Mais priez Dieu que tous nous vueille absouldre I

La pluye nous a debuez et lavez,

Et le soleil desséchez et noirciz ;

Pies, corbeaulx, nous ont les yeux cavez,

Et arrachez la barbe et les sourcilz.

Jamais, nul temps, nous ne sommes rassis ;

Puis ça, puis là, comme le vent varie

A son plaisir sans cesser nous charie.

Plus becquetez d'oyseaulx que dez a couldre.

Ne soyez donc de nostre confrairie,

Mais priez Dieu que tous nous vueille absouldre I

ENVOI

Prince Jésus, qui sus tous Seigneurie

Garde qu'Enfer n'a>1, de nous la maistrie :

A luy n'ayons que faire ne que souldre '.

Hommes, icy n'usez de mocquerie

Mais priez Dieu que tous nous vueille absouldre