AlsseUe

Argent et tout (cela se doiJjt entendre),

Et ne CiToy point que ce fust pour la rendre,

Car oncques puis n'en ay ouy parler.

Brief, le villain ne s'en voulut aller

Pour si petit : mais encore il me happe

Saye ', et bonnet, chausses, pourpoint et cappe :

De mes habitz (en effect) il pilla

Tous les plus beaulx, et puis s'en habilla

Si justement, qu'à le veoir ainsi estre,

Vous l'eussiez prins (en plein jour) pour son malstre.

Finalement, de ma chambre il s'en va Droit à retable, et deux chevaulx trouva ; Laisse le pire, et sur le meilleur monte, Picque, et s'en va. Pour abréger le compte, Soyez certain qu'au partir dudit lieu N'oublya rien, fors ' à me dire adieu. Ainsi s'en va chatouilleux de la gorge' Ledict valet, monté comme un sainct George, Et nous laissa monsieur dormir son saoul. Qui au resveil n'eust sceu flner' d'un soûl. Ce monsieur-là, Syre, c'estoit moymesme.

Qui, sans mentir, fuz au matin bien blesme. Quand je me vey sans honneste vesture, Et fort fasché de perdre ma monture.

Mais de l'argent, que vous m'aviez donné, Je ne fuz point de le perdre estonné.

Car vostre argent, très débonnaire Prince. Sans point de faulte est subject à la pince*.

Bien tost après ceste fortune là,

Une autre pire encore se mesla

De m'assaillir, et chacun jour m'assault.

Me menaçant de me donner le sault'.

Et de ce sault m'envoyer, à l'envers,

Rithmer soubz terre et y faire des vers.