De me faire sauter, mourir

C'est une lourde et longue maladie

De troys bons moys, qui m'a toute eslourdie

La povre teste, et ne veult terminer,

Ains me contrainct d'apprendre à cheminer.

Tant affoibly m'a d'estrange manière,

Et si m'a faict la cuisse heronniere ',

L'estomach sec, le ventre plat et vague

Que diray plus ? au misérable corps

Dont je vous parle il n'est demouré fors

Le povre esprit qui lamente et souspire,

Et en pleurant tasche à vous faire rire.

Et pour autant, Syre, que suis à vous.

De trois jours l'ung viennent taster mon pouLx

Messieurs Braillon, le Coq, Akaquia,

Pour me garder d'aller jusque à quia.

Tout consulté, ont remis au printemps

Ma guérison ; mais, à ce que j'entens,

Si je ne puis au printemps arriver,

Je suis taillé" de mourir en yver,

Et en danger, si en yver je meurs,

De ne veoir pas les premiers raisins meurs.

Voylà comment depuis neuf moys en ça

Je suis traicté. Or ce que me laissa

Mon larronneaui, long temps a, l'ay vendu,

Et en sirops et julez' despendu;

Ce néantmoins, ce que je vous en mande

N'est pour vous faire ou requeste ou demande

Je ne veulx point tant de gens resembler.

Qui n'ont soucy autre que d'assembler.

Tant qu'ilz vivront, ils demanderont eulx ;

Mais je commence à devenir honteux.

Et ne veulx plus à vos dons m'arrester.

Je ne dy pas, si voulez rien prester.

Que ne le prenne. Il n'est point de presteur

(S'il veul prester) qui ne face ung debteur.

Et sçavez vous, Syire, comment je paye ?

Nul ne le sçait, si premier * ne l'essaye ;