DIZAINS

Quand quelquefois d'elle à elle me plalngs, Et que son tort je luy fais recongnoistre, De ses yeux clercs d'honnestes courroux plains Sortant, rosée en pluye vient à croistre, Mais comme on voit le soleil apparoistre Sur le printemps parmy l'air pluvieux, Le rossignol, à chanter curieux, S'esgaye alors, ses plumes arrousant :

Ainsi Amour aux larmes de ses yeulx Ses ailes baigne, à gré se reposant.

Délie aux champs troussée et accoustrée. Comme un veneur s'en alloit esbatant.

Sm- le chemin d'Amour fut rencontrée.

Qui partout va jeunes amants guettant.

Et lui a dit, près d'elle voletant :

« Comment vas-tu sans armes à la chas'Se 7 « « N'ay-je mes yeux, dit-elle, dont je chasse, Et par lesquels j'ai maint gibier sm'pris ? Que sert ton arc qui rien ne te pourchasse. Vu mesmement que par eux je t'ai pris ? »