MARC BRUTE
Le Tyran est tué, la liberté remise,
Et Rome a regaigné sa première franchise.
Ce tyran, ce César, ennemy du Sénat,
Oppresseur du païs, qui de son consulat
Avoit faict héritage et de la Republicque
Une conunune vente en sa seule praticque,
Ce bourreau d'innocens, ruyne de nos loix,
La Terreur des Romains et le poyson des droicts.
Ambitieux d'honneur, qui monstrant son envye,
S'estoit faict appeler Père de la patrie.
Et Consul à jamais, à jamais Dictateur,
Et, pour comble de tout, du surnom d'Empereur,
Il est mort, ce meschant, qui, décelant sa rage^
Se feit impudemment eslever une image
Entre les Roys ; aussy il a eu le loyer
Par une mesme main qu'eust Tarquin le derûier.
Respire donc à l'aise, o liberté romaine 1 Respire librement sans la crainte inhumaiine D'un tyran convoiteux. Voilà, voyià la main Dont ore est affranchy tout le peuple romain !