XXVI. — 9 SEPTEMBRE

de ceste bonne et salutaire paix, unyon et amytié de ces deux grans princes et d'une chose qui redondera au bien universel de toute la chrétienté.

Monsi-, suivant adviz de mondit seigneur le Cardinal, raadicte Dame a tousjours continué l'entretenement et conclusion des practiques d'Ytallye, principallement pour la conservacion d' icelle et deffendre sa liberté et modérer en ce cas la grandeur de l'Empereur. Et, semble que, s'il plaisoit à mondit seigneur le Cardinal de sa part conforter les potentatz et principallement Pape et Vénissiens de venir promptement à conclusion de ceste ligue, que l'auctorité du Roy son maistre y pourroit grandement servir, et mesmement qu'on désire qu'il soyt chef de ladicte ligue.

Mons', le Roy a sceu ce que vous avez faict avecques mondit seigneur le Cardinal; de quoy il a esté tant aise, content et joyeulx qu'il ne se peut dire de plus, très délibéré ensuivre de son cousté le bon conseil et adviz que mondit seigneur le Cardinal luy a donné en ce qui peut touscher sa délivrance, aiant grande espérance d'icelle au roy d'Angleterre, son bon frère, et en mondit seigneur le Cardinal.

Au surplus, je vous envoie la ratifficacion de la trêve et aussy le povoir refformé, comme vous le demandiez ; et sommes après à faire dépescher les seuretez tant des princes que des villes et toutes autres choses qui deppendent de ce traicté.

Au demeurant, Mons^, j'ay faict nouvelle dépesche pour le faict de Sainct Taurin ; sy autre chose y est requise, en m'en advertissant il sera faict. Me recommandant humblement à vostre bonne grâce, priant Dieu, Mons^, qu'il vous doint très bonne et longue vie.

De Tournon, ce v^e de septembre, de vostre très humble serviteur.

ROBERTET

9 septembre 1525.

Brinon et Jean-Joachim à Madame.

B. N. ms. Dupuy 462, f» 9. — Original de la main de Brinon. ^4 u dos : A Madame.

Madame, par deux de noz gens, despeschez le treize de ce moys, nous avons envoyé le traictié de paix et aultres traictiés et accordz qui en dépendent, signez et scellez, avec la forme des rattifications

Jacqueton, Louise de Savoie. 23