JOACHIN

ISjanvier 1526.

Infitniciions de Fitz-'WiUiam.

Ar. Nat. J 965, 5, 13 (brouillon original de la main de Robertet) ; B. M. ms. Cott. Calig. D ix, f"^ (141) 149 à (144) 152 (originaP ; BiiE\vi:R. iv. 1905.

Au dos : Mémoire fait par IVlons"" le Chancellier et baillé du commandement de Madame à l'ambassadeur d'Angleterre quand s'en est allé, pour, de la part de Madame, remonstrer le contenu audit roy d'Angleterre, affin de le faire condescendre au traictié que Madame entend faire avec les Vénitiens et autres potentaz d'Ytallye. Vienne en Daulphiné, janvier v^xxv.

Madame, mère du Roy très chrestien. Régente en France, ensuivant le conseil de très hault et très puissant prince Henry, par la grâce de Dieu roy d'Angleterre, son très cher seigneur et cousin, et de très révérend père en Dieu Mons^ le Cardinal, archevesque d'Yorc, légat en Angleterre, auroit mandé à ses ambassadeurs, tant à Rome, où est le conte de Carpy, que à Venise, où est l'évesque de Bayeulx, de parler à nostre saint Père et Seigneurie de Venise affin de faire cappituler et traicter ensemble une ligue défensive et offensive, tant pour parvenir cà une paix universelle, délivrance de son très cher Seigneur et filz que pour mectre en liberté rYtallye, et aussi pour empescher la grandeur de l'Empereur, qui tasche, ainsi que chascun peult assez clairement congnoistrc, se faire monarque. Et avoit esté audit affaire procédé si avant que les articles avoient esté accordez d'ung cousté et d'autre. Et se devoit dresser promptement une armée de trente mille hommes de pied, deux mil hommes d'armes à la mode de France, avec bonne bande d'artillerie et munitions nécessaires. Et contribuoit madicte Dame, pour sa cocte part ferme de la soulde et entretènement do ladicte armée, quarante mille ducatz par moys, cinq cens hommes d'armes souldoiez par elle, six mille bons hommes de pied souldoiez de partie desdilz