Cf. Conformité, p

36 DK LA PRECELLENCE

sinon que, pour se sauver, ils nous vueillent tant honorer, que de mettre nostre langage pardessus le Grec et le Latin. Mais quand ils en viendroyent là, ils ne nous feroyent pas de plaisir. Car la naturelle modestie des François ne porte point d'admettre un honneur qui ne leur appartient : et principalement quand on en veut despouiller quelques-uns pour le leur donner.

Or en ceste dispute je ne m'adresseray point à ces Narcisses (j'enten à ceux qui par telle vanterie se sont monstrez aussi estrangement admirateurs et amateurs de la beauté de leur langage, que fut Narcisse de la beauté de sa face) mais à ceux qui estans du mesme pays, n'ont pas toutesfois un mesme esprit : ains Font ainsi posé qu'il est vray-semblable que tels juges l'ayent volage. Car j'espère que ceux-ci confermeront nostre proverbe François, Sage est U juge qui escoute et tard juge : comme ceux-là ont rendu tesmoignage de la vérité de cestuy-ci. De fol juge brève sentence K Et qui plus est, j'ay bonne espérance de trouver plus grand nombre de ceux que je demande, que