RUFFIANS
Combien que tous péchés soient de droict, bonnes mœurs et vertus deffendus et prohibés, néantmoings pour obvier aucune fois à jeunesse et éviter plus grand mal sont par l’église tollerées les maisons des filles dissolues, lesquelles pourroient encore pis faire, s’il ne leurs estoit [par] bonne police et raison, baillé telles règles et ordonnances qu’elles puissent modérer, reffrener et souventes fois amender leurs pauvres, infâmes et détestables vies, pourquoy plusieurs aultres raisons considérant, nous les d. gouverneurs sur leur cas et pauvre vies avons ordonné et establys ce qui s’ensuyvent.
1° Afin que les pauvres filles de bordeaux et estuves toutes égarées de leur bien et honneur se puissent mieux corriger
24 juillet.
Vers 1535.
de leur mal, orde et sale vie et péchez, iceux laisser et retourner au bien, seront tenus d’aller es publications et sermons de Saincte Eglise, pour par le moyen d’icelles s’abstenir de mal, si faire le peuvent.
2° Que pour avoir égard sur les dictes filles desd. bordeaux et estuves, leurs ruffîains et aultres et les chastier et garder de pis, ordonnons qu’il y aura auxd. bourdeaux un maistre et maistresse voyre les deux, qui seront tenus d ouvrer et fermer sans bruyt, noyses, parolles ou débats, se donner garde du feug et obvier aux insultes et inconvénients qui peuvent advenir et auront aussi à charge de recueillir le fren d’icelles, si nous n’y commettons ung admodiateur.
3° Que les dictes filles d’estuves ou bourdeaux porteront et seront tenues de porter sur le bras droict une esguillette rouge à différence des femmes de bien, afin que chascung puisse connaistre leur pauvre estât.
4° Auxdictes filles desd. bordeaux et estuves, maistres, maistresses, putiers, ruffians ou aultres les suivans, avons deffendu et. par cestes deffendons qu'ils ne soient tels ne si hardys jurer la mort, la chair, la vertu (4) ou aultres détestables serments à peine de douze solx pour la première fois, appliquâmes à nous pour les trois parties et la quatrième pour lesdits maistres et maistresses qui les excuseront (1 2), et pour la seconde que lesd. maistres ou maistresses rapporteront jurements, tantlesd. filles que lesd. ruffiansetaultres suyvans tel train, ils seront, le cas advéré, gectés hors de la cité comme infâmes blasphémateurs de la cité.
5° Deffendons aussi aux dictes filles, putiers, ruffians et aultres suyvans le bordeaul qu’ils ne soient tels de faire es chambres d’iceluy, en la cour devant, ou rue du Tillot \3) y estant, ou ailleurs, soit de jour, soit de nuit aucune noise, débat et question, à peine pour la première fois de vingt solz appliquables comme dessus et pour la deuxième fois d’estre mis hors delà cité.
6° Que lesd. rufians, putiers et suyant iceluy ne soient tels ne si hardys pourter bastons, espées, dagues, braquemards, grands cousteaulx, poignards ou aultres bastons dangereux de jour ou de nuit aux dicts bordeaux, ni aussi par la cité et
(1) de Jésus-Clirist.
(2) Qui les accuseront, dénonceront.
(3) Tilleul. Hue ou était située la Grande Maison, d'après le Dr Limon : La proslilution à Besançon , in Revue médicale de la Franche-Comlé , 1907.
s’ils sont trouvés saysis des bastons ou ung d’eulx payeront à nostre chose publique pour la première fois six sols, pour la deuxième douze, pour la tierce vingt quatre et leurs bastons confisqués à nous et pour la quarte, les demandes Q) appliquées comme dessus à ceulx qui les rapporteront, seront mis hors de la Cité.
7° Deffendons en oultre pour éviter tous serments, noyses, débats et oysiveté auxd. filles, putiers, ruffians et généralement à tous et à toutes qu’ils ne soyent tels ne hardys, soit de jour ou de nuii, jouer auxdicts bourdeaux, chambres et places, ni devant iceux aux dez, quartes, boles plaines, quilles, paulme, pâlot, et aussi à aultres jeux quelconque, à peine des quatre cas [de punition] dessus dicts si reprins y sont.
8° Deffendons aussi aud. filles qu’elles ne demandent rien aux passants ni aussi qu'elles ne les appellent, ni leurs ostent aulcune chose, comme chappeaulx, bonnets, bourses, cousteaulx, ny aultres choses, ains qu’elles laissent un chascun passer oultre, entrer et partir à son vouloir et plaisir à peine pour chascune fois que repris en seront de six sols applicables comme dessus et pour la tierce gectées hors de la cité.
9° Et pourceque la ruelle dud. bourdeau est fort traigeable (*) mesmement en toutes aultres lestes et dimanches et aultres jours de l’année pour aller en dévotion à Saint- Yencent, Cordeliers et Cordelières et Nostre Dame de Jusant Moustier et aux Carmes, deffendons auxdictes filles qu’elles ne se aysent (1 2 3) en quelque façon que ce soit en ladicte ruelle, mais seront tenus aller outre la croix de Nostre Dame et ruelle des Asnes ou morte (4) de Chapmars, ordonnons auxd. maistres qui pour lors seront, qu'ainsi le facent exécuter à peine de trois solx pour chascune fois qu’elles seront treuvées faisans le contraire, appliquables comme dessus.
10° Que lesd. filles des estuves ou bourdeaul et le ruffien seront tenus incontinant et sans delai toutes et quantes fois que l’on sonnera au feug, ce que Dieu ne veuille, y aller, pourtant chascung un soillot d’eau et [pour] ce faire en aller querre partout et y faire leurs bons et lealx devoirs et diligences et en récompense de ce, nous mettons, dois maintenant pour
(1) Amendes.
(2) Passagère.
(3) Se mettent à l’aise.
(4) Nom donné à ce lieu à cause des eaux dormantes (bras mort) du Doubs. Voir document 242.
lors, tous les biens desd. maistres, putiers, filles et rulfiens, ensemble les corps d’iceulx, sous nostre sauvegarde et protection native et deffendons à tous, qu’à eulx ni à leurs dicts biens présens et advenir n’attentent à peine de garde enfraincte (*) .
11° Que quand lesd. filles se voudront départir de lad. maison, qu’elles seront tenues netoyer leurs chambres et gecter les immondices et esquevilles (1 2) d’icelles en la rivière dessoubs l’abreuveur et faire refaire ce qu’elles auront gâtées en lad. chambre, compter et rendre les clefs aux maistres d’icelles afin d’en pourvoir une aultre, s’elle y vient ou y soit jà ou, si led. maistre ou admodiateur les en laisse aller sans netoyer ou refaire ce qu’elles auront despecer, il sera tenu de le faire refaire à ses dépens.
12° Que les filles dud. bourdeaul payeront chascune pour leurd. chambres auxdicts maistres quatre blancs par sepmaine et s’elles sont deux en une chambre, elles ne payeront que six blancs et avecques ce, seront tenues netoyer leurd. chambre et court d’icelle, comme aussi semblablement par devant le bourdeaul du moins pendant toutes les sepmaines une fois et gecter les equivilles et gettuns (3) en la rivière, au lieu dessus dict, a peine chascune de trois sols appliquables comme dessus, et s’il n’y en avait qu’une, si sera elle tenue de ce faire pour obvier aux punaises, infections et pestilances.
13° Ordonnons en oultre et commandons auxd. maistres de la grande maison qu’ils ne souffrent en quelque rue ou ruelle que ce soit, voire forache (4) demeurer, se tenir ou estre à aulcune garse dissolue, affin que les voysines par ébaterie, puterie ou aultrement, ne laissent le bien pour faire le mal, voyant ainsi faire les aultres, mesmement a ceste fin d’estre bien vestues et bien nourries comme tels paillardes, mais seront tenus lesd. maistres ou admodiateurs nous appourter les noms et surnoms d’elles et les rues ou ruelles où elles seront, affin de les faire aller aux estuves ou bourdeaul, ou bien dehors de la cité, ainsi que nous trouverons la chose disposée .
14° Fairont aussi lesd. maistres aux garsses dissolues et de mauvaises vies porter l’esguillette rouge comme celles du bourdeaul et payeront aussi toutes les sepmaines trois blancs.
(1) Sous peine d’infraction à notre sauvegarde.
(2) Déchets, débris.
(3) Ordures.
(4j Foraine.
15° Ordonnons en oultre que l une desd. estuves de lad. cité servira seulement pour toutes femmes de bien non suspectes pour se netoyer de jour, sans que putins, putiers ou aultres hommes y puissent aller pendant le jour des femmes, à peine d'estre punys arbitrairement et les maistre et maistresse mulctés(1)de cent solz d’amende appliquables comme devant^ toutes fois les marits pourront aller veoir leurs femmes (si bon leur semble) sans repréhension et non aultres et pourront les hommes aller esd. estuves nocturnement, si bon leur semble, pour s’estuver et sans scandale.
16° Que les maitre et maitresse de lad. estuve des femmes seront tenus d’avoir une bonne et honnête femme et chambrière sans suspition de déshonneur pour servir lesd. femmes de bien de la cité qui voudront aller auxd. estuves, en deffendant auxd. maistres qu'ils ne soient tels ne si hardys retenir à servantes ni souffrent entrer auxd. estuves, lesd. femmes y estant, quelque garse, putain ni ribaulde à peine que dessus.
17° En deffendant aussy, comme nous deffendons, à tous les maistres et maistresses des aultres estuves de lad. cité qu’elles ne soient tels ne si hardyes de tenir, de souffrir esd. estuves quelques femmes de bien que ce soit, à peines tels et appliquables comme dessus, ains en icelles y pourront aller de jour et de nuit paisiblement tous hommes et aultres femmes dissolues et putains, lesquelles maistres d’estuves pourront avoir ung chascung trois ou quatre filles dissolues pour les servir esdictes estuves, en leur deffendant, comme par cestes nous leur deffendons qu’ils ne soient tels ne si hardys de prendre jeunes filles pucelles pour les servir en icelles, affîn que par la vehue des méchancetés elles ne soient corrompues et ne deviennent méchantes.
18° Esquelles estuves d’hommes les jours seront le lundy et jeudy pour les gens de bien et les aultres jours pour tous allans et venans.
19° En ordonnant comme nous ordonnons à tous lesd. maistres qu’ils traictent leurs gens tant de la cité qu’estrangers sans noyse, débat ou question et s’il s’en emeult aucune, qu’ils les appaisent incontinent et sans delay, que si ainsi ne le font et qu’il tienne à eulx, ils famanderont arbitrairement à notre chose publique selon l’exigeance du cas.
20° Et ne payeront lesd. filles dissolues estans esd. estuves que chascune trois blans par sepmaine a nostre admodiateur ou maistre du bourdeaul, s’il est commis à les recepvoir.
(1) Frappés.
21° Que lesd. deniers d’estuves et bordeauxque recepvront lesd. maistres ou admodiateurs d'iceulx soient par eulx baillez et délivrez a nostre trésorier qui pour lors sera et soient mis par lui en un coffre d'appart (?), ainsi qu’il les recepvra sans en rien prendre ny deprendre ni appliquer à nostre chose publique, tanquam ex turpi queslus (1 2) même d’iceux en employer à nostre despense ou fortifications aucune chose que ce soit.
22° Mais ordonnons et voulons qu'ils soient employés â faire une chapelle et un aultel en l’honneur de MM. S. Antoine, S. Sebastien, S. Roch, S. Ferreol et Ferjeux nos très glorieux patrons et une maison, près et touchant la semitiere du S. Esprit de ceste cité pour en icelles mettre les pauvres vieilles chambrières et aultres gens malades de peste en ceste cité, deux chambres dessus pour deux barbiers et une pour ung médecin ou apotiquaire ou mieulx ainsi qu'advisé sera par nous ou nos successeurs.
23° Et lad. maison ainsi parachevée, lesd. deniers que puis après seront receus desd. estuves et bordeaux seront mis et gardés aud. coffre pour en subvenir es pauvres pestilentieux, barbiers, apotiquaires, enterreurs et bonnes femmes ou bien à autres pauvres par une grande famine seulement et non à aultres, sinon à la couverture et maintenement de leurs chambres et maison dud. bourdeaux.
24° Et s’il advenait que le froment fut à bon marchief et il y eut argent aud. coffre, .en sera achetté froment pour profiler au proffit desd. pestilentiaux et leur suytte et l’argent de la vendue dud. froment remis aud. coffre pour tousjours augmenter le faict des pestilentiaux, leurs médecins, apotiquaires, barbiers, nos commis, enterreurs et femmes qui les pensent aud. lieu et dehors quand ils y seront mis et gectés. (3)
Recueil Simon Gauthiot. — Ordonnances.
Bib. des Arch. de Besançon n° 14, Fol. 22 V° à 25 V°.
(1) Coffre réservé à cet usage mis en lieu sûr.
(2) Ob lurpem causam. Ce scrupule fait honneur à la municipalité Bisontine pour laquelle l’argent avait une odeur.
(3) Ce documenta été publié avec beaucoup de variantes par M. le docteur Limon. Loc. cit. Sans rien changer au texte de la copie d’Ulysse Robert, je l’ai artificiellement divisé en 24 alinéas, pour faciliter les recherches de ses nombreuses prescriptions.
Servitude maintenue au profil d'une maison d'étuves.
Beatris Marceret veuve de feu Jacques Jouffroy Sr de Marchaux (d) a construit dans son verger une établerie qui aboutit contre la maison des étuves de la Tête Noire ce qui enlève le jour à la fenêtre du laveur des étuves. La cité avait acquis ce droit de jour de feu Jacques Jouffroy : sa veuve est condamnée à ouvrir à ses frais une bonne fenêtre en la maison des étuves derrière l’établerie du côté de la rivière pour rendre le jour de ce côté.
BB. 18, Fol. 224 Y0.
Amende pour tenue de jeux.
Reçu ; De Dominique Martin maistre des estuves du Signe dix livres estevenans monnoyés, demande (1 2) en laquelle y fut condempné pour avoir souffert jouher enffans prodigues et mal condicionnez.