JOAN., X

mittebam eos. ! » In venientibus præsumptio temeritatis, in missis obsequium veritatis est. Ecclesia autem quæ supra petram Domini fundata est, quam introduxit rex in cubiculum suum et ad quam per foramen descensionis occulte misit manum suam, similis damnulæ hinnuloque cervorum, quatuor flumina paradisi instar eructans, quatuor et angulos et anulos habet, per quos quasi arca testamenti et custos legis Domini lignis mobilibus vehitur. |

Primus omnium Mattheus est publicanus cognomento Levi, qui Evangelium in Judæa hebreo sermone edidit ob eorum vel maxime causam, qui in Jesum crediderant ex Judæis et nequaquam Jegis umbra succedente Evangelii veritatem servabant.

Secundus Marcus interpres apostoli Petri et Alexandrinæ ecclesiæ primus episcopus, qui Dominum quidem salvatorem ipse non vidit, sed ea quæ magistrum audierat prædicantem juxta fidem magis gestorum narravit quam ordinem. |

Tertius Lucas medicus natione Syrus Antiochensis, cujus laus in Evangelio, qui et ipse discipulus apostoli Pauli in Achaiæ Bæotiæque partibus volumen condidit, quædam altius repetens et, ut ipse in prooemio confitetur, audita magis, quam visa describens. da Ultimus Johannes apostolus et evangelista, quem Jesus amavit pluriñum, qui super pectus Domini recumbens purissima doctrinarum fluenta potavit et