MATTH

gientis auditur: € Vox clamantis in deserto, parate viam Domini, rectas facite semitas ejus. 1 »

Tertia vituli, quæ evangelistam Lucam a Zacharia sacerdote sumpsisse initium præfiguravit.

Quarta Johannem evangelistam, qui adsumptis pinnis aquilæ et ad altiora festinans de Verbo Dei disputat.

Cetera quæ sequuntur in eundem sensum proficiunt. Crura eorum recta et pinnati pedes et quocumque Spiritus ibat ibant et non revertebantur et dorsa eorum plena oculis et scintillæ ac lampades in medio discurrentes et rota in rota et in singulis quatuor facies. Unde et apocalypsis Johannis post expositionem viginti quatuor seniorum, qui tenentes citharas et fialas adorant agnum Dei, introducit fulgur et tonitrua et septem spiritus discurrentes et mare vitreum et quatuor animalia plena oculis dicens: « Animal primum simile leoni et secundum animal vitulo et tertium simile homini et quartum simile aquilæ volanti. 2 » Et post paululum, « plena, inquit, erant oculis et requiem non habebant die ac nocte dicentia : sanctus, sanctus, sanctus Dominus Deus omnipotens, qui est et qui erat et qui venturus est. » Quibus cunctis perspicue ostenditur quatuor tantum debere Evangelia suscipi et omnia apocryphorum nenias mortuis magis hæreticis, quam ecclesiasticis vivis canendas. $