ADOUBEMENT DE GAI.AAD

plest molt qu'il le face chevalier. Si respont as dames que de ceste requeste ne lor faudra il ja, et que volentiers le fera chevalier, puis que eles le vuelent. — « Sire, fet celé qui le menoit, nos volons que ce soit anuit ou demain. » — « De par Dieu, fet il, il sera einsi com vos le voulez. » 5

Celé nuit demora laienz Lancelot et fist toute la nuit veillier le vaslet au mostier, et a l'endemain a hore de prime le fist chevalier, et li chauça l'un de ses espérons et Boorz l'autre. Après li ceint Lancelot l'espee et li dona la colée, et li dist que Diex le feist preudome, car a biauté ^° n'avoit il mie failli. Et quant il li ot fet tout ce que a novel chevalier apartenoit, si li dist : « Biaux sire, vendrez vos avec moi a la cort mon seigneur le roi Artuz } » — « Sire, fait il, nanil, avec vos n'irai je pas. » Et lors dist Lancelot a l'abeesse : « Dame, soffrez que nostre noviaus chevaliers 15 viegne avec nos a la cort mon seignor le roi. Car il amendera assez plus d'estre la que de ci .demorer avec vos. » — « Sire, fet ele, il n'ira pas ore ; mes si tostcom nos cuiderons^qu'il en soit lex et mestiers, nos l'i envolerons. »

Et lors se part Lancelot de laienz 'entre lui et ses compai- 20 gnons ; et chevauchent ensemble tant qu'il sont venu a Kamaalot a hore de tierce, et li rois ert alez au mostier por oïr la messe a grant compaignie de hauz homes. Et quant li troi cousin furent venu, si descendirent en la cort et montèrent en la sale en haut. Et lors comencierent a parler de l'enfant que 25 Lancelot avoit fet chevalier ; si dist Boorz qu'il n'avoit onques veu home qui tant resemblast Lancelot come cil fesoit. « Et certes, fet il, je ne creroie ja mes riens se ce 1 n'est Galaad, qui fu engendrez en la bêle fille au Riche Roi jPescheoi| ; car il retret a celui lignage et au nostre trop 3o merveilleusement. » — « Par foi, fet Lyoniaus, je croi bien que ce soit il, car il resemble molt bien mon seignor. » Grant pièce parlèrent de ceste chose por savoir s'il en

tresissent riens de la bouche Lancelot ; mes a parole que il deissent de ceste chose ne respondi il onques a celé foiz.

Et en ce qu'il orent lessié a parler de ce, si regardereftt par les sièges de la Table Reonde et troverent en chascun leu escrit : Ci doit seoir cil. Et einsi alerent tant qu'il vindrent au grant siège que len apeloit le Siège Périlleux. Et lors i troverent lettres qui i avoient novelement esté escrites, ce lor fu avis. Et il regardent les lettres qui dient : .cccc. anz et .liiii. sont acompli emprés la Passion

JhESUCRIST ; et au JOR de la PeNTECOUSTE doit CIST SIEGES

TROVER SON MESTRE. Et quaut il voieut ces lettres, si dient li uns a l'autre : « Par foi, ci a merveilleuse aventure ! » — « En nom DeUjfet Lancelot, qui a droit voldroit conter le terme de cest brief des le resuscitement Nostre Seignor jusq'a ore, il troveroit, ce m'est avis, par droit conte que au jor d'ui doit estre cist sièges aempliz ; car ce est la Pentecoste après les .cccc. ang et .liiij. Et jevoldroie bien que nus ne veist mes hui ces letres devant que cil sera venuz qui ceste aventure doit escheoir. » Et il dient que le veoir destorneront il bien : si font aporter un drap de soie et le metent ou siège por covrir les lettres.

Quant li rois fu revenuz del mostier et il vit que Lancelot fu venuz et il ot amené Boort et Lyonel, si lor fet molt grant joie, et dit que bien soient il venu. Et la feste comence par laienz grant et merveilleuse, car moût sont liez li compaignon de la Table Reonde de la venue as deus frères. Et messires Gauvains lor demande coment il l'ont puis fet qu'il se partirent de cort. Et il dient : « Bien, Dieu merci » ; car il ont toz jorz esté sainz et ha.itiez. — « Certes, fet messires Gauvains, ce me plest moût. » Granz est la joie que cil de la cort font a Boort et a Lyonel ; car pieç'a mes qu'il nés avoient veuz.

Et li rois comande que les napes soient mises, car il est

LÉPÉE DU PERRON 5

tens de mengier, ce li est avis, — « Sire, fet Kex li seneschaux, se vos asseez ja au disner, il m'est avis que vos enfraindroiz la costume de ceanz. Car nos avons veu toz jorz que vos a haute feste n'asseiez a table devant que aucune aventure fust en vostre cort avenue voiant toz les barons de s vostre ostel. » — « Certes, fet li rois, Kex, vos dites voir. Ceste costume ai je toz jors tenue et la tendrai tant corne je porrai. Mes je avoie si grant joie de Lancelot et de ses cousins qui estoient venu a cort sain et haitié qu'il ne me sovenoit de la costume. » — « Or vos en soviegne », fet Kex. ^^

Endementres qu'il parloient einsi, si entra laienz uns vaslez qui dist au roi : « Sire, noveles vos aport molt merveilleuses. » — « Queles? fet li rois. Di les moi tost. » — (( Sire, la aval desoz vostre paies a un perron grant que j'ai veu floter par desus l'eve. Venez le veoir, qar je sai bien ^5 que ce est aventure merveilleuse. » Et li rois descent maintenant por ceste merveille veoir, et si font tuit li autre. Et quant il sont venu a la rive, si trocvent le perron qui estoit oissuz de l'eve, et estoit de marbre vermeil ; et ou perron avoit une espee fichée, qui molt estoit et bêle et riche par 20 semblant ; et en estoit li pqnz d'une pierre preciose ovrez a letres d'or molt soutilment. Et li baron regardent les letres qui disoient : Ja nus ne m'ostera de ci, se cil non a cui cosTÉ je doi pendre. Et cil sera li mieldres chevaliers DEL monde. Et quant li rois voit ces letres, si dit a Lan- 25 celot : « Biau sire, ceste espee est vostre par bon droit, qar je sai bien que vos estes li mieldres chevaliers del monde. » Et il respont toz corouciez : « Certes, sire, ne ele n'est moie ne je n'avroie le corage de mettre i main, ne le hardement : car je ne suiz mie dignes ne soffisanz que je la doie prendre. 30 Et por ce m'en tendrai je et n'i métrai ja la main : car ce seroit folie se je tendoie a avoir la. » — « Toutes voies, fet li rois, i essaierez vos se vos la porriez oster. » — « Sire, fet il,

non ferai ge. Car je sai bien que nus n'i essaiera ja por qu'il i faille qu'il n'en reçoive plaie. » — « Et que savez vos? » fet li rois. — « Sire, fet il, je le sai bien. Et encore vos di ge autre chose ; car je voil que vos sachiez que en cest jor d'ui comenceront les granz aventures et les granz merveilles dou Saint Graal. »

Quant li rois ot que Lancelot n'en fera plus, si dist a mon seignor Gauvain : « Biax niez, essaiez i. » — « Sire, fet il, sauve vostre grâce, non ferai, puis que messires Lancelot n'i velt essaier. G'i metroie la main por noient, car ce savez vos bien qu'il est assez mieldres chevaliers que je ne sui. » — « Toutes voies, fet li rois, i essaierez vos por ce que je le voil, ne mie por l'espee avoir. » Et il giete la main et prent l'espee par le heut et sache , mes il ne la puet trere fors. Et li rois li dist maintenant : « Biax niez, laissiez ester ; car bien avez fet mon comandement. » — « Messire Gauvain, fet Lancelot, or sachiez que ceste espee vos louchera encore de si près que vos ne la voldriez avoir baillée por un chastel. » — « Sire, fet messires Gauvains, je n'en poi mes; se je en deusse orendroit morir, si le feisse je por la volenté mon seignor acomplir. » Et quant li rois ot ceste parole, si se repent de ce que messires Gauvains a fait.

Lors dist a Perceval que il essait a l'espee. Et il dist que si fera il volentiers por fere a mon seignor Gauvain compaignie. Si met la main a l'espee et tret, mes il ne la puet avoir. Et lors croient bien tuit cil de la place que Lancelot die voir, et que les letres dou pont soient veraies. Si n'i a mes si hardi qui main i ost mètre. Et messire Kex dist au roi : « Sire, sire, par mon chief, or poez vos seurement asseoir au disner quant vos plera : car a aventure n'avez vos pas failli devant mengier, ce me semble. » — « Alons donc, fet li rois, car ausi en est il bien tens. »

Et lors s'en vont li chevalier et laissent le perron a la