X[V INTRODUCTION

Bibliographie. — Parmi les nombreux ouvrages consacrés à la légende du Graal, ceux qui donnent à la Oucste une attention particulière sont :

Merlin, pp. G. Paris et Ulrich ; Paris, 1886, Société des Anciens Textes (Introduction).

Heinzel, Uber die franiôsischen Gralromane (Denksclir. der K. u. K. Wiener Akad., XL, 1891).

A. Pauphilet, La Oueste du vis. B. N. fr. ^4) (Romania, XXXVI, 1907).

F. Lot, Etudes sur îe Lancelot en prose (Bibl, de l'Ecole des Hautes Etudes, fasc. 226); Paris, 1918.

A. Pauphilet, Etudes sur la Oueste de! Saint Graal ; Paris, Champion, 192 1.

A Li veille de la Pentecoste, quant li compaignon de la

Table Reonde furent venu a Kamaalot et il orent oï le

servise et len vouloit mètre les tables a hore de none, lors

'^itra en la sale a cheval une molt beledamoisele ; et fu venue

' n grant oirre que bien le pooit len veoir, car ses chevaus en

fu encore toz tressuez. Et ele descent et vient devant le roi ;

• « le salue, et il dit que Diex la beneie. « Sire, fet ele, por

' Dieu, dites moi se Lancelot est ceenz. » — « Oïl voir, fet

li.rois, veez le la. » Si li mostre. Et ele va maintenant la ou

iliest et li dit : « Lancelot, je vos di de par le roi Pelles que

>ir*3s avec moi venez jusqu'en celé forest. » Et il li demande

>^ qui ele est. « Je sui, fait ele, a celui dont je vos paroi. »

•— « Et quel besoign, fet il, avez vos de moi ?» — « Ce

Ai'erroiz vos bien », fet ele. — « De par Dieu, fet il, et je

irai volentiers. »

Lors dist a un escuier qu'il metj la sele en son cheval et li aport ses armes. Et cil si fet tout maintenant. Et quant l.i rois et li autre qui ou paies estoient voient ce, si lor en poise molt. Et neporguant, quant il voient qu'il ne remaindroit, il l'en lessent aler. Et la reine li dit : « Que est ce, Lancelot, nos lairez vos a cest jor qui si est hauz? » — « Dame, fet la damoisele, sachiez que vos le ravroiz demain ceenz ainz hore de disner. » — « Or i voist donc, fet ele ; car se il demain ne deust revenir, il n'i alast hui par ma volenté. » Et il monte et la damoisele ausi.

Si se partent de laienz sanz autre congié et sanz plus de compaignie, fors seulement d'un escuier qui avec la damoisele estoit venuz. Et quant il sont issu de Kamaalot, si chevauchent tant qu'il sont en la forest venu. Si se metent ou grant chemin ferré et errent bien la moitié d'une Hue, et tant qu'il vindrent en une valee. Et lors voient devant els en travers dou chemin une abeie de nonains. Et la damoisele tome celé part si tost come il sont près. Et quant il vindrent a la porte, si apele li escuiers et len li uevre, et il descendent et entrent enz. Et quant cil de laienz sorent que Lancelot estoit venuz, si li vont tuit a l'encontre et li font molt grant joie. Et quant il l'orent mené en une chambre et il fu desarmez, si voit je'sir ses deus cousins Boort et Lyonel en deus liz. Et lors est a merveilles liez. Si les esveille; et quant il le voient, si l'acolent et bes«nt. Et lors comence la joie que li cousin firent li uns de l'autre. « Biax sire, fet Boors a Lancelot, quele aventure vos a ça amené ? Ja vos cuidions nos trover a Kamaalot. » Et il lor conte coment une damoisele l'a laienz amené, mes il ne :.et onques por quoi.

Et endementiers qu'il parloient ainsi, si entrèrent laienz troi nonains qui amenoient devant eles Galaad, si bel enfant et si bien taillié de toz membres que a peines trovast len son pareil ou monde. Et celé qui estoit la plus dame le menoitipar la main et ploroit moût tendrement. Et quant ele vint devant Lancelot, si li dist : « Sire, je vos ameign nostre norriçon, itant de joie com nos avons, nostre confort et nostre espoir, que vos en façoiz chevalier. Car de nul plus preudome'de vos ne porroit il, a nostre cuidier, recevoir l'ordre de chevalerie. » Il regarde l'enfant, si le voit garni de toutes biautez si merveilleusement qu'il ne cuide mie qu'il veist onques mes de son eage si bêle forme d'ome. Et par la simplece qu'il i voit i espoire il tant de bien qu'il li