APPARITION DU GRAAL I

il estfde totes parz estrez des meillors chevaliers dou monde et dou plus haut lignage que len sache, p

A tant descendirent les dames por oïr vespres por la hautesce dou jor. Et quant li rois fu issuz dou mostier et il vint ou paies en haut, si comanda que les tables fussent mises. 5 Et lors s'alerent seoir li chevalier chascuns en son leu ausi come il avoient fet au matin. Et quant il se furent tuit asis parlaienz et il se furent tuit acoisiez, lors oïrent il venir' un escroiz de tonoirç si grant et si merveilleus qu'il lor fu avis que li paies deust fondre. Et maintenant entra laienz uns lo rais de soleil qui fist le paies plus clers a set doubles qu'il n'estoit devant. Si furent tantostpar laienz tôt ausi come s'il fussent enluminé de la grâce dou Saint Esperit,/èt comencierent a resgarder li un les autres ; car il ne savoient dont ce lor pooit estrevenu. Et neporquant il n'avoit laienz home 15 qui poïsl parler ne dire mot de sa bouche/: si furent tuit amui grant et petit/Et quant il orent grant pièce demoré en tel manière que nus d'aux n'avoit pooir de parler, ainz s'entreresgardoient autresi come bestes mues,>lors entra laienz li Sainz Graal covers d'un blanc samit /mes il n'i ot onques 20 nul qui poïst veoir qui le portoit. Si entra par le grant huis dou paies, et maintenant qu'il i fu entrez fu li paies raempliz de si bones odors come se totes les espices terriennes i fussent espandues. Et il ala par mi le paies tout entor les dois d'une part et d'autre ; ^t tout einsi come il trespassoit par 25 devant les tables, estoient eles maintenant raemplies endroit chascun siège de tel viande come chascuns desirroit.^-Èt quant tuit furent servi et liun et li autre,/ li Sainz Graax s'en parti tantost, que il ne surent que il pot estre devenuz ne ne virent quel part il torna. Et maintenant orent pooir de parler cil qui 3o devant ne pooient mot dire. Si rendirent grâces a Nostre Seignor li plusor d'ax de ce que si grant honor lor avoit fête qu'il les avoit repeuz delà grâce dou Saint Vessel. Mes sor

lé LA Q.UESTE DEL S. GRAAL

toz çax qui laienzestoient en fu li rois Artus joianz et liez, de ce que greignor debonereté li avoit Nostre Sires mostree que a nul roi qui devant lui eust esté.

De ceste chose furent molt lié li privé et li estrange, car bien lor sembla/ que Nostre Sires nés avoit pas oubliez quant il lor mostroit si grant debonereté/ Si en parlèrent assez tant corne li mengiers dura. Et li rois meismes en comença a parler a çax qui plus près de lui estoient, et dist : « Certes, seignor, molt devons estre lié et avoir grant joie de ce que tSIostre Sires nos a mostré si grant signe d'amor io> qu'il de sa grâce nos volt repaistre a si halt.jor corne le jor de la Pentecouste. /» -— • « Sire, fet messires Gauvains, encore i a il autre chose que vos né savez mie : car il n'a ceanz home qui n'ait esté serviz de quan qu'il demandoit et pensoit. Et ce n'avint onques mes en nule cort, se ne fu chiés le Roi Mehaignié. Mes de tant sont il engignié qu'il nel porent veoir apertement, ançois lor en fu coverte la vraie semblance. Por coi je endroit moi faz orendroit un veu, que le matin sanz plus atendre enterrai en la Queste en tel manière que je la maintendrai un an et un jor et encor plus se mestiers est ; ne ne revendrai a cort por chose qui aviegne devant que je l'aie veu plus apertement qu'il ne m'a ci esté demostrez, s'il puet estre en nule manière que je lou puisse veoir ne doie. Et s'il ne puet estre, je m'en retornerai. »

Quant cil de la Table Reonde oïrent ceste parole, si se levèrent tuit de lor sièges et firent tout autretel veu com messires Gauvains avoit fet, et distrent qu'il ne fineroient ja mes d'errer devant qu'il seroient asis a la haute table ou si douce viande estoit toz jors aprestee corne celé qu'il avoient 3o iluec eue. Et quant li rois vit qu'il avoient fet tel veu, si en fu molt a malese : car bien set qu'il nés porra pas retorner de ceste emprise. Si dist a monseignor Gauvain. « Ha, Gau-

vain, vos m'avez mort par le veu que vos avez fet, car vos m'avez ci tolue la plus bêle compaignie et la plus loial que je onques trovasse, et ce est la compaignie de la Table Reonde. Car quant il départiront de moi, de quele ore que ce soit, je sai bien qu'il ne revendront ja mes tuit arrière, ainz demorront li plusor en ceste Queste, qui ne faudra pas si tost com vos cuidiez. Si ne m'en poise pas petit. Car je les ai escreuz et alevez de tout mon pooir et les ai toz jors amez et encore les aim ausi com s'il fussent mi fil ou mi frère, et por ce me sera mult griez lor départie ; car je avoie apris a veoir les sovent et a avoir lor compaignie ; car je ne puis pas en moi veoir coment je m'en puisse soffrir. » Après ceste parole comença li rois a penser molt durement, et en cel penser li vienent les lermes as eulz, si que cil de laienzs'en porent bien apercevoir. Et quant il parla, si dist si haut que tuit cil de laienz le porent bien oïr : « Gauvain, Gauvain, mis m'avez le grant corrouz el cuer, dont ja mes ne me porrai esbatre devant que je sache veraiement a quele fin ceste Queste porra torner. Car trop ai grant doute que mi ami charnel n'en reviegnent ja. » — « Ha ! sire, fet Lancelot, por Dieu, que est ce que vos dites? Tex hons corne vos estes ne doit pas concevoir poor en son cuer, mes justece et hardement et avoir bone espérance. Si vos devez reconforter: car certes, se nos morions tuit en ceste Queste, il nos seroit graindres honors que de morir en autre leu. » — « Lancelot, fet li rois, la grant amor que je ai toz jors vers aux eue me fet dire tex paroles, et ce n'est mie de merveille se je sui corrouciez de lor département. Car onques- rois crestiens n'ot autant de bons chevaliers ne de preudomes a sa table come j'ai eu en cest jor, ne ja mes n'avra quant il de ci départiront, ne ja mes ne seront a ma table rasemblé einsi come il ont esté ci ; et ce est la chose qui plus me desconforte. » A ceste parole ne sot messires Gauvains que respondre, car il

s. GRAAL. 2

l8 LA QUESTE DEL S. GRAAL

conoissoit bien que li rois disoit voir. Si se repentist volentiers, se il osast, de la parole qu'il avoit dite ; mes ce ne pot estre, car trop estoit ja pueploiee.

Si fu maintenant denoncié par totes les chambres de laienz cornent la Queste del Saint Graal estoit emprise, et se parti- 5 ront demain de cort cil qui compaignon en doivent estre. Si ot assez par laiênz de tiex qui plus en furent corroucié que joiant : car par la proesce des compaignons de la Table Reonde estoit li ostex le roi Artus redoutez sor toz autres. Quant les dames et les damoiseles qui avec la reine estoient lo assises es chambres au souper oïrent ceste novele, si en i ot assez de dolentes et de corrouciees, meesmement celés qui estoient espouses o amies as compaignons de la Table Reonde. Ne ce ne fu mie de merveille : car eles estoient honorées et chier tenues par cels de qui eles doutoient qu'il 15 ne moreussent en la Queste. Si en comencierent a fere trop grant duel. Et la reine demande au vaslet qui devant li estoit : « Di moi, fet ele, vaslet, fus tu la ou ceste Queste fu acreantee ?» — « Dame, fet cil, oïl. » — « Et messires Gauvains, fet ele, et Lancelot del Lac en sont il compaignon ? » 20 — « Dame, certes, fet cil ; messires Gauvains le creanta premièrement et Lancelot après et ausi firent tuit li autre, qu'il n'en i a nul remés qui de la Table fust compainz. )/JÈt quant ele ot ceste parole, si est tant dolente por Lancelot qu'il li est bien avis que ele doie morir de duel^ ne ne s'em puet tenir 25 que les lermes ne l'en viegnent as elz. Si respont a chief de pièce, tant dolente que nule plus : « Certes, fet ele, ce est granz domages. Car sajiz la mort de maint preudome ne sera pas a fin menée ceste Queste, puisque tant preudome l'ont emprise. Si me merveil moût coment mes sires li rois, 3o qui tant par est sages. Ta sofi'ert. Car la meillor partie de ses barons s'en départira a cest point si merveilleusement que li remananz en vaudra poi. ») Et lors comença a plorer molt

tendrement et ausi firent toutes les dames et les damoiseles qui avec li estoient.

Einsi fu tote la cors troublée por la novele de çax qui partir s'en dévoient. Et quant les tables furent levées ou paies et es chambres et les dames furent assemblées avec les 5 chevaliers, lors comença li dualz toz noviax. Car chascune dame ou damoisele, fust espousee fust amie, dist a son chevalier que ele iroit avec lui en la Queste. Si ot laienz de tiex qui de legier s'i acordassent et qui tost le vousissent, se ne fust uns preudom vielz, vestuz de robe de religion, qui lo laienz entra après souper. Et quant il vint devant le roi, si parla si haut que tuit le porent oïr, et dist : « Oiez, seignor chevalier de la Table Reonde qui avez jurée la Queste del Saint Graal ! Ce vos mande par moi/'Nascienz li hermites que nus en ceste Queste ne maint dame ne damoisele qu'il ne 15 chiee en pechié mortel : ne nus n'i entre qui ne soit confés ou qui n'aille a confesse, car nus en si haut servise ne doit entrer devant qu'il soit netoiez et espurgiez de totes vilanies et de toz pechiés mortçx./Car ceste Queste n'est mie queste de terriennes choses, ainz doit estre li encerchemenz des 20 grans secrez et des privetez Nostre Seignor et des grans repostailles que li Hauz Mestres mostrera apertement au boneuré chevalier qu'il a esleu a son serjant entre les autres chevaliers terriens, a qui il mostrera les granz merveilles dou Saint Graal, et fera veoir ce que cuers mortex ne porroit 25 penser ne langue d'ome terrien deviser. » Par ceste parole remest que nus ne mena o soi ne sa famé ne s'amie. Et li rois fist le preudome herbergier bien et richement et li demanda grant partie de son estre, mes il l'en dist petit, car assez pensoit a autre chose que au roi. 3o

Et la reine vient a Galaad et s'asiet delez lui ; si li comence a demander dont il est et de quel païs et de quel gent. Et il l'en dist grant partie come cil qui assez en savoit ; mes de

ce qu'il fust filz Lancelot n'i ot il onques parlé. Et neporquant as paroles que la reine i aprist conut ele veraiement qu'il estoit filz Lancelot et qu'il avoit esté engendrez en la fille le roi Pelles, dont ele avoit maintes foiz oï parler. Et por ce qu'ele le velt oïr et savoir de sa bouche s'il 5 onques puet estre, li demande ele la vérité de son père. Et il li respont qu'il ne set pas très bien cui filz il fu. « Ha! sire, fet ele, vos le me celez ; por coi faites vos ce ? Si m'ait Diex, ja de vostre père nomer n'avroiz honte. Car il est li plus biax chevaliers dou monde et est estrez de toutes parz de lo rois et de reines et dou plus haut lignage que len sache, et a eu le los jusque ci d'estre li mieldres chevaliers dou monde : par quoi vos devriez par droit passer toz çax del siècle. Et certes vos le resemblez si merveilleusement qu'il n'a ceanz home si nice qui bien nel conoisse, se il s'en prenoit garde. » 15 Quant il ot ceste parole, si devient toz honteus de la vergoigne qu'il en a. Si respont maintenant : « Dame, fet il, puis que vos le conoissiez si certainement, vos le me poez dire. Et se ce est cil que je croi qui soit mes pères, je vos tendrai a voir disant, et se ce n'est il, je ne m'i porroie pas 20 acorder por chose que vos en deissiez. » — « A non Dieu, fet ele, puis que vos nel volez dire, je le vos dirai. Cil qui vos engendra a non messires Lancelot del Lac, li' plus biax chevaliers et li mieldres et li plus gracieus, et li plusdesirrez a veoir de toutes genz et li mielz amez qui onques nasquist 25 anostens. Por qoi il me semble que vos nel devez celer ne a moi ne a autre : car de plus preudome ne de meillor chevalier ne poissiez vos estre engendrez. » — « Dame, fet il, puis que vos le savez si bien, a que fere le vos deisse je ? Assez le saura len a tens. » 3o y

Longuement parlèrent entre la reine et Galaad et tant qu'il fu auques anuitié. Et quant il fu hore de dormir, li rois prist Galaad et l'en mena en sa chambre et le fist couchier en son

lit meismes ou il souloit gésir, por honor et por hautece de lui ; et après s'ala li rois couchier et Lancelot et li autre baron de laienz. Si fu celé nuit li rois molt a malese et molt pensiz por amor des preudomes de laienz qu'il avoit molt amez, qui l'endemain se dévoient de lui partir et aler en tel s leu ou il cuidoit bien qu'il demorassent longuement. Et por la demoree, se il la feissent, ne s'esmaiast il pas molt. Mes ce li metlegrantduel ou cuer qu'il pense bien qu'il en morra grant partie en ceste Queste, et ce est la chose dont il est plus a malese. En tel duel et en tel martire furent toute la lo nuit li haut baron de laienz et cil del reaume de Logres. Et quant il plot a Nostre Seignor que les teniebres de la nuit furent abessiees por ce que la veue del jor estoit apareue, li chevalier se levèrent tantost trestuit cil qui estoient en cure et en pensée de ceste chose, si se vestirent et atornerent. Et 15 quant il fu bien ajorné, li rois se leva de son lit. Et quant il fu apareilliez, si vint en la chambre ou messires Gauvains et Lancelot estoient, qui avoient geu ensamble la nuit. Et quant il vint la, si trova qu'il estoient ja vestuz et apareillié por aler oïr messe. Et li rois, qui tant les amoit come s'il les 20 eust de sa char engendrez, les salua quant il se fu sor aus embatuz ; et il se drecierent encontre lui etdistrent que bien fust il venuz. Et il les fist rasseoir et s'assist avec ax. Et lors comença a resgarder monseignor Gauvain et li dist : « Gauvain, Gauvain, vos m'avez trahi ! Onques ma cort n'amenda 25 tant de vos come ele en est ore empoiriee. Car ja mes ne sera honorée de si haute compaignie ne de si vaillant come vos en avez ostee par vostre esmuete. Ne encore ne sui je pas tant corrouciez por aus come je sui por vos deus. Car de tote l'amor dont home porroit amer autre vos ai je amez, et ne 30 mie ore premièrement, mes des lors primes que je conui les grans bontez qui dedenz vos estoient herbergiees. » Quant li rois ot ceste parole dite, si se tôt ; et lors fu pensiz

durement et en cel penser li comencent les lermes a coler tôt contreval la face. Et cil qui voient ceste chose, et qui tant en sont dolent que nus ne le porroit dire, n'osent respondre por ce qu'il le voient si corrocié. Et il demore grant pièce en cel corrouz. Et quant il parole, si dist trop dolenz : « Ha ! Diex, je ne me cuidai james desevrer de ceste conipaignie que fortune m'avoit envoiee ! » Après redist a Lancelot : « Lancelot, je vos requier sor la foi et sor le serrement qui est entre moi et vos que vos m'aidiez a conseillier de ceste chose. » — « Sire, fet il, dites moi coment. » — « Je feroie, fetil, trop volentiers remanoir ceste Queste s'il pooit estre. »

— « Sire, fet Lancelot, je l'ai veue. jurer a tant de preudomes que je ne cuit pas qu'il la volsissent laissier en nule manière. Car il n'i a nul qui ne fust parjures, et ce seroit trop granz desloiautez qui de ce les voldroit requierre. » —

— « Par foi, fet li rois, je sai bien que vos dites voir. Mes la grans amors que je ai a vos et as autres le me rueve dire. Et se ce fust covenable chose ne seanz, je le volsisse bien, car trop me grèvera lor departemenz. »

Tant parollent entr'aux que li jors fu biax et clers et li soulax ot ja auques abatue la rosée et li paies comença a emplir des barons dou roiaume. Et la reine qui se fu levée vint la ou li rois estoit et li dist : « Sire, cil chevalier vos atendent la jus por aler oïr messe. » Et il se lieve et essuie ses eulz por ce que cil qui le verront ne sachant le duel qu'il a mené. Et messires Gauvains comande que len li aport ses armes, et ausint fet Lancelot. Et quant il sont armé fors de lor escuz, si vienent el paies et troevent les compaignons qui ausint estoient apareillié por movoir. Et quant il furent venu au mostier et ' il orent oï le servise tout ensint armé come il estoient, si revindrent el paies. Si s'asistrent li un lez les autres cil qui compaignon estoient de la Queste. « Sire, fet li rois Baudemagus, puis que cist aferes est