SERMENT DES CHEVALIERS

empris si fièrement qu'il ne puet estre lessiez, je locroie que li saint fussent aporté. Si jureroient li compaignon tel serrement corne cil font qui en queste doivent entrer. » — « Jel voil bien, puis qu'il vos plest qu'il soit einsint, fet li rois Artus, puis qu'il ne puet estre autrement. » Lors firent li clerc de laienz aporter les sainz sor qoi len faisoit les serremenz de la cort. Et quant il furent aporté devant les mestres doiz, li rois apela mon seignor Gauvain et li dist : « Vos esmeustes premièrement ceste Queste, venez avant et si faites premiers le serrement que cil doivent faire qui en ceste Queste se metent. » — « Sire, fet li roi Baudemagus, salve vostre grâce, il nel fera mie premiers, mes cil le fera avant nos toz que nos devons tenir a seignor et a mestre de la Table Reonde : et ce est messires Galaad. Et quant il avra juré, autel serrement corne il fera nos ferons tuit sanz contredit, car einsint doit estre. » Et lors fu apelez Galaad ; et il vint avant et s'agenoilla devant les sainz et jura come loiax chevaliers qu'il ceste Queste maintendroit un an et un jor et plus encor s'il le covenoit a fere, ne ja mes a cort ne revendroit devant qu'il la vérité savroit del Saint Graal, se il la pooit savoir en nule manière. Après jura Lancelot tout autretel serrement come il avoit fet. Et puis jura messires Gauvains et Perceval et Boorz et Lyonel et après Helains li Elans. Et lors jurèrent tuit li compaignon de la Table Reonde li uns après l'autre. Et quant il orent fet le serrement cil qui mis s'i estoient, si troverent cil qui mis les avoient en escrit qu'il estoient par conte cent et cinquante, et si preudome tuit que len n'i savoit un couart. Et lors se desgeunerent un poi por le roi qui les en requist. Et quant il orent mengié, si mistrent lor hiaumes en lor chiés et lors fu certaine chose qu'il ne remaindroient plus. Si comanderent la reine a Dieu a plors et a lermes.

Et quant ele vit qu'il estoient au movoir et qu'il ne

24 I-A Q.UESTE DEL S. GRAAL

pooient plus delaier, si comença a fere trop grant duel, ausint corne se ele veist devant lui morz toz ses amis ; et por ce que len ne s'en aperceust com.faitement ele estoit corrociee, entra ele en sa chambre et se laissa chaoir en son lit. Et lors comença a fere un si grant duel qu'il ne fust si 5 dur home ou monde, s'il la veist, qui toute pitié n'en eust. Et quant Lancelot fu toz appareilliez com dou monter, il qui tant avoit grand duel dou corrouz sa dame la reine/que nus n'en poïst estre plus corrouciez, si s'en torna vers la chambre ou il l'avoit veue entrer et entra dedenz.? Et quant 10 la reine le vit dedenz entrer tôt armé, si li comença a crier : « Ha ! Lancelot, traïe m'avez et mise a la mort/ qui laissiez l'ostel mon seignor le roi por aler en estrange's terre?^^ dont vos ja ne revendroiz se Nostre Sires ne vos en rameine. » — « Dame, fet il, si feré, se Dieu plest ; je revendrai assez 15 plus prochienement que vos ne cuidiez. » — « Ha ! Diex, fet ele, mes cuers nel .me dit pas, qui me met en totes les mesaises dou monde et en totes les poors ou onques gentilz famé fust pour home. >^ — « Dame, fet il, je m'en iré a vostre congié, quant vos plaira. » — ^^< Vos n'i alissiez ja mes, fet 20 ele, par ma volenté/ Mes puis qu'il est einsi,que a fere le covient, alez en la garde de Celui qui se laissa traveillier en la saintisme veraie Croiz por délivrer l'umain lignage de la pardurable mort, qui vos conduie a salveté en toz les leus ou vos irez. » — « Dame, fet il, Diex le face par la soie 25 digne pitié ! »

A tant se part Lancelot de la reine et vient en la cort aval et voit que si compaignon estoient ja monté ne n'atendoient a movoir que solement por lui. Et il vient a son cheval et monte. Et li rois, qui vit Galaad sanz escu et voloit movoir 30 sanz escu en la Qjaeste ausi come li autre, et il vient a lui et li dist: « Sire, il me semble que vos ne fêtes mie assez, qui n'en portez aucun escu ide ceanz ausint com vostre com-