AVENTURE DE L ECU

terre por lui desarmer. Et quant il Forent alegié de ses armes, il esgarda deus descompaignons de la Table Reonde, dont li uns estoit li rois Baudemagus et li autres Yvains li Avoltres. Et si tost come il l'orent avisé et coneu, si li accrurent les braz tenduz por fere li feste et joie, car molt estoient lié de 5 ce qu'il l'avoient trové. Si se firent a lui conoistre; et quant il les conut, si lor refist molt grant joie et molt les honora come çaux qu'il devoit tenir a frères et a compaignons.

Le soir, quant il orent mengié et il se furent aie esbatre en un vergier qui estoit laienz, qui molt ertbiax, si s'asistrent ^° desoz un arbre et lors lor demanda Galaad quele aventure les avoit laienz amenez. « Par foi, sire, font il, nos i venismes por veoir une aventure qui i est trop merveilleuse, ce nos a len fait entendant. Car il a en ceste abeie un escu que nus ne puet pendre a son col, por qu'il l'en voille porter, a qui il '5 ne meschiece tant que el premier jor ou el secont ne soit ou morz ou navrez ou mehaigniez. Si somes venu por savoir se ce est voirs que len en dit. » — « Car je l'en voil le matin porter, fet li rois Baudemagus, et lors savré se l'aventure est tele come len la devise.» — « En non Dieu, fet Galaad, vos 20 me contez merveilles se cist escuz est tiex come vos me dites. Et se vos ne l'en poez porter, je suiz cil qui l'em porterai : car ausi n'ai je point d'escu. » — « Sire, font il; dont le vos lairons nos, car autresi savons nos bien que vos ne faudrez pas a l'aventure. » — «Je voil, fet il, que vos i essaiez avant 25 por savoir se ce est voirs ou non que len vos a dit. » Et il s'i acordentandui. Celé nuit furent servi et aeisié li compaignon deqan que cil de laienz porent avoir ; et molt honorèrent li frère Galaad quant il oïrent le tesmoign que li dui chevalier li portoient : si le couchierent molt richement et si 3o hautement come len devoit fere tel home come il estoit. Et près de lui jut li rois Baudemagus et ses compainz.

Et l'endemain, quant il orent oie messe, demanda li rois

Baudemagus a un des frères de laienz ou li esciiz estoit dont len faisoit tel parole par le pais. « Sire, fet li preudons, por coi le demandez vos? » — « Force, fet il, que je l'en porteroie avec moi por savoir s'il a tel vertu come len dist. » — « Je ne vos lo mie, fet li preudons, que vos ja l'emportoiz fors de ceanz. Car je ne quit qu'il vos en avenist se honte non. » — « Toutes voies, fet il, voil je savoir ou il est et de quel façon. » Et cil le meine niaintenant derrière le mestre autel de laienz et troeve iluec un escu blanc a une croiz vermeille. « Sire, fet li preudons, veez ci l'escu que vos demandez. » Et il Tesgardent, si dient que il est a lor avis li plus biaus et li plus riches que il eussent onques veu ; et fleroit autresint soef come se totes les espices dou monde fussent espandues desuz. Et quant Yvains li Avoltres le vit, si dist : « Si m'ait Diex,iveez ci l'escu que nus ne doit pendre a son col s'il n'est mieldres chevaliers que autres^ Et ce est cil qui ja a mon col ne pendra, car certes je ne suiz mie si vaillans ne si preudons que je le doie pendre a mon col.l » — « En non Dieu, fet li rois Baudemagus, que qui m'en doie avenir, je l'emporterai de ceanz. » Et lors le peut a son col et l'emporte fors del mostier. Et quant il est venuz a son cheval, si dit a Galaad : « Sire, s'il vos plesoit, je voldroie bien que vos m'atendissoiz ceanz tant que je vos seusse dire coment il m'avendra de ceste aventure. Car, js'il m'en meschaoit, il me plairoit molt que vos le seussiez, car je sai bien que l'aventure acheveroiz vos legierement. » — «Je vos atendrai molt volentiers », fet Galaad. Et il monte maintenant et li frère de laienz li baillierent un escuier por faire li compaignie, qui raportera arriéres l'escu se il le covient a fere. Einsi remest Galaad entre lui et Yvain qui li fera compaignie tant qu'il sache la vérité de ceste chose. Et li rois Baudemagus, qui se fu mis en son chemin entre lui et l'escuier, chevaucha bien deus lieues et plus, et tant qu'il vint

CHATIMENT DE BAUDEMAGU 29

en une valee par devant un hermitage qui estoit ou fons d'un val. Et il resgarde vers l'ermitage et voit de celé part venir un chevalier armé d'unes armes blanches, et venoit si grant oirre come li chevaK sor qoi il seoit pooit aler ; et tint le glaive aloignié et vint poignant encontre lui. Et il se radresce vers lui si tost come il le vit venir, et brise son glaive sor lui et le fet voler en pièces. Et li blans chevaliers, qui l'ot pris a descovert, le fiert si durement qu'il li ront les mailles del hauberc et li met par mi l'espaule semestre le fer tranchant ; si l'empaint bien come cil qui assez avoit et cuer et force ; si le porte dou cheval a terre. Et au chaoir qu'il fist, li chevaliers li oste l'escu dou col, et li dist si haut que bien le pot oïr, et li escuiers meismes Tentendi bien : « Sire chevaliers, trop fustes fox et musarz qui cest escu pendistes a vostre col. Car il n'est otroiez a nul home a porter, s'il n'est li mieldres chevaliers qui soit ou monde. Et por le pechié que vos i avez m'envoia çaNostre Sires, por prendre en la venjance selonc le meft'et. » Et quant il a ce dit, si vient a l'escuier et li dist : « Tien, va t'en et porte cet escu au serjant Jhesucrist, au bon chevalier que len apele Galaad, que tu laissas ore en l'abeie ;/et li di que li Hauz Mestres li mande qu'il le port. Car il le trovera toz dis autresint fres et autresi bon come il est orendroit, et ce est une chose por qoi il le doit molt amer. Et le salue de par moi, si tost come tu le verras. » Et li vaslez li demande : « Sire, cornent avez vos non, que je le sache dire au chevalier quant je vendrai a lui ?» — « De mon nom, fet il, ne puez tu mie savoir ;, car ce n'est mie chose que on doie dire a toi ne a home terrien ; et por ce t'en covient il sofrir a tant. Mes ce, que je te comant fai. » — « Sire, fet li vaslez, puis que vos vostre non ne me diroiz, je vos pri et conjur par la riens el monde que vos plus amez que vos me dioiz la vérité de cest escu, et coment il fu aportez en ceste

terre et por qoi tantes merveilles en sont avenues. Car onques hom a nostre tens ne le pot pendre a son col a cui il n'en niescheist. » — « Tant m'en as conjuré, fet li chevaliers, que je le te dirai. Mes ce ne sera mie a toi seul, ainz vuel que tu i amoines le chevalier a qui tu porteras l'escu. » Et s cil dist que ce fera il bien. « Mes ou vos porrons nos, fet il, trover quant nos vendrons ceste part ?» — « En ceste place meismes, fet il, me troveroiz. » Lors vient li vaslez au roi Baudemagu et li demande se il est molt bleciez : « Oïl certes, fet li rois, si durement que je n'en puis eschaper lo sanz mort. » — - « Et porroiz vos, fet il, chevauchier ? » Et il dist qu'il s'i essaiera. Si se drece si navrez come il estoit, et li vaslez li aide tant qu'il sont venu au cheval dont li rois estoit chaûz. Si monte li rois devant et li vaslez derrière, por tenir le par mi les flans : car il cuide bien qu'il chaïst 15 autrement, et si feist il sanz faille.

En tel manière se partirent il de la place ou li rois ot esté navrez, et chevauchierent tant qu'il sont venu a l'abeie dont il s'estoient parti maintenant. Et quant cil de laienz sorent que il rcvenoient, si lor saillirent a l'encontre ; et descen- 20 dent le roi Baudemagus et l'en meinent en'une chambre, et se font prendre garde de sa plaie, qui assez estoit grant et merveilleuse. Et Galaad demande a un des frères, qui s'en entremetoit : « Sire, cuidiez vos qu'il puist garir ? Car il me semble que ce seroit domages trop granz, se il por ceste 25 aventure moroit. » — « Sire, fet li frères, il en eschapera se Dieu plest. Mes je vos di qu'il est molt durement navrez ; et si ne l'en doit len mie trop plaindre. Car nos li avions bien dit que se il l'escu emportoit, que il l'en mescherroit ; et il l'emporta sor nostre deffens, dont il se puet tenir por 30 fol. » Et quant cil de laienz li orent fet tôt ce qu'il sorent de bien, li valiez dist a Galaad, voiant touz cels de la place : « Sire, saluz vos mande li bons chevaliers as armes blanches,