DÉPART POUR LA QUÊTE

paignon font. » — /sire, fet il, je me mefferoie se je ceanz le prenoie. Ja nul n'en prendrai devant que aventure le m'amaint. » — « Or vos consaut Diex ! fet li rois. Car je m'en terai a tant, puis que autrement ne puet estre. »

Et lors sont monté li baron et li chevalier. Si s'en issent de la cort li un et li autre et vont tant contreval la ville qu'il sont fors. Si ne veistes onques si grand duel ne si grant ploreiz com cil de la cité fesoient comunalment quant il virent les compaignons qui s'en aloient en la Queste dou Saint Graal ; ne il n'avoit ilueques baron, ne povre ne riche, de toz çaux qui dévoient remanoir, qui n'en plorast a chaudes lermes : car trop avoient grant duel de cest département. Mes cil qui aler s'en dévoient n'en faisoient nul semblant qu'il lor en fust a riens ; ainz vos fust avis, se vos les veissiez, qu'il en fussent trop lié et si estoient il sanz faille.

Et quant il furent venu en la forest par devers le chastel Vagan, il s'arresterent a une croiz. Et lors dist messires Gauvains au roi : fc Sire, vos avez assez aie ; retornez, il le covient, car vos estes cil qui plus ne nos convoiera. » — « Li retorners, fet li rois, me fera assez pis que li venirs : car trop a enviz me départ de vos. Mes puis que je voi que a faire le covient, je m'en retornerai. » Et lors oste messires Gauvains son hiaume de sa teste, et ausint font li autre compaignon ; si cort le roi baisier et li autre baron après. Et quant il ont lor hiaumes relaciez, si s'entrecomandenta Dieu molt tendrement plorant. Et maintenant se départirent en tel manière que li rois s'en retorna a Kamaalot, et li compaignon entrent en la forest. Si chevauchent tant qu'il vindrent au chastel Vagan.

Cil Vagans estoit uns preudons de bone vie et avoit esté uns des bons chevaliers dou monde tant come il fu en sa jovente. Et quant il vit les compaignons qui passoient par mi son chastel, si fist maintenant les portes clore de totes

pars et dist puis que Diex li avoit tcle honor faite qu'il estoient en son pooir, il ne s'en istront devant qu'il les avra serviz de qan qu'il porra. Si les retint en tel manière laienz ausint com a force et les fist desarmer et les servi la nuit si bel et si richement que il se merveillierent tuit ou il pooit cel avoir prendre.

Si pristrent celé nuit conseil que il porroient fere ; et a l'endemain s'accordèrent a ce qu'il se departiroient et si tendroit chascuns sa voie, por ce que a honte lor seroit atorné se il aloient tuit ensamble. Au matin, si tost come li jors aparut, se levèrent li compaignon et pristrent lor armes et alerent oïr messe a une chapele qui bienz estoit. Et quant il orent ce fet, si montèrent en lor chevax et comanderent lou seignor de laienz a Dieu et molt le mercierent de la grant honor qu'il lor avoit fête. Si issirent dou chastel et se départirent maintenant li uns de l'autre einsi come il l'avoient porparlé, et se mistrent en la forest li uns ça et li autres la, la ou il la voient plus espesse, en tous les leus ou il trovoient ne voie ne sentier. Si plorerent assez a cel département cil qui plus cuidoient avoir les cuers et durs et orgueillox. Mes a tant se test ore li contes d'ax toz et parole de Galaad, por ce que comencemenz avoit esté de la Queste.

Or dist li co-ntes que quant Galaad se fu partiz de ses compaignons, qu'il chevaucha trois jors ou quatre sanz aventure trover qui face a amentevoir en conte. Et au cinquième, après hore de vespres, li avint que sa voie l'amena droit aune blanche abeie. Et quant il fu la venuz, si hurta a la porte et li frère de laienz issirent fors et le descendirent a fine force, come cil qui bien conurent qu'il estoit chevaliers erranz. Si prist li uns son cheval et li autres l'en mena en une sale par