HISTOIRE DE L ECU

péril que il cuidoit veraiement morir, il descov .n <. i et vit ou mileu un home crucefié qui toz estoit sauglenz. Si dist les paroles que Josephes li ot enseigniees, dont il ot victoire ethonor et fu gitez des mains a ses anemis et vint au desus de Tholomer et de toz ses homes. Et quant il fu s venuz a sa cité de Sarras, si dist a tout le pueple la vérité que il ot trovee en Josephe et manifesta tant l'estre del Crucefié que Nasciens reçut baptesme.Et en ce qu'il le crestiennoient avint que uns hons passoit par devant aux, qui avoit le poing coupé et portoit son poing en l'autre main. Et lo Josephes l'apela a soi et cil ivint; et si tost com il ot touchié a la croiz qui en l'escu estoit, si se trova cil gariz dou poing qu'il avoit perdu. Et encor en avint il une aventure molt merveilleuse. Car la croiz qui en l'escu estoit s'en parti et s'aerdi au braz de celui en tel manière que puis ne fut veue 15 en l'escu. Lors reçut Ewalach bapteî.me et devint serjanz Jhesucrist, et ot puis Jhesucrist en grant amor et en grant révérence et fist garder l'escu molt chierement.

« Après avint, quant Josephes se fu partiz de Sarras entre lui et son père et il furent venu en la Grant Bretaingne^qu'il 20 troverent un roi fellon et cruel qui ambedeus les emprisonna et avec els grant partie de crestiens. Quant Josephes fu emprisonnez, tost en ala loing la novele, car alors n'avoit home ou monde de greignor renommée, et tant que li rois Mordrains en oï parler. Si semonst ses homes et ses genz 25 entre lui et Nascien son serorge et s'en vindrent en la Grant Bretaigne sor celui qui Josephe tenoit en prison ; et le deseriterent tout et confondirent toz cels dou païs, si que en la terre fu espandue sainte crestientez. Et il amoient tant Josephe que il ne partirent puis dou pais, ainz remestrent avec 30 lui et le sivoient par toz les leus ou il aloit. Et quant Josephes vint au lit mortel et Ewalach conut qu'il le covenoit a partir de cest siècle, il vint devant lui et plora moût tendrement et

s. GRAAL

dist : « Sire, puis que vos me lessiez, or remaindrai je toz « sens en cest pais, qui por amor de vos avoie ma terre « lessiee et la douçor de ma nacion. Por Dieu, puis qu'il vos « covient départir de cest siècle, lessiez moi de vos aucunes « enseignes qui me soient après vostre mort remembrance. » 5 — « Sire, dist Josephes, ce vos dirai je bien. »

« Si comenca a penser que il li porroit lessier. Et quant il ot cirant pièce pensé, si dist : « Rois Ewalach, fai moi apor- « ter ici icel escu que je te baillai quant tu alas en la bataille « sor Tholomer. » Et li rois dist que si feroit il volentiers, lo car il estoit près d'ilec come cil que il fesoit porter o soi en quelque leu que il alast. Si fist devant Josephe aporter l'escu. A cel point que li escuz fu aportez devant Josephe avint que Josephes saignoit moût durement par mi le nés, si ne pooit estre estanchiez. Et il prist tantost l'escu et i/iîst de 15 son sanc meisme celé croiz que vos veez ci// et bien sachiez que ce est icel escu meismes que je vos cont. Et quant il ot fête la croiz tele com vos la poez veoir, il li dist : « Veez ci l'escu que je vos les en remembrance de moi. Et ja « cest escu ne verroiz qu'il ne vos doie souvenir de moi. 20 « car vos savez bien que ceste croiz est fête de mon sanc, « si sera tozjorz mesausi fresche et ausi vermeille com vos la . « poez veoir orendroit, tant com li escuz durra,/'Ne il ne fau- ' « dra mie tost por ce que ja mes nel pendra nus a son col, por ' « qu'il soit chevaliers, qu'il ne s'en repente, jusqu'à tant que 25 « Galaad, li Bons Chevaliers, li darreins dou lignage Nascien, « le pendra a son col. Et por ce ne soit nus tant hardiz qui a « son col le pende se cil non a qui Diex l'a destiné.//Si i a « tele achaison que, tout ausi come en l'escu ont esté veues a merveilles graindres que en autre, tout ausi verra len plus 3^ « merveilleuse proece et plus haute vie en lui que en autre * « chevalier. » — « Puis qu'il est einsi, fet li rois, que vos si ^ç bone remembrance de vos me lairez, or me dites s'il vos

ADOUBEMENT DE MÉLYANT 35

« plest OU je lairé cest escu. Car je voldroie molt qu'il fust « mis en tel leu ou li Bons Chevaliers le trovast. » — « Donc vos dirai je, dist Josephes, que vos feroiz. La ou vos « verroiz que Nasciens se fera mètre empressa mort, si metez « l'escu : car ilec vendra li Bons Chevaliers au cinquième 5 « jor qu'il aura receu Tordre de chevalerie. »

« Si est tout einsi avenu come il le dist, car au cinquième jor après ce que vos fustes chevaliers venistes vos en celé abeie ou Nasciens gist. Si vos ai ore conté por quoi les granz aventures sont avenues as chevaliers pleins de fol lo hardement qui sor cestui deffens en voloient porter l'escu qui a nului n'estoit otroiez fors a vos. »

Et quant il ot ce conté^ si s'esvanoï en tel manière que onques Galaad ne sot qu'il estoit devenuz ne quel part il estoit tornez. 'Et quant li vaslez qui ilec estoit ot oie ceste 15 aventure, si descend! de son roncin etfee lessa chaoir as piez Galaad et li pria tout em plorant,,por amor de Celui de qui il portoit l'enseigne en son escu/qu'il li otroiast a aler avec lui come escuiers et le feist chevalier. « Certes, fet Galaad, se je compaignie vousisse avoir, je ne te refusasse mie. » — ^o « Sire, por Dieu, fet li vaslez, dont vos pri je que vos chevalier me façoiz et je vos di que chevalerie sera bien en moi emploiee, se Dieu plest. » Galaad resgarde le vaslet qui plore moût tendrement ; si l'em prent moût grant pitié et por ce li otroie il. « Sire, fet li vaslez, retornez la dont nos 25 venons, car ilec avré je armes et cheval. Et vos le devez bien fere, ne mie por moi solement, mes por une aventure qui i est, que nus ne puet a chief mener, et je sai bien que vos l'acheveroiz.'^) Et il dist qu'il ira volentiers.

Si retorne maintenant a l'abeie. Et quant cil de laienz 30 voient qu'il revenoit, si li firent grant joie et demandèrent au vaslet por quoi li chevaliers estoit retornez : « Por moi fere chevalier, » fet il. Et il en ont grant joie. Et li Bons

Chevaliers demande ou celé aventure est : « Sire, font cil de laienz, savez vos quele aventure ce est ?, » — « Nanil, » fet il. — « Or sachiez, font il, que ce est une voiz qui ist d'une des tombes de nostre cimetière. Si est de tel force que nus ne l'ot qui ne perde le pooir dou cors grant tens après. » — « Et savez vos, fet Galaad, dont celé voiz vient ?» — « Nanil, font cil, se ce n'est de l'anemi. » — « Or m'i menez, fet il, car moût le desirre a savoir. » — « Donc covient il que vos en venez o nos. » Et lors l'en meinent au chief dou mostier tout armé fors de son hiaume. Si li dist uns des frères : « Sire, veez vos cel grant arbre et celé tombe desoz ?» — « Oïl, » fet il. — « Or vos dirai donc, fet li frères, que vos feroiz : alez a celé tombe la, et la levez, et je vos di que vos troveroiz desoz aucune grant merveille. » A tant vet Galaad celé part et ot une voiz qui gita un cri si dolereus quç ce fu merveille, et dist si haut que tuit le porent oïr : « He 1 Galaad, serjant Jhesucrist, n'aproche plus de moi, car tu me fero.ies ja remuer de la ou j'ai tant esté. » Et quant Galaad ot ce,>si n'est point esbahiz^'ainz vet a la tombe. Et quant il la volt prendre par ie gros Âief, si en voit issir une fumée et une flamme après, et en voit issir 'une figure la plus hisdeuse qui fust en semblance d'ome. Et il se seigne, car bien set que ce est li anemis. Et lors ot une voiz qui li dist: «Ha! Galaad, 'sainte chose, je te voi si avironné d'anges que mes pooirs ne puet durer encontre ta force*, je te les le leu.^^) Et quant il ot ce, si se seigne etmercie Nostre Seignor. Si lieve la tombe contremont et voit desoz un cors gésir tôt armé, et voit delez lui. une espee et quan qu'il covient a home fere chevalier. Et quant il voit ce, si apele les frères et lor dist : « Venez veoir ce que je ai trové, si me dites que je en ferai, car je suiz près que plus en face se plus en doi fere. » Et cil i vont. Et quant il voient le cors gésir en la fosse, si li dient : « Sire, il ne covient que