PERCEVAL CHEZ LA RECLUSE
vostre frère, qui sont mort et ocis par lor outrage ? Et certes, se vos morez en tel manière, ce sera'damages granz et vostre parenté en abessera moût. Et savez vos que vos i perdroiz, se vos a cel chevalier vos combatez ? Je le vos dirai. Il est voirs que la grant Queste dou Saint Graal est comenciee, et s en estes compainz, ce m'est avis, et sera menée a fin prochainnement se Dieu plaist. Et il est einsint que vos querez moût greignor honor que vos ne cuidiez, se vos solement vos tenez de combatre a cel chevalier. Car ce savons nos bien, en cest païs et en maint autre leu, que au parsommer avra trois lo précieux chevaliers qui avront le los et le pris de la Queste sor tozles autres : si en seront li dui virge et li tierz chastes.r^v^ Et de ces deus virges sera li chevaliers que vos querez li uns \ et vos li autres, et li tierz Boorz de Gaunes. Par ces trois ^ sera la Queste achevée. Et puis que Diex vos a ceste honor 15 apareilliee a avoir, moût seroit granz domages se vos entretant queriez vostre mort. Et vos la hasterez bien, se vos a celui que vos querez vos combatez, carsanz faille il est moût mieldres chevaliers que vos n'estes, ne que bons que len conoisse. » 20
— « Dame, fet Perceval, il me semble, a ce que vos me dites de mes frères, que vos sachiez bien qui je sui. » — « Je le sai bien, fet ele, et bien le doi savoir : car je sui vostre ante et vos mes niez. Ne nel doutez mie por ce se je sui ci en povre leu ; ainz sachiez por voir que je sui celé que len 25 apela jadis la reine de la Terre Gaste. Si me veistes ja en ' autre point que je ne sui ore, car je estoie une des plus riches dames dou monde. Et neporquant onques celé richesce ne me plot tant ne embeli come fet ceste povretez ou je sui ore. » 3o
Quant^Perceval ot ceste parole, si comence a plorer de la pitié que il a ; si li sovient tant qu'il la conut a s'antain. Et lors s'asiet devant li et li demande noveles de sa mère et de
ses parenz. « Cornent, fet ele, biaus niés, ne savez vos nules noveles de vostre mère ?» — « Certes, fet il, dame, nanil : je ne sai s'ele est morte ou vive. Mes maintes foiz m'est ja venue dire en mon dormant que ele se devoit moût mielz plaindre de moi queloer, car je l'avoie presque maubaillie. » Et quant la dame ot ceste parole, si li respont morne et pensive : « Certes, fet ele, a vostre mère veoir, se ce n'est en songe, avez vos failli : car ele est morte des ce que vos alastes a la cort le roi Artus. » — « Dame, fet il, coment fu ce? » — « Par foi, fet ele, vostre mère fu si dolente de vostre département que le jor meismes, si tost come ele fu confesse, morut. » — « Or ait Dieus merci de s'ame, fet il. Car certes ce poise moi moût ; mes puis que einsint est avenu, a soffrir le me covient, car a ce repairerons nos tuit. Et certes je n'en oï onques mes noveles. Mes de cel chevalier que je quier, por Dieu, savez vos qui il est ne dont, ne se ce est cil qui vint en armes vermeilles a cort ?» — « Oïl, fet ele, par mon chicf ; il y vint a droit ; si vos dirai par quele senefiance ce fu.
« Vos savez bien que puis l'avènement Jhesucnst a eu trois principaus tables ou monde. La première fu la Table Jhesucrit ou li apostre mengierent par plusor foiz. Celé fu la table qui sostenait les cors et les âmes de la viande dou Ciel. A celé table sistrent li frère qui estoient une meisme chose en cuer et en ame; dont David li prophètes dist en son livre une moût merveilleuse parole : « Moût est, fist il, « bonne chose quant frère habitent ensemble en une volenté « et en une huevre. » Par les frères qui a celé table sistrent fu pes et concorde et patience, et toutes bones huevres pot len bien en aux veoir. Et icele table establi li Aigniax sanz tache qui fu sacrefiez por nostre rédemption.
« Après celé table fu une autre table en semblance et en remembrance de lui. Ce fu la Table dou Saint Graal, dont si
