CONFESSION DE LANCEI.OT

ausi seroit perdue en vos la peine nostre, se vos ne la receviez de bon cuer et metiez a oevre. Et ce seroit la semence que len gite sus la roche, que li oiesel enportent et degietent et ne vient a nul preu. » — « Sire, fet il, vos ne me diriez chose que je ne face, se Diex me done vie. » — « Dont vos requier je, fet li preudons, que vos me creantez que ja mes ne mefferoiz a vostre creator en fesant pechié mortel de la reine ne d'autre dame ne d'autre chose dont vos le doiez corroder. » Et il li créante come loiaux chevaliers.

« Or me contez encore, fet li preudons, dou Saint Graal i< coment vos est il avenu. » Et il li conte et devise les trois paroles que la voiz li et dites en la chapele, la ou il fu apelez pierre et fust et figuiers. « Et por Dieu, fet il, dites moi la senefiance de ces trois choses. Car je n'oï onques mes parole que je desirrasse tant a savoir come ceste. Et por ce vos pri 15 je que vos m'en façoiz certain : car je sai bien que vos en savez la vérité, i) Lors comence li preudons a penser grant pièce ; et quant il parole, si dist : « Certes, fet il, Lancelot, je ne me mervoil mie se ces troi paroles vos ont esté dites. Car vos avez esté toz dis li plus merveilleus bons dou 20 monde et por ce n'est il mie merveille se len vos dit plus merveilleuses paroles qu'à autres. Et puis que vos avez talent de savoir en la vérité, je la vos dirai volentiers. Ore escoutez.

« Vos me contez que len vos dist : « Lancelot, plus durs 25 « que pierre, plus amers que fuz, plus nus et plus despris que « figuiers, va t'en de ci. » En ce que len vos apela plus durs que pierre puet len une merveille entendre. Car toute pierre est dure de sa nature et meesmement l'une plus que l'autre. Et par la pierre ou len troeve durté puet len entendre le 30 pecheor, qui tant s'est endormiz et endurciz en son pechié que ses cuers en est si endurciz qu'il ne puet estre amoloiez ne par feu ne par eve. Par feu ne puet il estre amoloiez, car

li feus dou Saint Esperit n'i puet entrer ne trover leu, por le vessel qui est orz et les desviez péchiez que cil a acreuz et amoncelez de jor en jor. Etpareve ne puet il estre amoloiez, car la parole dou Saint Esperit, qui est la douce eve et la douce pluie, ne puet estre receue en son cuer. Car Nostre Sires ne se herbergera ja en leu ou ses anemis soit, ainz veut que li ostiex ou il descendra soit nez et espurgiez de toz vices et de toutes ordures. Et par celé entencion est li pechierres apelez pierre, por la grant durté que Nostre Sires troeve en lui. Mes ce covient veoir par droit cornent tu es plus durs que pierre, ce est a dire cornent tu es plus pecheors de toz autres pecheors. » Et quant il a ce dit, si comence a penser et maintenant li respont :

« Je te dirai coment tu es plus pechierres d'autres pecheors. Tu as bien oï des trois serjanz a qui li riches bons bailla les besanz a acroistre et a monteploier. Li dui qui plus en avoient receuz en furent serjant bon et loial et sage et porvoiant. Et li autres, cil qui moins en avoit receu, en fu serjanz fox et desloiax. Or garde se tu porroies estre de ses serjanz a qui Nostre Sires bailla les cinc besanz a monteploier. Il m'est avis qu'il te bailla moût plus. Car qui or regarderoit entre chevaliers terriens, il'm'est avis qu'il ne troveroit pas home a qui Nostre Sires donast tant de grâce com il t'a preste. Il te dona biauté a comble ; il te dona et sens et discrecion de conoistre le bien dou mal ; il te dona procce et hardement. Et après ce te dona il boneur si largement que tu es adés venuz au desus de quan que tu as comencié. Toutes ces choses te presta Nostre Sires por ce que tu fusses ses chevaliers et ses serjanz. Ne il nés te dona mie por ce que toutes ces choses fussent en toi peries, mes escreues et amendées. Et tu en as esté si mauves serjanz et si desloiaux que tu l'en as guerpi et servi son anemi, que toz jorz as guerroie contre lui. Tu as esté li mauves soudoiers qui se

EXPLICATIONS DE l'eRMITE 69

part de son seignor si tost corne il a ses soudées receues et vet aidier son anemi. Einsi as lu fet a Nostre Seignor : car si tost com il t'ot paie bel et richement, tu le lessas por aler servir celui qui toz jorz le guerroie. Ce ne feist pas nus bons, a mon escient, qu'il eust ausi bien paie com il te paia : et por ce puez tu bien veoir que tu es plus durs que pierre, et plus pechierres que nus autres pechierres. Et encore, qui | velt, puet len bien entendre pierre en autre manière. Car de ) pierre virent bien genz issir aucune douçor es deserz outre la Rouge Mer, ou li pueples Israël demora si lonc tens. La vit len bien apertement que quant li pueples avoit talent de boivre, que li uns se dementoit a l'autre, que Moyses vint a une roche dure et ancienne et dist tout einsi corne se ce ne poïst avenir : « Ne porrons nos giter eve de ceste roche ? » Et maintenant issi eve de la roche a tel plenté que toz li pueples en ot a boivre et einsi fu acoisiee lor murmure et estanchiee lor soif. Einsint puet len dire que de pierre issi aucune foiz douçor ; mes de toi n'en issi onques nule, por \ quoi tu puez veoir apertement que tu es plus durs que \ pierre. »

— « Sire, fetLancelot, or me dites por quoi len me dist que je estoie plus amers que fust. » — « Je le te dirai, fet li preudons. Or m'escoute. Je t'ai mostré que en toi est toute durtez, et la ou si granz durtez est herbergiee ne puet nule douçors repairier, ne nos ne devons pas cuidier qu'il i remaigne riens fors amertume ; et amertume est donc en toi si grans come la douçors i deustestre. Donc tu es semblables au J^ust mort et porri ou nule douçor n'est remese, fors amertume. Or t'ai mostré coment tu es plus durs que pierre et plus amers que fust.

« Or est la tierce chose a mostrer coment tu es plus nuz et plus despoilliez que figuiers. De cel figuier dont il parole ci fet mencion l'Evangile la ou il parole dou jor de la

Pasque florie, celui jor que vint Nostre Sires en la cité de Jherusalem sor l'asnesse, le jor que li enfant des Hébreux chantoient encontre sa venue les douz chanz dont Sainte Eglise fet chascun an mencion, celui jor que len apele le jor des Flors. Celui jor sermonna li Hauz Sires, li Hauz Mestres, li Hauz Prophètes en la cité de Jherusalem, entre cels en qui toute durtez ert herbergiee. Et quant il se fu traveilliez toute jor et il se fu partiz dou sermon, il ne trova en toute la ville qui herbergier le vousist, por quoi il se parti de la cité. Et quant il en fu horz issuz,, il trova en sa voie un figuier qui moût ert biax et bien garniz de fueilles et de branches, mes de fruit n'i avoit il point. Et Nostre Sires vint a l'arbre, et quant il le vi si desgarni de fruit, si dist ausi come corrociez, dont il maldist l'arbre qui fruit ne portoit. Einsi avint del figuier qui estoit defors Jherusalem. Or resgarde si tu porroies estre autiex, et plus nu;i et plus despoilliez que il ne fu. Quant li Hauz Sires vint a l'arbre, il i trova fueilles dont il poist prendre s'il volsist. Mes quant li Sainz Graax vint la ou tu estoies, il te trova si desgarni qu'il ne trova en toi ne bone pensée ne bone volenté, mes vilain et ort et couchiez de luxure te trova il, et tout desgarni de fueilles et de flors, ce est a dire de toutes bones oevres ; por quoi len te dist puis la parole que tu m'as dite : « Lancece lot, plus durs que pierre, plus amers que fust, plus « nuz et plus despris que figuiers, va t'en de ci. »

— « Certes, sire, fet Lancelot, tant m'avez dit et mostré apertement que je a droit sui apelez pierre et fust et figuiers : car toutes les choses que vos m'avez dites sont herbergiees dedenz moi. Mes por ce que vos m'avez dit que je n'ai mie encore tant aie que je ne puisse retorner, se je me vueil garder de renchaoir en pechié mortel, créant ]e premièrement a Dieu et a vos après que ja mes a la vie que je ai menée si longuement ne retornerai, ainz tendrai chasteé et

CONVERSION DE LANCELOT Jl

garderai mon cors au plus netement que je porrai. Mes de sivre chevalerie et de fere d'armes ne me porroie je tenir tant corne je fusse si sains et si haitiez come je sui. » Et quant li preudons ot ceste parole, si est moût liez et dist a Lancelot : « Certes, se vos le pechié de la roine voliez lessier, je vos di por voir que Nostre Sires vos ameroit encore et vos envoieroit secors et vos regarderoit en pitié, et vos donroit pooir d'achever mainte chose ou vos ne poez avenir par vostre pechié. » — « Sire, fet Lancelot, je le les, en tel manière que ja mes ne pécherai en li ne en autre. »

Et quant li preudons l'ot, si li enjoint tel penitance com il cuide que il puisse fere, et l'asoult et beneist et li prie que il remaigne hui mes o lui. Et il respont que a fere li covient, car il n'a cheval sor quoi il puisse monter, ne escu ne lance ne espee. « De ce vos aiderai je bien, fet li preudons, aiçz demain au soir. Car ci près maint uns miens frères chevaliers, qui m'envoiera cheval et armes et tout ce que mestier sera, si tost come je li manderai. » Et Lancelot respont que donc remaindra il volentiers ; et li preudons en est liez et joianz.

Einsi demora Lancelot o le preudome qui l'amonestoit de bien fere. Et tant li dist li hermites bones paroles que Lancelot se repent moût de la vie qu'il a si longuement menée. Car il voit bien, s'il i moreust, il perdist s'ame ; et li cors par aventure en fust maubailliz s'il poïst de ce estre atainz. Et por ce se repent il qu'il ot onques foie am or vers la reine, car il i a usé son tens. Si s'en blasme et honist, et créante bien en son cuer que ja mes n'i rencharra. Mes atant lesse ores li contes a parler de lui et retorne a Perceval.

Or dit li contes que quant Perceval se fu partiz de Lancelot, qu'il retorna a la recluse dont il cuidoit oïr noveles dou 3o

chevalier qui eschapez lor estoit. Et quant il fu retornez, si li avint qu'il ne pot trover nul droit sentier qui celé part le menast. Et neporec il s'adreça la ou il cuidoit que ce fust au mielz qu'il pot. Et quant il vint a la chapele, si hurta a la petite fenestre a la recluse, et ele li ovri maintenant corne celé s qui ne dormoit mie. Si mist sa teste au plus avant que ele pot et li demande qui il est. Et il dist qu'il est de la meson le roiArtuseta non Perceval le Galois. Et quant celé ot son non, si a moût grant joie, car molt l'amoit, et ele si devoit fere come celui qui ses niés estoit. Et ele apele sa mesniee lo de laienz et lor comande que il oevrent l'uis au chevalier qui la fors est, et li doignent a mengier s'il en a mestier et le servent de quan qu'il porront, car ce est li hons el monde que ele plus aime. Et cil de laienz font son comandement et vienent a l'uis et le defferment et reçoivent le chevalier et le 15 desarment et li douent a mengier. Et il demande se il porra mes hui parler a la recluse. « Sire, font cil, nanil, mes demain après la messe cuidons nos bien que vos li puissiez parler. » Et il s'en sueffre atant et se couche en un lit que cil de laienz li firent ; et se reposa toute la nuit come cil qui las estoit et 20 travailliez.

L'endemain, quant li jorz fu clers, se leva Perceval et oï messe, et li preudons de laienz li chanta. Et quant il fu armez, si vint a la recluse etli dist : « Dame, por Dieu dites moi noveles dou chevalier qui par ci passa hier, a qui vos 25 déistes que vos le deviez bien conoistre : car il m'est tart que je sache qui il est. » Et quant la dame ot ceste novele, si li demande por quoi il le quiert. « Por ce, fet il, que je ne serai ja mes aeise devant que l'aie trouvé et me combate a lui. Car il m'a tant meffet que je ne le porroie mie lessier sanz honte 30 avoir. »

— «Ha! Perceval, fet ele, que est ce que vosdites? Voulez vos combatre a lui ? Avez vos talent de morir ausi come