PROPHETIE DE MERLIN
il s'en tienent a plus boiieuré que s'il avoient tout le monde gaangnié, et bien voit len que il en lessent lor pères et lor mères et lor famés et lor enfanz. De vos meismes avez vos ce veu avenir. Car puis que vos partistes de vostre mère et len vos ot fet compaignon de la Table Reonde, n'eustes vos 5 talent de revenir ça, ainz fustes maintenant sorpris de la douçor et de la fraternité qui doit estre entre cels qui en sont compaignon.
« Quant Merlins otla Table Reonde establie, si dist il que ., par cels qui en seroient compaignon savroit len la vérité dou v^ Saint Graal, dont len ne pot veoir nul signe au tens Merlin. Et len li demanda coment len porroit conoistre cels qui plus vaudroient. Et il respondi : « Troi seront qui l'achèveront : « li dui virge et li tierz chastes. Li uns des trois passera son « père autant come li lyons passe le liepart de pooir et de har- 15 « dément. Cil devra estre tenuz a mestre et a pastre sor toz « les autres ; et toz dis foloieront li compaignon de la Table « Reonde a quierre le Saint Graal, jusqu'à tant que Nostre « Sires l'envoiera entr'aux si soudainement que ce sera « merveille. » Et quant cil oïrent ceste parole, si distrent : 20 « Ore, Merlin, puis que cil sera si preudons come tu diz, tu « devroies fere un propre siège ou nus ne s'aseist fors lui « solement, et fust si granz sor toz les autres que chascuns a le poïst conoistre. » — « Si feré je, » fist Merlins. Et lors fist un siège entre les autres grant et merveilleus. Et quant il 25 ot ce fet, si le comença a besier et dist que ce avoit il fetpor l'amor dou Bon Chevalier qui s'i reposeroit. Et il li distrent maintenant : « Merlin, que porra il de cest siège avenir ? » — « Certes, fet il, il en avendra encore mainte merveille : « car ja mes nus ne s'iaserra qui ne soit morz ou mehaigniez, 30 « jusqu'à tant que li Verais Chevaliers s'i aserra. » — « En « non Dieu, firent il, donc se metroit en trop grant péril qui « s'i aserroit ?» — « En péril se metroit il, dist Merlins ;
« erpor les périls qui en avendront avra il a nom li Sièges « Périlleux. » '-^Ê
« Biaus niés, fet la dame, or vos ai dit par quel raison la ^* Table Reonde fu faite, et por quoi li Sièges Périlleux fu fez, ' ou maint chevalier ont esté mort, qui n'erent pas digne qu'il s'i aseissent. Or vos dirai par quel manière li Chevaliers vint a cort en armes vermeilles. Vos savez bien que Jhesucriz fu entre ses apostres pastres et mestres a la table de la Ceinne '/ après fu senefiee par Joseph la Table del Saint Graal, et la Table Reonde par cest chevalier. Nostre Sires promist a ses apostres devant sa Passion que il les vendroit visiter et veoir, et il s'atendirent a ceste promesse triste et esmaié. Dont il avint, le jorde la Pentecoste, que, quant il estoient tuit en une meson et li huis erent clos, que li Sainz Esperiz descendi entr'ax en guise de feu et les reconforta et aseura de ce dont il estoient en doutance. Et lors les fist départir, et les envoia par mi les terres preechier le monde et enseignier la Sainte Evangile. Einsint avint as apostres, le jor de la Pentecoste, que Nostre Sires les vint visiter et reconforter. Si m'est avis que en ceste semblance vos vint reconforter li Chevaliers que vos devez tenir a mestre et a pastor. Car tôt ausi com • Nostre Sires vint en semblance de feu, ausi vint li Chevaliers en armes vermeilles, qui sont de color a feu semblables. Et ausint come li huis de la maison ou li apostre estoient erent clos en la venue de Nostre Seignor, ausi furent les portes ; dou paies fermées devant ce que li Chevaliers venist. Dont il avint qu'il vint si soudainement entre vos qu'il n'i ot si sage qui seust dont il vint. Et le jor meismes fu emprise la Queste dou Saint Graal, qui ja mes ne sera lessiee devant que len en sache la vérité, et de la Lance, et por quoi tantes aventures ; en sont avenues en cest pais. Or vos ai dite la vérité dou Chevalier por ce que vos ne vos combatez ja encontre lui ; car bien sachiez que vos nel devez mie fere, por ce que vos
